8 Ookkoneechchi uduma Mageni Nohinna isinni welti hexxeexxa labbaxxa oose ifixxa 9 hiyyee qici, «Ani ha’no’aannaa ha’noo uduma daggaaxxe ha’nooxxe ila’a kako aagaanneni; 10 iittanni ha’nonni welti hexxemmaxxe lubbo affeexxe dada duuchchi’a: ci’atee, horeke biniinchuwwakeenna ha’nonni welti Lumoxxe Hobolo giddii’ni fuldeexxe, buttate’ni hexxeexxe lubbo affeexxe dada duuchchi’a kako aagaannen. 11 Ta’anni udmi’a lubbo affeexxe dada duuchcha balleessatike wodi’inni baxxabaaxxa; langaxxa butta balleesaaka wodi’i hedhabaaxxa ha’no’aa kako aagaannen.»

12 Mageninna hiyyee qici, «Ani ha’no’aanna, ha’nonni welti hexxeexxe lubbo affeexxe dada duuchchi’a, aagenexxe tenne duuchchin woddixxe kako’a beesisake kado’a, 13 anka Dowwichcho duumanchake’n uggannoni; kunni dowwichchinna ani buttatee aagennexxe kako’a beesisake kadaan.

11 Ta’anni udmi’a lubbo affeexxe dada duuchcha balleessatike wodi’inni baxxabaaxxa; langaxxa butta balleesaaka wodi’i hedhabaaxxa ha’no’aa kako aagaannen.»

13 anka Dowwichcho duumanchake’n uggannoni; kunni dowwichchinna ani buttatee aagennexxe kako’a beesisake kadaan.

18 Eettene barra Duuchchi Woddik Gootti Abiraami’a hiyye kako aagee qici, «Gibtseke galaninaa’n Lumoke Efiraaxisike galaani qico’n hedheeka boga horte atixxee uwwannon. 19 Kunni insa’ne’a uwwanok bogi Qenaatotika, Qenizatitotika, Qaadimonitotika, 20 Hiititotika boga, Feeriizitotika boga, Raafatitotika boga, 21 Amooritotika boga, Kenaanitotika, Gergerisiitotika bogannaa, Iyyaabusitotike bogan» hiyye.

3 Abiraaminna albik buttinake’ni gonbiseme; Mageninna isoo hiyyee qici, 4 «Kunnise ani ati’a aagaannexxi kako heddo gosa gosake anna kaddattoxxen. 5 Heddo gosa gosake anna atee assannaxxee telchinni elqi’a summa atik Abiraami* hiyyema gatteexxi Abirihaam kadaan.✝ 6 Horte atixxa hara bira sa’issannon; heddo gosa gosake arda atee assannon; boga galchaak moyanjuwwinna atenaa’n afemaan. 7 Ani ati’a, atibaa uduma atixxe horte’a ilatenaa’n ilati qici’a duuchchi wodddixxa kako aagannon; konnee qici atikennaa ati udumanna atixxe horteke Mageno kadannon. 8 Ta’a ati konnee keessummumma hexxetteka Kenaanika boga duuchcha ati’a, atiba udumanna atixxe horte’a duuchchi woddi’a qadaada kado’a uwwannon; insa’neke Magenonna kadannon.»

9 Higgeenna Mageni Abirihaamii hiyyee qici: «Ati’a aagennexxa kako ati, atiba udumanna atixxi horte ilatenaa’n ilati qico’n heqqexxinaan. 10 Atinna atibaa uduma horte atixxi heqqexxinaaxxi kako: labbak duuchchi jila ofo’lowwaan. 11 Tennexxe labbak ha’nok manji duuchchi jila ofo’laan; tinni jila ofo’lanna ha’noxxenna anxe oddo’n hexxeexxe kakoke beesisa kadaan.

5 Tommenna sholgaxxe wogga’n Kolodogomeerinna isinni welt guddemmak moyanjuwwi ifi fike loliinke manni duuleexxi Raafayito Asitaaroti Qarnayiim giddo, Zuuzito Haami giddo, Eemito Seewi Qiriyaatayim giddo,

5 Tennexxee ani’a adda ajajendinoole, kako anxanna heqqexxinoole, gosa gosake ardi duuchchinaa’n ha’no ani’a mellendineeke ardan. Buutta duuchcha anxe kadde’naanni,✝✝

31 «Gabala atixxa Eritiriinxe Abbaayyanaa’n* Filisixeemixxe abbaayyaa qico,* eettene qiilla gammoojjenaa’n galaani qico’ni* assanon. Ookkone boga’ninna hedha’neka manna atixxe anga’ni sa’isse uwwannon; atinna insa’ne’e shorrite ati edii’ni fulchitatton. 32 Insa’nenninna kadi insa’neke magenuwwinni welt kako aaggoxxe’e.

10 Ookkoneechchi uduma Duuchchi Woddiki Gootti Muuse hiyyee qici: «Ta’a yoona Isira’eelike ardinni kako aagaannen; konneechchi edi darre hoone ardixxe oddo’ninna kade ege’nebaaka mambe’a konne ardi edo assaannen; ani Duuchchi Woddiki Gootti assaannexxa lumoxxa yaane ha’no welti hexxina’neeki ardi uudaashsha sodaachchissaaxxanna mambe’a assitaaxxa yaane assaannen.

28 Muusenna ite ha’webaangi Duuchchi Woddike Goottin welti shoole tomme hashshanna barra ture; Duuchchi Woddiki Goottinna lame kinjo’ni kakotixxa hiyyuwwa, Tomme Ajajuwwa borreesse.

28 Muusenna ite ha’webaangi Duuchchi Woddike Goottin welti shoole tomme hashshanna barra ture; Duuchchi Woddiki Goottinna lame kinjo’ni kakotixxa hiyyuwwa, Tomme Ajajuwwa borreesse.

13 Isi eettene ifixxa kako tinninna hordoffino’a ha’noo ajajeemmaka ookkonee tomme ajajuwwa ha’no’n kule; isoonna lame bocendeexxe kino hananna borreesse.✝

9 Tennexxe Duuchchi woddiki Gootti atiki Mageni Magenoke kadeexxa ege’ni; isoo eeyaakaranna ajajuwwa isikanna heqqedhaake jaalala isixxixxa kaako kuma ilaaqico’ni heqqedhaake xuurameesa Magenoni.

14 Tennexxee Isira’eelik ardi Yordaanoosi’i foofo’a kaanbe giddii’n fulaa wodda kakotika taaboota dukkemmaxxi qeesole ardi edo me’ite. 15 Itti yanna midha bukki asseccatixxe yanna kaddemmaxxee, Yordaaanoosiki galaaninna dageemmani; kakotika taaboota dukkeemaxxi qeesole Yordaanoosika galaana gelte wodda lekka insa’nexxi galaana tuqqeeshanni, 16 alee’ni yaa’ammak wedi’i uurre; Tsartaani bira Addaami hiyyemaake bayike qachchii qico’ni tuuleme tullubeme; adadde Areebaxxe Maxinetixxe Abbaayyabaa* ya’ammak wedi’inna kuteme; ardikinna Iyyaarikoke kallachchi darree’n foofe. 17 Duuchchi Woddike Goottika taaboota dukkeemaxxe qeesole ardi duuchchi kuninna Isira’eelito duuchchi fooffe luggitaa qico’ni Yordaanoosike galaannixxe oddo’ni bago buttina’n uuriteemman.

17 Yodaahena, Duuchchi Woddike Goottike arda kandaashsha Duuchchi Woddike Goottixxe, moyanjiinxenna ardiinxe odoo’ni kako hexxaashsha asse; iittanni moyanjiinxenna ardiinxe oddo’ni kako hexxaashsha asse.

3 Moyanjikinna worqetixxe sooddo bira Duuchchi Woddike Gootti edo uurreexxi Duuchchi Woddika Gootta hordoffaaxxa ajajuwwa, seeruwwa, aaduwwa, mitte godobini, hedho duuchcha heqqedhaaxxa, konne maxaafa’ni borreessendeexxa kako jabeessaaxxanna Duuchchi Woddike Gootti edo kakotanna haaroonse. Ookkoneechchi uduma ardi duuchchi kakote’e afe’exxa addatensha kokeesse.

6 Eettene yanna’ni moyanji Iyyoraami Semaariya’n ke’eexxi Isira’eelika arda duuchcha bukki asse. 7 Yihudake moyanji’a Iyyosafixxi’a «Mo’aabik moyanji ane’ni fuggoxxini ke’emmaxxe’e aninni welti duuldatto?» hiyyeexxi eriga iso’ni ergedhe.

Moyanji Iyosaafixinna «Eeti atinni welti duulannoni; aninna atishshan, ardi ankinna atike ardishsha, fadhaduwwi aniki atike fadhaduwwishshandeni» hiyyeexxi isi’a hiisse.

16 Tennexxee Yoonataani, «Daawwitike naapha’n Duuchchi Woddik Gootti halo fulowwaal» hiyyeexxi Daawitixxe hortenni welti kako aage.

17 Yoonataani Daawwitii’i lubbo ifixxishsha eeyyammaxxee Dhugaati anee etattole higgeenna kakati hiyye.

10 Duuchchi Woddik Goottinna Muuse’e, 11 «Qeesichcho Aaroonika belto, Ali’aazaarik belti Finihaasi, ani ulfinna anke’e ha’no giddo hinaafannashsha hinaafeexxi, muffe anxa Isira’eelike ardinaa’n illeema hisse’een; tennexxe’e aninna insa’ne’e xo’o asse balleessebe’non. 12 Tennexxe ani isi’a nage’iinxa kako aagaannexxa kuli. 13 Isi Mageno ifikike ulfinni’a hinaafeexxi Isira’eelike ardixxa cubbo biremmaxxe’e isi, isi udumanna horte isixxi, duuchchi woddixxe qeesummatixxe kako kaddaan.»

89 Muuse Duuchchi Woddike Goottinn welti haaso’ate’e afenshatike duunkaan giddi’a e’yee wodda Duuchchi Woddik Gootti lame kurubeelixxe oddo’n kakotike Taabotik cubbo biratike tuphanji iimi darree’n iso’n haaso’aa’naa laqe. Isinne welti haaso’e.

1 Duuchchi Woddik Gootti Muuse’e hiyyee qici, 2 «Isira’eelike arda’n kuldettexxi mitte mittenge gosati minike sooreessuwwinaa’n mitte mitte, duuchchiinxi mitteba tommenna lame siqqo aadhi; mitte mitte manjichchika summa isi isinxe siqqichcho hana borreessi. 3 Mitti mittiing gosati minik sooreessi mitte mitte siqqichcho afa hasissaaxxe kaddemmaxxee Leewwike gosati minixxe siqqichcho hana Aaroonika summa borreessi. 4 Tenne siqqotanna ani atinni afemannoke afenshatike duunkaani giddo Taabotiinke galdumi edi darre uggi. 5 Tennexxee ani filannoke manjixxi siqqichcho quuxisa quuxxissaan; tennenninna Isira’eelik ardi hashsha barra ha’no’n adhdhuma’neexxa adhdhuma uurrisannon.»

6 Tennexxee Muuse Isira’eelike arda’n haaso’e; insa’nek sooreessuwwi ifi ifike mitte mittiinge gosati minenaa’n tommenna lame siqqo uune. Aaroonixxi siqqichchonna insa’neexxe siqqo giddo hexxemman. 7 Muusenna tenne siqqo duuchcha iyyemareexxi Taabotiinke Galdumike duunkaani giddo Duuchchi Woddike Gootti edo ugge.

8 Langaxxa bara gorsa Muuse Taabotiinke Galdumike duunkaan giddi’a e’yaa woda Leewwike gosati minik summi itti borreessememmaxxi Aaroonixxi siqqichcho quuxisa calla kaddebaangi luuphphisseexxi, daraarte Almoondi* gummise’na’a afe. 9 Ookkoneechchi uduma Muuse duuchchiinxa siqqo Duuchchi Woddike Gootti edii’n aadheexxi Isira’eelike manni duuchchiba’a iyyedage; insa’nenna uundeexxi mitti mitting manji ifi ifixxa siqqichcho adhdhe. 10 Duuchchi Woddik Goottinna Muuse, «Aaroonixxi siqqichcho xaqartichchi manni’a xexxe’achchiisatike beessisa kaddo’a ille iima hissitettexxi Taabotiinke Galdumi edi darre isee uggi; insa’ne rennabaashshanna, ane’n adhdhummaxxa adhdhumanna isee gatissaan.»✝ 11 Muusenna Duuchchi Woddike Gootti isoo ajajemmashshanni asse.

12 Isira’eelik ardi higgeenni Duuchchi Woddike Gootti edo elobaaxxa yaane hujje; insa’nenna tennee assineemmaxxe Duuchchi Woddik Gootti Mo’aabika moyanjo Egilooni Isira’eeli caala jabaataashsha asse. 13 Egilooninina Amoonitotanna Amaaleeqito malcheexxi Isira’eel’i lole: temirk haqichi xuphphi hiyyeeka Iyarkoka qachcha anga ibirse’ne.

31 «Ani Isira’eelikenna

Yihudake ardi’a» hiyya’ne Duuchchi Woddiki Gootti,

«Haaroxxa kako aagannoxxe

yaanna daggaan.✝

32 Tinni kakonna Gibtsee’ni insa’nee fulchonnaa,

anga insa’neexxa abide akeekennaxxa yanna,

Annuwwa insa’neekee aagennaxxe kakoshsha,

hexxeexxebaan;

Ani insa’neeke aro’o kadee’naanni

insa’ne kako anxa diinge’emman,»

hiyya’neen Duuchchi Woddiki Gootti.

33 «Yaane kinni eettene yaanna uduma,

Isira’eelike ardi’a aagaannexxi kako tenneten» hiyya’nen Duuchchi Woddiki Gootti.

«Seera anka qalbe insa’neexxi giddo uggannon;

godoba insa’neeki giddonna borreessannon;

Ani insa’neeke Mageno kadanno;

insa’nenna anke arda kandaan.✝

34 Ta’anni edi’aa ayyinna jaalo ifika,

yookaan dayyo ifika ‹Duuchchi Woddika Gootta ege’ni,› hiyyeexxi barachchiisabaan;

Shiixxokenaa’n lumokiqico’n hedheeki

duuchchiing anee’e ege’nammaxxe;

hiyya’neen Duuchchi Woddik Gootti.

«Ani balleessa insa’neexxa gattowwaali hiyyannon;

cubbo insa’neexxanna hige hedabe’non.»✝

20 Duuchchi Woddiki Gootti, «Ani hashshatinna barra, hashshite sooddaashsha murennexxi aada muuxendabaashsha hoyya dadeessissoole, 21 ookene wodda callan erganjo anke Daawwiti’a aagennexxi kako, iittanni ani edo qeessummati ergatemaake Leewwike manni’a aagennaxxi kako diigendaak; iittanni ookene wodda callan Daawwitiinna ta’anni edi’a moote ifixxe’n moyaaka sanne ifixxinaa’n afabaak.

15 Tennexxee ye’emeemmaakiir ookkonee addachchiisa uwwendeemmaka duuchchi woddika qadaada adhdho’a Kiristoosi haaroxxe kakoke oddichchani; tinni kaddeechchi manni siretixxe kako hunda hedhemma wodda hujeemmaxxe cubbonaa’n leexxa fulo’a isi reyemmaxxeeten.

15 Tennexxee ye’emeemmaakiir ookkonee addachchiisa uwwendeemmaka duuchchi woddika qadaada adhdho’a Kiristoosi haaroxxe kakoke oddichchani; tinni kaddeechchi manni siretixxe kako hunda hedhemma wodda hujeemmaxxe cubbonaa’n leexxa fulo’a isi reyemmaxxeeten.

6 Yaane kinni Yessuusi oddichchake kade’eemmaxxi kako aaggo eettene edixxenaa’n caaldaammashshanni isi adhdheexxi iitti ergatensha insa’nexxenaa’n caaldaan; tinni kakonna kaasende’eek woyya afeexxe addachchiisatike hiyyichcho’niten.

20 Duuchchi woddixxe kakoxxe mundenni gedhebiinke lumoke allalissanjo kadeedheeka Gootta no’oka Yessuusi Kirstoosi reyotenaa’n ke’iseeke nage’inke Mageni 21 fedhi isixxa assitinaashsha eloxxe yaane duuchchinni ha’noo ka’lishowwaal; isoo gammachchiissaxxanna Yessuusi Kiristoosi darre’ni no’o’n huccowwaal; isi’a duuchchi woddi’a ulfinni kadowwaal. Ameen.

6 Fidalk borreesendeexxe kakonte kadebaak Woyyichchi Hafuur borresendeexxe haaroxxe kakko’a ergatemanoshsha no’o geesiseek kinni Magenoken. Tinninna kadaachchi fidalk borreesendexxi kako rewote’n geesisaani; woyyichchi Hafuuri kinni hedhdhote uwwa.

24 Kunninna fakkeennaken. Tinni lame melaalle lame kakoxxe fakkeennan. Taakessoxxi kako oose garbummatee ilendeemmaxxe Aggaari labbaan. Ise siinaxxe kooba’ni uwwendeemmaxxe kakoke fakkeennan. 25 Aggaari kinni Arebiinke boga’ni afendaaxxe siinaxxe koobake fakkeennan; yookaan ta’ixxe Iyyerusaaleminni weli labbaan. Ise ifixxe oosenni garbummate’n hexxaaxxen 26 Iimixxi Iyyerusaalemi kinni leexxite; isenna ama no’oxxen.

17 Duuchchi Woddike Goottixxi jaalala kinni

duuchchi woddinaa’n duuchchii woddi’a isoo Magenoofataakeera’niten;

qullumma sixxinna insa’nexxe oosexxe oose’n hexxaan;

18 Tenneenna assaak

isixxa kako heqqedhaakeera’ninna

isika ajaajanna muuxo’a xonxoommataakeera’niten.

21 Duuchchi Woddiki Gootti hiyya’nee qici, «Insa’ne’a aagennexxi kako; ta’anaa’n duuchchiin woddi’a ha’no’ni hedheeki anki Hafuuri afo’o ha’nooke’n uggeenneki anki hiyyichchi ha’nooke afo’onaa’n oose ha’nooxxike afo’uwwinaa’ninna ha’nooxxe oosexxe oose afo’uwwinaa’n ta’anaa’n duuchchin woddi’a iboqqe hiyya’neen Duuchchi Woddiki Gootti» hiyye.

25 « ‹Aninna insa’ne nage’ik he’naashsha insa’ne’a kako aagaannon; fuggoke kadeeka biniinchcha anke ardike boganaa’n fugussannon. Tennexxee gedhebi anki gongomake’ninna kado booncho duuchcha’n nage’ik diiphaan.

8 Duuchchi woddiki Gootti umi isingenni atinni wolt hedhe akeekaan: hunabaan: hara waalabaan: tennexxee sodaattoxxe: godoba gurtoxxe» hiyye.✝

27 Iikki sooreessinna mitte torba heddi manninni jabaxxa kako aagaani; eettene torbake gimisa’n shiqammaka tolchanna uwwa gatisaani; lallabendeexxi murte iso’n muuxendaa qico’ni ba’ne iyyedagaaxxa battitte yaane, ookkone woyyichchi galmi giddo* uurrisaani*.»✝

5 «Bita’ik moyanji lumooshsha jabaata; kado malee’e isik bagediinke ajajalluwwinaa’n mitti isinaa’n sa’eexxi jabaatee’na’a mootumma isixxinna jabaxxa hunna affeexxe kadda. 6 Shiixxooxxe wogguwwa uduma weli aangeexxi mitteke kanda; Bita’ik moyanji weli aaggotee ifixxa belto Middike moyanjo’n heerunsiisa; yaane kinni ise affemmaxxa hunna gophpha; isotenna kadi hunna isixxi turtaba’a; ookkone baruwwa’n ise ifixxe mootumake erganjuwwinni, ifike anninninna isee kiphammarni welti sa’issendeexxi uwwenda.

16 Iikki lolammaki eeyyeexxe assaani; ayyinna dande’e isoo uurre lolabaani; ookkone Eloka Boga galchaan; isonna balleessaaxxa hunna afaani. 17 Ifixxe mootumma giddo hedheeka sannachchi duuchchinni dagatee mudhdhaani; naaphiinxa mootummanna ibisatee ifixxa belto iso’ni heerunsisaan; kaddo malee’e yaadi isik qajeelabaan yookaan isi’anna woyif ulabaani.

1 «Dubarte gaabbetixxe illeni uudabo’noshsha kakateenneni.

16 Muxxumma yabaabulto manjichchonaa’n atee heqqitaan;

fonxore abidaake iseke shaqake haaso’anaa’ninna anjirtaan.

17 Isenna siretika ifika aro’o waldeexxe,

Mageni edonna aaggemmaxxa kako deeteexxen.