Amor fraternal
O amor fraternal é marca dos discípulos de Cristo. Nisto conhecerão que sois meus discípulos: se tiverdes amor uns aos outros.
Amar uns aos outros
Este é o meu mandamento: que vos ameis uns aos outros como Eu vos amei. O amor fraternal é testemunho ao mundo.
Ih nnui hangge ge de hung lulo eh samkak keheci ge peula; Ih nnuide hungkela nzwa, cine nnuide hangge ge hunglu maisia. Nnui hangge ge de hung lucai, aide gade mina pelane nnui a caisuime lie kecu cilu zie."
A aja au aide da, nnui hangge ge de ku lulo kecu Ih nnuide keku nzwa.
Migede keku kedi aide swa galie, pa pezangme ziemne pe teilung kai beu kecu.
Kereku lu
Nnui raitu gade siukelu samlia de au aide; anui hangge gede kereku lu maisia.
Anui ketsai gade kering ga kahmpet kedi anui cibam, kedanemene anui sinamedung de ku kelane. Mide kula kemakbe au ketsai ga la reu.
Aide gade anui keku ci lula: Khrista anui ziemne pe teilung kaibeu. Nah anuide sinamedung ziemne anui teilung kaibeu maisia. Dede keheibede kideube mabamdung bam eh pe sinabe teu maikesia ngau de pecu nghabeu mecai, dainzwa eh peda Tinggwang keku de bamlu laino? Anamedung, anui au sam gade mede kerang gade mene, bata nah kesangbe gade kereku lugo.
Tinggwang keku nah anui keku
Akumedung, hangge gede kereku lugo, kedanemene keku au Tinggwang dade gwanglu, nah keheibe de mide ku kelabe au Tinggwang dade lungh gwang nah Tinggwang de cila.
Aide ga keku bam, anui Tinggwang de kekune ma, dede pa anuide kekune pe Na de peu anui maudung ziemne ratak tei kerane langgai. Akumedung, Tinggwang anuide ainzwa ku liecai, anui de hangge gede kereku kerabe. Migede Tinggwang de madaude ngau ma. Anui hangge ge de ku cai, Tinggwang anui da bam, nah pe keku anui lung gade yicang lula.
Mige, "Ih Tinggwang de ku la," de eh rangla, dede pe sinabe de ngaurau la liecai, pa au kenretme ge. Kedanemene, mige pa ngau kebam pe sinabe de ku mecai, pa ngau kemakbe Tinggwang de ku gailak. Nah Tinggwang aja aide anuide kaibeu da: Tinggwang de ku kelabe pekatei pe sinabe de kulu maisia.
Expressões de amor fraternal
Amai-vos com afeição fraternal. O amor cobre multidão de pecados. Perseverai no amor fraterno.
Hangge gede caireiswacing keku teu kulu. Herüt kepeu ga, hangge gede herüt peulu.
Kereku lu, tingba de nna bamdi delu
Mipau magede pung so, ketket de kereku kecu pau de gwale. Kedanemene pe kidabe de hung kelabe de hezaibe teicang luda.
Keyi keteine keherei kecu
Dede kamtube, nnui pelane macet ga ket teilu, kengaugia eh, siname keku nzwa, milung nciep, nah henah lu.
Bamkeraide nnui kereku recakdi mene kereku lu, kedanemene keku kemau kekiee gumlu lalu.
Dede caihereiswacing kereku kecude, anui nnui dage magede raugai mede yida, kedanemene hangge gede kereku kera Tinggwang ne nnuide ledeubeu dida kecune.
Kecungkegai sam kekambe
Peu caihereiswacing kereku bam jüja lu. Mide hegia kecude nsungta diso, kedanemene aide gade, midungge cimene tinggimgwame de hegialu dilu. Hebaangme de nsunglu, nnui penuide ngngwa kebam nzwa cet eh. Mine teikeherei kelame de nsunglu, nnui penuide nzangbam kecu nzwa cet eh.
Dede ma aidungde pelane reu, keku de teu bahlu, cide ma pelane kang ncüt kelube da.
Jisu pe sam keligai, "‘Rampaube n Tinggwang de n nlung pelane, n keringria pelane nah n lungcet pelane teu hung lulo.’ Aide hezai kaikebeu raitu nah ditube da. Nah hezai kaikebeu pekenabe cai, ‘Nkatei ncu keku nzwa n kidacaina de ku lulo,’ de kecu deda.
Ciciu liede, kesanglaisiu ga raupwa kela nzwa nnui hezai kedi de, "Nang nkatei ncu keku nzwa n kidabe de kuzie," de kecu de teicang lucai, nnui teihemi da.