Ajuda ao próximo
Ajudar o próximo é mandamento de Deus e expressão prática da fé. A Bíblia ensina que a fé sem obras é morta — e que servir ao menor dos irmãos é servir a Cristo.
Moo kwuyengwu mi yi lonzu, lu shi mi kiya mi ri, ugbembyi u wo mi mo, lu shi mi embyi mi wo, mi kwu ugboga, lu na mi ewo epo mogba yi, mi yi rewa ingyi ekpayi, lu shi mi, mi pwu ofya lu yese mbaa mi, o ta mi mu ugu ugyi lu ka lu ma mi.
<<Akwɛyi enzu umba ototo o gba wu opwu tee, <Ɔkwu, ɔnuwuna bɔkɔ ki ma ŋa te ŋɔ yi lonzu akwɛyi ki shi ŋɔ kiya ŋɔ ri, na ugbembyi u wo ŋɔ mo akwɛyi ki shi ŋɔ embyi ŋɔ wo? Ɔnuwuna bɔkɔ ki ma ŋa ugboga bɔkɔ ki na ŋa ewo epo mogba nzu, naa ŋɔ yi ugɔ uwu ekpayi akwɛyi ki kpo ŋɔ ekpayi? Ɔnuwuna bɔkɔ ki ma ŋa mu ofya ipwuma naa o ta ŋa mu ugu ugyi akwɛyi ki ka ki ma ŋa?>
Akwɛyi Ɔsu awu a gba mba opwu tee, <Ongbulolo gba mi so yi le tee, kiya ingyinangyina ingyi lu wo laa ukpɛnyi umbwambwa mu ɛmɛnɛ mi mbɔlɛ, lu wo mi!>
Onzu uwu a nda ŋa kiya, shi wu; ki kwu wu onzu uwu e bo tee aa na kwokpa munyi ŋɔ ɔsu mo.
Tegba i fa te ɛbɛ yi li lemo mba enzu le, kaa lo ma ɛduma yi iyeshi akwɛyi ɔɔ du Ete yi uwoshi ma.
La lu shi enzu kiya, akwɛyi Ukpo ba e shi yi tete. Mu omudu uweshi, uwu o kpa wu ewo sha sha, o wo wu akpa, a nyɔlɔma nzhii ba a za la ifumo gba o mondo ŋɔ le. Omudu uwu ŋɔ mondo laa enzu ma wu, ma wu gba Ukpo e mondo ŋɔ le tete.>>
Akwɛyi enzu o yo wu tee <<Ba ki wo te kekelele?>> Akwɛyi a gba mba opwu tee, <<Onzu uwu e yi ɛriga epo, le to ukpɛnyi le shi onzu uwu bɔkɔ ukpɛnyi lala e yi wu mo awu, onzu uwu e yi kiya ingyirimo ba la kama mbala enzu umba bɔkɔ o yi ngyi mo awu tete.>>
La lu kwu apula yi lɛɛbi la lu ya yi ma kaa lu shi ayirewa. La lu gagyi ɛkpɛshɛ lɛyi iyi bɔkɔ i wuma mo, la lu shi kiya ingyi kwuwo moshi, mbaa bɔkɔ ki gyima mo, kwuwongu uwɛlɔ a nyɔ kɛlɛ mo, ɛla ba e ri yimo mo. Moo mbaa kiya ingyi kwuwo ŋɔ ki yi le gba egbo ŋɔ i yi le tete.
Ɔkpa mi gba e yi te: la lu gyesu mate bɔkɔ mi gyi yi awu.
Idɛnyi iyi i ka ɛlɛ ma i yi mo, tee onzu ee shi kwunyɔ wu kwuwongu umɛza wu.
Mu ingyinangyina bɔkɔ mi wo, Mi zɔ yi te, mu ɛduma iwomo ɛlɛ te gba ki mbwa umba bɔkɔ o yi ekpasu mo le, la ki lolo mba iso iyi Ɔkwu Ɔzhizɔsi e so mu afyi wu te: <Ishimo iyi ɔnyɛ i ka inama.> >> Tabɔkɔ Ɔpɔlu a mbwa iso ɛlɛ isomo, uwu mbala mba lɛɛbi o kumo akwɛyi o lɛ Ukpo. Enzu lɛɛbi mba o mu ɛnyɛ akwɛyi o kpa Ɔpɔlu idu akwɛyi a kama. Iyi bɔkɔ i shimbo ubugyi gyɔɔ gba akwu iso iyi bɔkɔ Ɔpɔlu a za mba te o ma wu gbee fo awu. Akwɛyi o fye wu mo o kawa mba kwoda ungwu embyi.
La lu mbwama la wa mbwalu umba bɔkɔ o yi igɔ, agboga ba la lu na mba mu agba yi.
Kinzu umba ki kɔma mu ikwu idu lu fulo la ki mbwala enzu umba bɔkɔ o kɔma mu ikwu idu lu fulo mo mu ewulo mbo ishimo. La ki wo kiya ingyi bɔkɔ kinzu ki gyi bi mo.
Lalu mbwa la esu ma kwuyengwu bɔkɔ onzu uwufo yi e yi mu inyashi imama, moo mu iwomo ɛlɛ gba lu nyɔlɔ ɛrama iyi Okrasi mo le.
Onzu uwu bɔkɔ akwu uwɛlɔ, la lafya la ɛlɔ iwuma. Le wo ɛduma mu ewo wu kaa la sa ugɔ wu ma mbala igɔ iyi ayirewa.
Kwuwo kwɔlɛ la lu yese mbesu, uwewe le yese mbaa esheshi iya wu byi mo.
Ɛmɛnɛ mi akwiyi gba onzu a zɔ te e yi ikwu idu lu fulo ba e yi ɛduma iyeshi mo, esheshi yi ba akwu mbɛ? Ikwidufulo wu ɛnyi i do wu isama? Akwiyi gba ugɔ uwu okpayi mbala uwu kiya ingyirimo a kpa umɛnɛ ɔnzɔnu naa okokpayi ma, akwɛyi onzu uwufo a za wu te, <<So moloto Ukpo le shi ŋɔ ekpayi mbala kiya ingyirimo ingyi bɔkɔ ŋɔ gyi awu,>> ba e wo kinyinyi kaa la sa wu ugɔ awu ma mo, a mbwa wu ma mungye? Tegba ikwu idu lu fulo i yi le, akwiyi gba i kyo mbala ɛduma mo i yi kyamate ukpɛzhi uwu onzu tayi.
Akwiyi gba onzu e yi kiya ingyi kwuwo akwɛyi a ma umanyi wu te ugɔ a kpa wu ma ba a mbwa wu ma mo, onzu awu tayi idɛnyi iyi Ukpo i yi mawu mo?