Ajuda ao próximo
Ajudar o próximo é mandamento de Deus e expressão prática da fé. A Bíblia ensina que a fé sem obras é morta — e que servir ao menor dos irmãos é servir a Cristo.
Sobon Na zi nyunwa ku ba ni mbosi de ni si, Na zi kishi ku ba ni riki de ni sha, Ni zo ku bakwee ku keleba ni a gizi aku, Ni ma keikei ba ku ba ni, Ni ma yi suwo ku kula ni, Ni ma a jaru ku zo geshe ni.
<<Se ntani gangasi sua keleba e yi nkye, <Obagizi, woshe na mu geni ke ka zi nyunwa na mu ba ke mbo si, ko kaa zi kishi mu ba ke mbode sha,? woshe na mu geni ke bakwe na mu keleba ke yuru a gizi, ko totombolo na mu ba ke keikei? Woshe de mu geni ke yi suwo ko a jaru de mu te geshe ke?>
<<Seleki yaa keleba nkye, <Ni gye ku gaskye, du mbo kyakyawu de ki yi yayuwa na dende ni siki yawo na, E ni na ki yi ni nshi.>
Nde nse da ologba ke mbo de ki ma nshi beyi, nsu de bila lemese se anya ke kede ki nane yi ba.
E ma yomu na, ku nana asikye ku de ntani su geni, de su geni gangasi ku de su yobo Adaa ku de e ma siki bisi.
Ku beyi sobon oku ma sua ba ku. agongo gwadaa kyakyawu, sika ari yaa nya, gongo de ki gwadaa ntani nshi e shi na Mirikisi yaa gwadaa ke nshi.>>
<<Ntani minya yi nkye. Mina mua yi?>>
Yaaya keleba, <<Nsu de man riga bi e laba nja nsude e man shi ba, nsude mani mbosi e yi yomu du.>>
Ku la mbode ku manshi guru la see de ku gyolo ba potoruwa. Ku tala kiya ku mbo nani anya yaa bebeta ba, ku tala kiya mbo nani ku a bisi anya de bebeta, sobon de ba bolowa de yaa te kwa yi ku nshi ba ko gana yaa bebeta ku nshi. Anya de mbo nani ake ma, ayan na dishiya ake yaama.
Doka na e shina ma; Ku so kiya ku yiri de ni so ku.
Totolo so daa de e pi nsum e ma ba, de nsebeki e beyi leyi e yi sobon oboki e yi.
A siki mbo guru de na yi, Ni nana ku nkye anya ANKI soseyi de mma yi na, Ni sua worede su man sori ba to turunwa kelima de Obagizi Yesu nkiya e yi pala: <Mirikisi nkye e pi ma ni anabirika de ki beyi nja de ka keleba,> >> De Bulusu pala yomu, e dure nja guru asu su yi lepa. Se guru asu su yi anwe de su runguma Bulusu. Mbode sa su yi beki siki soseyi e shina ma beta de pala nkye sua geni yi gagaba. Se su sa yi te a baki riki de e yuru a kwanto.
Ku laba mbode ku manshi nja nsubiya Yesu worede su manshi ba. Kuma nsu keleba bakwe nnani bi.
Jima Worosu su Ba Nkike ba
Omu de mu man sori a siki beigaskye e kamata de mu sua worede man sori ba nto a siki ni reshi sori su. Kede mu jima kiya mu
Nde nseda ku ma a siki Genbeki, dole na ku sua yi nto a kwanki ni, ku yi yomu na kwa sika doka Yesu Kiristi.
Nsude mayi bolowa, kede e yi bolowa gagaba, sede e yi ANKI tukuru, e yi ANKI kyakyawu ni nani yi, de e mani mbode yaa sua worede su manshi ba nto.
Kowon nse a siki aku kede e yi mbo sobon riba ni kiya yi kowe, sede riba ni sobon worosu su du.
Beigaskye Nja Anki
Yayuwa na, mina ma kyawu e yi de nsebeki nkye e mani beigaskye sede beigaskye e yi nana anki e yi ba. Beigaskye e yi yaa sila nshi? Kuzukam, nde yayiwa ni minzi ko ni mase de mani keikei sa ba ko mbosi ni si kowoni nana ba. Nde nseda ku gye su nkye, <<Ku sonka lapiya! Mirikisi e ba ku mbosi nja keikei de kwa sa!>> sede e ba su mbode sua bila ba, mina ma kyawu yi? Yomu na, nde beigaskye e te mani ANKI ba, e ma mumuntu.
Nde nsedaa ku mani mbo nani nde e geni yayiwa e yi ma siki ngala, sede e zi toseyi e yi ba, yaya na so ni Mirikisi yaa ma a siki yi?