Anjos
Os anjos são seres celestiais criados por Deus para servir, adorar e executar seus propósitos. A Bíblia revela anjos mensageiros, guerreiros e protetores ao longo de toda a história redentora.
Paakibha tangu atenda kuganikia ngani hejo, antumichi jwa kunani kwa Hangwana akaabhokela mu agamii, na kwaalobholela, "Ayusufu, mwana jwa Adaudi, nkotokujogopa kwaapetula Amalia abhee hanu jwinu, maana gakwe atekola chitumbo kwa uwecho ga Mboomo Ja Annoongo.
Nambo jonijola antumichi jwa kunani kwa Annoongo akaalobholelanga bhenibhala akaahikege, "Mwangota nkotokujogopanga! Niimanyi kubhee ntendakwaloleanga Ayesu jwakaabhambwa panchalaba. Jwakwa pambani, maana ayokite handa chibhakalobhola. Nhikange nkalolange mahali pabhakaagoneka.
Bholi, nng'anikia ngakombola kwaajopa Atati bhangu anyangatile nabhena akanetela manyemba kupunda komi na bhabhele ga akaatumichi bhabhe bha kunani kwa Annoongo?
Nambo antumichi bha Kunani Kulihunde bha Annoongo, bhakalobholela Amalia, "Nkontokujogopa Annoongo bhatekuntendela gammbone. Kwakubhehe, mpakupata chitumbo mpakubheleka mwana mwanalome na mwenga mpakumpekea lihina lyake Ayesu.
Nambo antumichi bha Hangwana gubhakalobhola, "Nkotokujogopa! ndekunnetelanga ngani jammbone ja jipakubhehe jakuhangalala kwa bhandu bhoha bha Kuisilaeli.
"Bhatukuchwe Annoongo kunani kulihunde, na pambani pachilambo pabhehe na amani kwa bhandu bhoha bhabhapalite!"
Kabhele ndendakunnobholelanga, henela nga chibhapakuhachukanga bhatumichi bha kunani kulihunde bha Hangwana ligongo lya jwaalemwite jumo na kuleka mabhou."
Pabhakibhanga tangu bhabhikulolekeanga muno kunani kwa Annoongo, Ayesu abhikujaula, kachoko akanalome bhabhele bhawalitinge ngobho hihuhu bhakajemanga kubhandikana nabho, bhakalobholanga, "Mwangota mwabhandu bha ku Galilaya! Mbona ntenda kujemanga mmikulolanga kunani? Ayesu habhabha yakubhehe bhatekutolekwa kubhoka kwachinunji kujenda kunani kwa Annoongo apakuhika hela hela handa chimunnonitinge abhikujaula kunani kwa Annoongo."
Hata handa mbakulongela hilongelo ya bhandu na ya akaatumichi bha kunani kwa Annoongo, nambo handa nangali upalio nenga mii handa lilobhe lya lidebe jika au kengele.
Ndekuhimanya kweli kubhee chakwa chilebhe chichipakombola kutulekania na upaliho gwa Annoongo, ngabha malilo wala umomi, na ngabha akaatumichi bha kunani kwa Annoongo, na ngabha machili gangi ga kunani kwa Annoongo, na ngabha gagabhokela nangocheni, na ngabha gagapakubhokela nnoongi, na ngabha bhabhakweti mamulaka, ngabha gagabhile nnani, na ngabha gagabhile pahi, na ngabha chiumbe chengi choachela ngakombola kulekana na upaliho gwa Annoongo gugubhii mu Kilisito Ayesu Hangwana bhitu.