Amor verdadeiro

O amor verdadeiro vem de Deus. Não é emoção passageira — é decisão, sacrifício e compromisso eterno. O perfeito amor lança fora o medo e nunca deixará de existir.

16 Muomu Njambi uazangele vaka mavu cikuma ngeci uahanene Munendi umolika, linga uoshe atsiliela muli ikeye keti akanonge vuno honi akale na muono uayaye.

João 3:16

34 Njimihana lishiko lialiha: lizangeni umo na mukuavo. Ngue munjina mizangelamo, neni naua munapande kulizanga umo na mukuavo. 35 Hakulinga eci vantu voshe vakazivuka nguavo mu vandongisi vange, nga muli na cizango hali umo namukuavo."

João 13:34,35

8 Vuno honi Njambi nasholola cizango cendi cakama kuli yetu, omo ha ntsimbu ije tuapuile tuvaka vupi kaha Kilistu uatutsililile!

Romanos 5:8

38 Muomu njazivuka nguange muavusunga nacimo cahi casa kutuhumisa ku cizango ca Njambi, cipue kutsa cipue muono, cipue tungelo cipue vaka kusuana, cipue vaka nzili vaje vakala muilu, cipue ku ntsimbu ino vene cipue ku ntsimbu ya kulutue, 39 cipue cuma cili muilu, cipue cuma cili ha mavu, nacimo cahi cakutanga casa kutuhumisa ku cizango ca Njambi cije cinapu cetu kuhitila muli Kilistu Yesu Muene uetu.

Romanos 8:38,39

10 Nga uzanga mukueni, kaha ku ukasa kumulinga mua mupi, nankuma, kuzanga, cikeco kuononoka lishiko lia Mosesa lioshe.

Romanos 13:10

4 Mu cizango muakala kusimpa na ngozi, mu cizango kumuakele cipululu kaha naua mu cizango kumuakele kulihalesa cipue kulivua. 5 Mu cizango kumuakele kushaula, mu cizango kumuakele kulizanga yove vavenia, cipue kuniengua, mu cizango kumuakele nkulundundu. 6 Mu cizango kumuakele kuvuahelela ha viuma via vupi, vuno honi muakala kuvuahelela ha viuma via vusunga. 7 Mu cizango muakala kuliniunga, mu cizango muakala lutsilielo ku viuma vioshe, mu cizango muakala kutsiliela viuma vioshe, kaha muakala lukakateya ku viuma vioshe.

8 Mu cizango kumuakele kuhonoua, vuno honi vunanguizi vukahita lika, nakuhandeka mu vindaka kuoshe kukahua, kaha na mana nauo akahita lika.

1 Coríntios 13:4-8

8 Uoshe uje kesi na cizango kazivuka Njambi, muomu Njambi ikeye cizango.

1 João 4:8

18 Kukuesi liova mu cizango, vuno honi cizango ca vusunga cikahumisa liova. Muomu liova lineha kashitiko. Uoshe uje ali na liova kapu ua vusunga mu cizango.