Anjos
Os anjos são seres celestiais criados por Deus para servir, adorar e executar seus propósitos. A Bíblia revela anjos mensageiros, guerreiros e protetores ao longo de toda a história redentora.
Vuno honi tele acili nakusinganieka eci, taleni, kangelo ua Muene uasholokele kuli ikeye mu cilota nakuhandeka nguendi, "Yosefa, muna Ndaviti keti uteue kuambata Maliya mpueyove, muomu eci kuimita cali naco cinapu caku Cimbembesi Uakulela.
Vuno honi uje kangelo uahandekele kuli vaje vampuevo nguendi, "Keti muvue liova, muomu njazivuka nguange mulina kutonda Yesu, uje ivashukikile. Uahimo muno, nasanguka, ngue muje muahandekele. Ijeni, taleni mu cihela muje muakosele.
Nkuma musinganieka ngueni kunjasa kulomba kuli Tate, kaha hajevene akanjitumina masualale va tungelo vaje kumuasa kutanda ndi?
Kaha kangelo uahandekele kuli ikeye nguendi, "Keti uvue liova Maliya, muomu unauana kavumbi kuli Njambi. Tala, ukemita, kaha ukasema muana ua yala, ukamuluka lizina liendi Yesu.
Vuno honi kangelo uahandekele kuli vakevo nguendi, "Keti muvue liova! Muomu njinaneha muzimbu uacili kuli yeni, uje ukaneha kujolela cakama ku vantu voshe.
"Vumpau vukale kuli Njambi uakuhiana vioshe ua muilu,
ciyulo cikale hano ha mavu ku vantu vaje vazanga!"
Njimileka nguange, mucifua cimo vene, muli kuvuahelela hakati katungelo va Njambi hali umo muka vupi uje atenguluka."
Tele vali nakutalelela muilu oku alinakuya, taleni hajevene vamala vavali vaje vazalele via kutoka vemanene kuli vakevo. Vehuile nguavo, "Vamala vaku Ngalileya, nkuma vika munemanena oku muatala muilu? Ou Yesu, uje ivanambata kuli yeni nakumutuala muilu, akeja naua mucifua cimo ngue muje muamumuene aya muilu."
Vamuanetu tutualeleniho kulizanga umo na kuavo. Keti muecele kutambula vangenzi, muomu vamo vatambuile tungelo cakuhona kuzivuka.
Kaha nga njihandeka mu vindaka via vantu cipue na via tungelo, vuno honi kunjesi na cizango, kaha njinapu lika ngue kutenda ca ngongi cipue kuohia ca ngenzo.
Cilivene tulina kuliambulula muje vati vusueke vua vunjambi vuetu muvunapuilamo vuakama:
Uasholokele mu vuntu,
vuno honi Cimbembesi uamusholuele kupua ua vusunga,
vamumuene ku tungelo.
Uambuluile ku mafuti,
vaka mavu vamutsilielele,
kaha vamutualele mu vumpau.
Kukakala mutambi ua lizi liakama liakushika, lizi lia kangelo uakama, nakuohia ca tolombita ya Njambi, kaha Muene ikeye vavenia akashuluka kuhuma muilu. Kaha vaje vatsile mukutsiliela kuli Kilistu vaka sangukila ku muono ha kulivanga, ambahoni yetu vaje tucilinakuyoya ha ntsimbu ije vakatukunguluila hamo navo mu mashelua nakuliuana na Muene havukambuila. Kaha tukakala hamo na Muene ntsimbu yoshe ya yaye.
Kuli uje akahiana, akavazika vuzalo vuje vuakutoka, kaha kunjikahumisa lizina liendi mu livulu lia muono. Njikahandeka lizina liendi ku mesho a Tate naku mesho a tungelo vendi.
Muomu njazivuka nguange muavusunga nacimo cahi casa kutuhumisa ku cizango ca Njambi, cipue kutsa cipue muono, cipue tungelo cipue vaka kusuana, cipue vaka nzili vaje vakala muilu, cipue ku ntsimbu ino vene cipue ku ntsimbu ya kulutue, cipue cuma cili muilu, cipue cuma cili ha mavu, nacimo cahi cakutanga casa kutuhumisa ku cizango ca Njambi cije cinapu cetu kuhitila muli Kilistu Yesu Muene uetu.