Amor de casal
O amor de casal é celebrado na Bíblia como dom sagrado. O Cântico dos Cânticos exalta a beleza do amor conjugal — íntimo, exclusivo e forte como a morte.
Acu n mlung gage baang lu,
n ba gage tuipwa kelu nzwa,
kedanemene keku au ketsai nzwa ngking.
Mrai kemcui au pe keku gah Sheol nzwa;
pe miheudung heupetla; cide au mi heusüt kecu ge,
miheu kedadung swa lum gwa kecu ge.
Dui kekiee le keku cide peu gailak,
duinai le cide pung tetti gailak.
Mipei ge pe ki mabam pelane keku ziemne peu cai,
cide de au mlai dizie.
Zangname
Mipui be heimedung penui katei penui kakga resiu kebam
Nang ne a mlung luu pwa dida, a tipui, a nau;
nang ne a mlung luu pwa dida,
n miakpie ge gade,
n heteiria ga jewel ge ne.
Oh, pe mui kehemamdung le pwa acu hemam gailo,
Mipuibe mipei dage rang kebam
n keku au zau swa yiki.
N keheniak ca perim kehengui keyi bam;
n zi au lwabam kela marim kehengui nzwa,
cine releime ncu mrai bam.
Kingneilu, nang au hezuyi, a kubepoi;
kingneilu, nang au hezuyi;
n miakdung au tamhaudung nzwa.
Mipui be mipei dage rang kebam
Kingneilu, nang au hezuyi, a kubepei, daikenzwa gede hezuyi no.
Cehei kerenudung de anai zeu da.
Pecai RAMPAUBE Tinggwang rangdi, "Minabe pekatei lungh kebam yi mada. Ih pecu ngha kera pe kangngwa ge teibeu zie."
RAMPAUBE Tinggwang minabe hetura keu kelu de le, Pa mipui gede teilu delwe minabe da pecu ngngwa gwang beu. Minabe rangdi,
"Henai pia, aide au pera a radung gade keu lu, nah pe chi a chi gade.
Pecu ‘mipui’ de qu zie, kedanemene pecu au minabe dade keu mpet kelune."
Ciziemne mipei ge pepui pepei de gidi eh pa pe nau de ngngwa ket tei dizie, nah penai ngngwa pumteih ket dizie.
Henau keyi ngau kelube makeyi ge ngau luda;
nah RAMPAUBE dade suiyi ngau lula.
Peu ngu duilet de samlam beulu
nah n nau kelube puide de nsui lu,
kedanemene pa au heti nzwa hezuyi nah pe zaiyi.
Peu pe keku ncu kemnung peu muilu;
peu pe keku le ncu twagwa bammui lu.
Kedanemene a na, ncu daitei peu kemmha puide kemeu pwabam lai?
Nang daitei mi keda nau zuyi de nsui laino?
Cine penai hangna tadi zie, dede teih ge dizie. Ciziemne Tinggwang ne teincüt kebeude, peu mina de teu ntsamdi helo."
Keku au pelungtie nah mide ngau ngaunggia la; keku mide periak lama; keku helia mede ngang lama. Keku au pezai sia lama, mede pekatei peziu ci lama, perata zette di lama, mede mi kesia teigai de cide pelung gage kaiteu lama. Keku au masang kemakbe pesui lama, dede kesangbe ga pesui lala. Keku ma pelane gum lula, ma pelane nlum la, ma pelane ga keregui bamla, ma pelane lia lula.
Cinzwa eh, mi nahmedung pekatei pe pum de keku nzwa penui naudung de hunglu maisia. Pe naude hung kelabe pekatei pecu hungla. Migede madaude pekatei pe pumde ngkau lama, dede Khrista ngqwabe dage tei kegai nzwa pa cide pok tei sünne eh pie teune lula,
Cinzwa delwe, nnui hangge ge kecu de pekatei pecu keku nzwa, pe naude kulu maisia, nah pe naude pe nahpei de rütlu maisai.
Dede ma aidungde pelane reu, keku de teu bahlu, cide ma pelane kang ncüt kelube da.
Mi hangge swa hangna yiki;
penai ncüt delwe penai bata gade ziehi keyi hi lula.
Kedanemene magade hangge kaumie di liede, kedage ne pe zangbe de teu cuh lubui.
Iciuliede, mige pekatei nli kebambe de au, pa kau kedi dau lungrei pecai sui dila
magade migede pecu teucuh lu kera gah liecai.
Magade hangna zeu ncüt lucai, penai lum lubui,
Dede dainzwa mige pekatei lumlu zie no?
Mi hangge pekatei kebambe de au ngam di lubui,
dede hangna au gwaketang kebam gade sap lubui,
nah heria kecum teu ncüt kelube cak zette di lama.
Pa penuide ket teigai meni, pe rabe kesa gade? Iciucai pa daitei nnuide ket teigai no? Kedanemene pa Tinggwang dade pe leuhme peei kelane. Cine nnuikatei nnui rabe ne gumlu, nah nnui nau de kenlum de gah diso nnui henadau de.
Mipei ge pe nau keheci tei keludau, pa reugwame de ngngwa hereu ga mie lak, mede pecu peu lang ketang kecu ta tei lak; pa mmi ge ziemne kilung ga mtak zie nah pa luu kelu pe nau suiyi tei zie.