Amor ao próximo
O amor ao próximo não é opcional — é mandamento. Amarás o teu próximo como a ti mesmo. A lei inteira se cumpre nesta palavra. O amor ao próximo é prova do amor a Deus.
"Fye kwu wo nge a kwu gna, ‘Wu əho kwnuzhiyi yeye, jesnu ha wnu əho nuwnuyi ənu.’ Ama mi gna fye, fye ye n əfye anuwnuyii, jesnu fya zhniaduwa ntu ń aza yi ɓo ń ɓa wu fye awyesnugbegye ɓo nyi.
Əmi ɓəgbetu nu nyi: Fye wu aje yeye ngye shi mi kwu yeye wu fye nyi.
Fye to kwu zhi n atai shi m, akpəge yeyewu əta, ədo n taa zo kwo gba nyi m, ntuge zahozahoyi ń wo wu azaje yeye wo kwu owa nu.
Zahozahoyi ń əyi, wo zhni əɓo ń kwo ɓa da əyi akwnuzhiyi ntu n əkwo apma ɓo; nabai ya mi ɓa, ɓa mwa.
Fye zhni ɓəhoɓəhoi fyi n yeye.
Fa Dagayi wa zhni əfye yeye kwa mwaɓe jesnu kwa zheya n fye ga aje, n ɓwasnu shi əyi nya zheya ga əfye nyi.
Azanugbai n anyikwozai, fye gwodu fyei wu aje yeye. Fye to zamwi, n azhiɓeyishii m, ntuge ɓəzhni ye pya nu zhni aza ɓa shi amaləka to ɓai kpe m. Fye gwodu fyei pa aza yi ɓo n ɓa fyilo n zhalu nyi, ngye fye kwnufyi lo n ɓai nu. Njesnu aza yi n a wna ɓa əsnu ngye fye gyeazhnì lo n fyehni.
Ndei ɓəhnihni nu ge, fye kwu owa dnagbmai shiɓwa n kwo kafyilo ń Shekwoyi Nyakagyigyiyi nyi, "Wu əho kwnuzhiyi yeye she ho ye əhohni nyi," ho zhni əɓo nu n kwo dnalo n zokwo.
Əɓo n kwo dulo vnyanya, fye wu aje yeye n loloi, ntuge yeye kwu aleifyi bəgyé pwuanya.
Ntucenu, ntuge fye zhni Shekwoyi aza aknyiknyiyi nu, agyigyiyi njesnu ayeyeyi dəidəi, fye kwu fyehni pwi n snusnugyei, n ɓəmanaizhnii, n tukwogbai, n aɓəzhnii pəceye ɓədo n bwugbaɓwai. Fye ɓwa əmì n ajei njesnu ngye əzaho ń fye n minagyii lo n əwo zadoi, fya zo aje abwi. Fye zo abwi ngye shi Dagayi ɓə kwu abwizo fye nyi. Jesnu kpe n alu amanai ye vnyanya, fye kwu yeye kpe, n əkwo nu ye ɓa ɓədo ń abagbmanyi dna n ɓwadodna nunui.
Fye fa Kirisiti bwugbafu kwa gyibe fyi n əfye adu, shikwonyi fye zhni aga nayi gbmanyi nya nu, a ɓə yi fye fyi n bwugbafu nu. Jesnu fye kwu zhni Shekwoyi amisayi.
Dəye nu zhni ɓədatnu n fye ɓə wo n kpmisnui: Nge yi wu aje yeye.
Zahozahoyi n wa wnu əwodo ənu kwo mapwii, wo zhni zawuyi nu, njesnu yi kpəlo nge zawuyi to lo n wo n wyewyeyi nyalonyalo nyai lo m.
Zokwo nu nyi n yi kpe ənya əye n kwo gyi yeye: Yeisu Kirisiti ɓə la əwo wyewyeyi ga ntu əyi ɓo. Njesnu yi gwo ya kwu əyi awyewyeyi ga ntu əyi azaje ɓo n əyi amapwii.
Zokwo nu nyi n yi kpe ənya əye n kwo gyi yeye: Yeisu Kirisiti ɓə la əwo wyewyeyi ga ntu əyi ɓo. Njesnu yi gwo ya kwu əyi awyewyeyi ga ntu əyi azaje ɓo n əyi amapwii.
Anugwnudo ayeyeyi, fye fa ya wu aje yeye, ntuge yeye gbmi n Shekwoyi nu. Zahozahoyi n wo wu yeye, a la wo shna ma nu dna n Shekwoyi, jesnu wo kpe Shekwoyi əye lo. Zahozahoyi n wo ta wu yeye lo m, wo ta kpe Shekwoyi əye ye lo m, ntuge Shekwoyi zhni yeye nu.