Arca da aliança
A Arca da Aliança era o símbolo mais sagrado de Israel — representava a presença de Deus no meio do seu povo. Sobre ela brilhava a glória do Senhor entre os querubins.
"ሶቃላ ምፈ፥ አዱሳተይ ናምኡ ዋነ ታካ፥ ጎምፓይ እስ ዋነ ታካ፥ ጌሳይ እስ ዋነ ታካ ግድያ ሳፅነ ኦተ። ጋነ ካርያ ዋላህ ባይና ዎርቃን ካማ፤ እያ ዩሹዋካ ዎርቃን ላንፃ። ሄ ታቦትያስ ኦይዱ ዎርቃ ሳጋዮታ ኦዳ፤ ኦይዱ ገዳታ ቦላ እስ ባጋራ ናምኡ ሳጋዮታ፥ ቃስ ሀንኮ ባጋራ ናምኡ ሳጋዮታ አዳ ጋሰ። ታቦትያ ቶክያ ካሶ ምታ ሶቃላ ምፈ ከሳዳ ዎርቃን ላንፃ። ታቦትያ ቶካናዉ እያ ምየን ደእያ ሳጋዮታን ካሶ ምታ አ። ቶክያ ካሶ ምት ታቦትያ ሳጋዮታ ግዶን ደኦ፤ ኤንቲ ያፐ ከዮፖ። ታቦትያ ግዶን ታኒ ነዉ እምያ፥ ታሙ ኪታት ፃፈትዳ ናምኡ ሎቸ ሹቻታ ዎ።
"ዋላህ ባይና ዎርቃፈ አዱሳተይ ናምኡ ዋነ ታካ፥ ጎምፓይ እስ ዋነ ታካ ግድያ ናጋራ አቶተ ካማ ኦ። ቀፈራ ደእያ ናምኡ ክሩበታ ዎርቃፈ ቆፃዳ ኦ። እስ ክሩብያ እስ ባጋ ጋፃን፥ ናምአን ክሩብያ ሀንኮ ባጋ ጋፃን ዎዳ ናምኣ ታቦትያ ጉጵያራ ኦይዳ ኦ። ክሩበት ዎልኮ ስም ኡትድ፥ ባንታ ቀፍያ ደንድ፥ አቶተ ካማ ካሞ። ታኒ ነዉ እምያ ሎቸ ሹቻ ቦላ ፃፈትዳ ታሙ ኪታታ ታቦትያ ግዶን ዎ። ያታዳ፥ ጉጵያ ታቦትያ ቦላ ዎ።
ታቦትያ ጉጵያ ቦላ ደእያ ናምኡ ክሩበታፐ ግዶን ግዳዳ ታኒ ኔራ ጋሄታና። እስራኤለ አሳስ እምያ ኪታ ኡባ ታኒ ያን ነዉ እማና።"
ባስልኤል ታቦትያ ሶቃላ ምፈ ጊግስስ። ታቦትያ አዱሳተይ ናምኡ ዋነ ባጋ፥ ጎምፓይነ ጌሳይ እስ ዋነ ባጋ።
ጎዳይ ሙሰኮ ሀይሳዳ ያግስ፤ "ኮይሮ አጌናን፥ ኮይሮ ጋላሳን፥ ጌሻ ዱንካንያ ቶካ። ታሙ ኪታታ ኦይክዳ ጫቆ ታቦትያ እያ ግዶን ዎዳ፥ እያ ስንን ማጋራጁዋ ካቃ።
ያትድ፥ ታሙ ኪታታ ኦይክዳ ናምኡ ሎቸ ሹቻታ፥ ታቦትያ ግዶን ዎስ። ቶሆ ካሶ ምታ ታቦትያ ሳጋዮታን አስ፤ ናጋራ አቶተ ካማካ ታቦትያ ቦላ ዎስ። ታቦትያ ጌሻ ዱንካንያ ግዶ ገልስድ፥ ገሸ ማጋራጁዋ ካቅስ። ያትድ፥ ጎዳይ ኪትዳይሳዳ፥ ጫቆ ታቦትያ ካምስ።
ሙሰይ ጎዳራ ኦደታናዉ ጌሻ ዱንካንያ ገልያ ዎደ ጫቆ ታቦትያ ካማ ቦላ ደእያ ናምኡ ክሩበታፐ ግዶን ግድድ ጎዳይ ኦድሽን ስእስ።
አሳይ ጎዳ ዙማፐ ደንድድ፥ ሄ ጋላሳ ኦገ ብዶሶና። ጎዳ ጫቆ ታቦተይ ኤንቲ ሸምፓና በሲ ኮይሸ ሄ ጋላስ ኤንታፈ ስን ስን ብስ። ኤንቲ ዱንካንዳ ጉታፐ ደንድያ ዎደ ኡባን ጎዳ ሻራይ ጋላስ ጋላስ ኤንታፈ ቦላራ ደኤስ። ታቦተይ ደንድያ ዎደ ኡባን ሙሰይ፥ "አቤት ጎዳዉ፥ ደንዳ፤ ነ ሞርከት ላለቶ፤ ነና እፀይሳት ነ ስንፈ ባቃቶ" ያጌስ። ታቦተይ ሸምፕያ ዎደ ኡባን ሙሰይ፥ "አቤት ጎዳዉ፥ ዳሮ ሙኩላን ታይበትያ እስራኤለ አሳኮ ስማ" ያጌስ።
ጎዳይ ሙሰኮ፥ "እስራኤለ አሳይ እስ እስ ኮቻ ሀላቃታፐ እስ እስ ፃምአ ኤክድ ታማነ ናምኡ ፃምአ ነዉ ኤሀና መላ ኤንታዉ ኦዳ። ሄ ፃምኣ ቦላ እስ እስ አሳ ሱን ፃፋ። እስ እስ ኮቻ ሀላቃስ እስ ፃምአ ኮሽያ ግሾ፥ ሌወ ፃምኣ ቦላ አሮና ሱን ፃፋ። ሄ ፃምአታ ጌሻ ዱንካንያ ግዶን ታ ኔራ ጋሄትያ ታቦትያ ስንን ዎ። ታ ዶርያ ኡራ ፃምአይ አጫና፤ ሄሳዳ ኦዳ ህንተ ቦላ እስራኤለ አሳ ዙዙን ታ ተቃና" ያግስ።
ሄሳ ሙሰይ እስራኤለ አሳስ ኦድን፥ ታማነ ናምኡ ሀላቃት ሁጰን ሁጰን እስ እስ ፃምአ ኤህዶሶና። አሮና ፃምአይካ ሄ ፃምአታ ግዶን ደኤስ። ሙሰይ ሄ ፃምአታ ኡባ ጌሻ ዱንካንያ ግዶን ጎዳ ስንን ዎስ።
ዎንተ ጋላስ ሙሰይ ጌሻ ዱንካንያ ግዶ ገልያ ዎደ ሌወ ኮቸ ግድዳ አሮና ፃምአይ አጭዳይሳ፥ ጋምቡፅዳይሳ፥ ጪይዳይሳነ ላዉዘ ም አይፈ አይፍዳይሳ በእስ። ሙሰይ ፃምአ ኡባ ጎዳ ስንፈ ኤህድ እስራኤለ አሳ በስስ። ኤንቲ ሀንዳባ በእዳፐ ጉየ እስ እስ ሀላቃይ ባንታ ፃምኣ ፃምኣ ኤክዶሶና። ጎዳይ ሙሰኮ፥ "አሮና ፃምኣ ታቦትያ ስንን ዛራዳ ዎ። ማካልዳ እስራኤለ አሳይ ታ ቦላ ዙዙን አጎና እፅኮ ሀይቃናይሳ ኤንታዉ ማላታ ኦዳ ዎ" ያግስ። ሙሰይ፥ ጎዳይ ኪትዳይሳዳ ኦስ።
አሳይ ዮርዳኖሰ ሻፋ ፕናናዉ ዱንካንዳ ጉታፐ ደንድያ ዎደ፥ ጫቆ ታቦትያ ቶክዳ ካህነት አሳ ስንን ቦሶና። ካ ሺሽያ ዎደ ዮርዳኖሰ ሻፋይ መይሳዳ ክፅኮካ፥ ጫቆ ታቦትያ ቶክዳ ካህነት ዮርዳኖሰ ሻፋ ጋክድ፥ ኤንታ ቶሆይ ሃ ጋፃ የዳ ዎደ፥ ቆሞፈ ዱገ ጎግያ ሃይ ኤቅስ። ዛርታና ማታን ደእያ አዳማ ካታማ ጋካናዉ ሺቅድ ዶረትስ። ዱገ ማፅነ አባኮ ጎግያ ሃይ ኤቅስ። ያንን፥ አሳይ እያርኮ ካታማ ፕንዶሶና። እስራኤለ አሳይ መላ ቢታራ ፕንድ ዉራና ጋካናዉ ጎዳ ጫቆ ታቦትያ ቶክዳ ካህነት ዮርዳኖሰ ሻፋ ግዶን መላ ቢታን ኤቅዶሶና።
ጎዳ ጫቆ ታቦትያ ቶክዳ ካህነት ዮርዳኖሰ ሻፋፐ ከይዶሶና። ኤንታ ቶሆይ መላ ቢታ የዳ ዎደ ኤለስድ፥ ዮርዳኖሰ ሃይ ባ በሳ ስሚድ፥ ካሰ ጎገይሳዳ ጋፃ ጋክድ ጎገ ኦይክስ።
እስራኤለ አሳስ ያይዳ ግሾ፥ እያርኮ ካታማ ግምበ ድርሳ ፐንገት ጎርደትዶሶና። ኦንካ ካታማ ገላናዉነ ከያናዉ ዳንዳኤና። ጎዳይ እያሱኮ፥ "እያርኮ ካታማ እያ ካዉራነ እያ ምኖ ኦላንቾታራ ነ ኩሸን አ እማስ። ኔራነ ነ ኦላንቾታራ ሳልፕድ፥ ጋላሳን እስ ቶሆ ኡሱፑን ጋላስ ጋካናዉ፥ ካታማ ግምበ ድርሳ ዩሹዋ ዩይተ። ላፑን ካህነት እሶይ እሶይ ሞይዘ ኦይክድ፥ ጎዳ ጫቆ ታቦትያ ስንን ቦ። ላፑን ጋላስ ካህነት ሞይዘ ፑንያ ዎደ ህንተ ካታማ ላፑን ቶሆ ዩይተ። ካህነት ሞይዘ ጎችድ ፑኑዋ ህንተ ስእያ ዎደ፥ አሳ ኡባይ ኤለስድ ባንታ ቃላ ቁ ኦድ ዋሶ። ሄሳፈ ጉየ፥ ካታማ ግምበ ድርሳይ ኩንዳና። ሄ ዎደ አሳ ኡባይ ግዶ ላዉሁ ግድ ገላና" ያግስ።
ናወ ናአ እያሱ ካህነታ ፄግድ፥ "ጎዳ ጫቆ ታቦትያ ቶክተ። ህንተፈ ላፑን ካህነት ሞይዘ ኦይክድ፥ ጫቆ ታቦትያፐ ስን አድ ቦ" ያግስ። አሳኮ ቃስ፥ "ብድ፥ ካታማ ዩሹዋን ዩይተ፤ ኦላንቾት ጎዳ ጫቆ ታቦትያ ስንን ሄመቶና" ያግድ ኪትስ።
ሄሳ ግሾ፥ ሞይዘይ ፑነትስ፤ አሳይ ዋስስ። ደረይ ሞይዘ ፑኑዋ ስእዳ ዎደ ባንታ ቃላ ቁ ኦ ዋስን፥ ካታማ ግምብያ ድርሳይ ኩንድስ። ሄ ሳተን አሳይ ላዉሁ ግድ ገልድ ካታማ ኦይክዶሶና።
ፍልስፄመት ጩጋን ጩጋን ግድድ፥ እስራኤለታራ ኦለታናዉ ደንድዶሶና፤ ኦላይ ምንዳ ዎደ ፍልስፄመት እስራኤለታ ፆንድ ኦይዱ ሙኩሉ ግድያ አሳ ዎዶሶና። ኦላንቾት ዱንካንዳ ጉታ ስምዳ ዎደ እስራኤለ ጭማት፥ "ሀች ጎዳይ ኑና ፍልስፄመታ ኩሸን አይስ አድ እምዴ? ኑራ ባና መላነ ኑ ሞርከታ ኩሸፐ ኑና አሻና መላ ጎዳ ታቦትያ ሴሎፐ አነ ኤሆስ" ያግዶሶና። ሄሳ ግሾ፥ አሳይ ሴሎ ኪትን፥ ክሩበታ ግዶን አራታን ኡትያ ኡባፈ ዎልቃማ ጎዳ ታቦትያ ኤህዶሶና። ኤል ናይት ናምአይ አፍናንነ ፍንሃስ ጫቆ ታቦትያራ ያን ደኦሶና።
ጎዳ ጫቆ ታቦተይ አሳይ ዱንካንዳ ጉታ ጋክዳ ዎደ እስራኤለ ኡባይ ቢት ቃፃና ጋካናዉ ባንታ ቃላ ቁ ኦድ፥ "ጎዳ ጫቆ ታቦተይ ጋክስ" ያግድ ዋስዶሶና።
እስራኤለታ ዋሱዋ ፍልስፄመት ስእድ፥ "እብራወታ ጉታን ስኤትያ ዎልቃማ ዋሶይ አይቤ?" ያግዶሶና።
ጎዳ ታቦተይ ኤንታ ጉታ ይዳይሳ ፍልስፄመት ኤርዳ ዎደ፥ ያይድ ሀይሳዳ ያግዶሶና፤ "ፆሳይ ኤንታ ጉታ ይስ፤ ኑና አየ! ሀይሳ መላባይ ሀይሳፈ ካሰ ሀን ኤረና። ኑና አየ! ሀ ዎልቃማ ፆሳ ኩሸፐ ኑና አሻናይ ኦኔ? ሀ ፆሳይ ግብፀታ መላ ቢታን ዱማ ዱማ ጋዶን ሾጭስ። ህንተኖ ፍልስፄመቶ፥ ምንተ! አደ ግድተ! ሄስ ሀኖና እፅኮ፥ ህንተ ኤንታ ካሰ አይለተን ሃርዳይሳዳ ኤንቲ ህንተና ሃራና። አደ ግድተ፤ ኦለትተ" ያግዶሶና።
ፍልስፄመት ኦለትድ፥ እስራኤለታ ፆንን እስራኤለት ባንታ ሶ ሶ ባቃትዶሶና። ሄ ኦላን ዳሮ አሳይ ሀይቅዶሶና፤ እስራኤለ ቶሆ ኦላንቾታፐ ሀስታሙ ሙኩሉ አሳይ ሀይቅዶሶና። ፆሳ ታቦተይ ድኤትስ፤ ኤል ናይት ናምአይ፥ አፍናንነ ፍንሃስ ሀይቅዶሶና።
አሽዶዳ ካታማ ቦላነ እያ ሄራን ደእያ አሳ ቦላ ጎዳ ኩሸይ ዴፅስ፤ ጎዳይ ክፃ ሀርገ የድድ ኤንታ ሴርስ።
አሽዶዳ ካታማ አሳይ ሀንዳባ በእዳ ዎደ፥ "እስራኤለ ፆሳ ኩሸይ ኑ ቦላነ ኑ ፆሳ ዳጎነ ቦላ ዴፅዳ ግሾ፥ እስራኤለ ፆሳ ታቦተይ ኑ ማታን ጋምኦፎ" ያግዶሶና። ሄሳ ግሾ፥ እቻሹ ፍልስፄመ ሀላቃታ ኡባ ፄግድ፥ "እስራኤለ ፆሳ ታቦትያ ዋትኖ?" ያግድ ኦይችዶሶና።
ሀላቃት፥ "እስራኤለ ፆሳ ታቦተይ ጋተ ካታማ ቦ" ያግድ ዛርዶሶና። እስራኤለ ፆሳ ታቦትያ ጋተ ኤፍዶሶና።
ሽን ታቦተይ ጋተ ጋክዳፐ ጉየ፥ ጎዳ ኩሸይ ሄ ካታማ ቦላ ዴፅድ፥ ዳሮ ዳጋንስ። ካታማን ደእያ አሳ ናአፐ ጭማ ጋካናዉ ክፃ ሀርገን ሾጭስ። ሄሳ ግሾ፥ ፆሳ ታቦትያ ኤቅሮና ካታማ የድዶሶና።
ፆሳ ታቦተይ ኤቅሮና ገልያ ዎደ፥ ኤቅሮና አሳይ፥ "ኑናነ ኑ አሳ ይሳናዉ እስራኤለ ፆሳ ታቦትያ ኑኮ ኤህዶሶና" ያግድ ዋስዶሶና። ሄሳ ግሾ፥ ኤንቲ ፍልስፄመ ሀላቃታ ፄግድ፥ "ኑናነ ኑ አሳ ይሳናፐ ስን እስራኤለ ፆሳ ታቦትያ ሀይሳፈ ድግተ፤ እያ እያ በሳ ጉየ ዛርተ" ያግዶሶና። ጎዳ ኩሸይ ካታማ ቦላ ዴፅዳ ግሾ ካታማ ኡባይ ሀይቆ ዳጋማን ኦይከትስ።
ጎዳ ታቦተይ ፍልስፄመ ቢታን ላፑን አጌና ኡትስ። ሄ ዎደ ፍልስፄመ አሳይ ባንታ ካህነታነ ማሮታ ፄግድ፥ "ጎዳ ታቦትያ ኑኒ ዋትኖ? ኑኒ ጉየ እያ በሳ እያ ዋት የዳኔኮ ኑስ ኦድተ" ያግዶሶና።
ኤንቲ ዛሪድ፥ "እስራኤለ ፆሳ ታቦትያ ጉየ የድሸ መላ ኩሸ የዶፍተ። አይ ሀንድካ ናጋራ ያርሾራ የድተ። ሄሳ ኦኮ ህንተ ፓፃና፤ እያ ኩሸይ ህንተ ቦላፈ አይስ ክችቦናኮ ህንተ ኤራና" ያግዶሶና።
ኤንቲ ጌተትዳይሳዳ ኦዶሶና፤ ናምኡ ንያ ሚዛታ ኤክድ፥ ጋረን ዋፅዶሶና፤ ማራታ ሶ ዛሪድ ጎርድዶሶና። ኤንቲ ጎዳ ታቦትያ፥ ዎርቃ ክፃነ ኤጨረ ምስለት ደእያ ሳፅንያ ጋረን ዎዶሶና። ሄሳፈ ጉየ፥ ሚዛት ቤት-ሳሜሳ ኤፍያ ኦግያ ኦይክድ ገደ ሃ ጎና "ህምባ" ግድ ዋስሸ ብዶሶና። ፍልስፄመ ሀላቃት ሚዛታ ጌዶ ካልድ፥ ቤት-ሳሜሳ ዛዋ ጋካናዉ ብዶሶና።
ቤት-ሳሜሳ አሳይ ሄ ዎደ ዛንጋራን ግስተ ጫኮሶና፤ ኤንቲ ቁ ግድ ፄልድ፥ ታቦትያ በእድ ኡፋይትዶሶና። ጋረይ ቤት-ሳሜሳን ደእያ እያሱ ጌተትያ ኡራ ጋደ ጋክድ፥ እስ ግታ ሹቻ ማታን ኤቅስ። ኤንቲ ጋርያ ም ቀርድ፥ ፁሳ ያርሾ ኦድ ሄ ሚዛታ ጎዳስ ያርሽዶሶና። ሌወት ጎዳ ታቦትያነ ዎርቃ ሚሸት ደእያ ሳፅንያ ጋርያፐ ዎስድ፥ ግታ ሹቻ ቦላ ዎዶሶና። ሄ ጋላስ ቤት-ሳሜሳ አሳይ ጎዳስ ፁሳ ያርሾነ ሀራ ያርሾታ ያርሽዶሶና።
ቅርያት-ይኣርማ አሳይ ይድ፥ ጎዳ ታቦትያ ኤፍድ ደረ ሁጰን ደእያ አምናዳበ ሶን ዎዶሶና። ጎዳ ታቦትያ ናጋና መላ አምናዳበ ናኣ አላዛራ ዱማይድ ሱንዶሶና።
ታቦተይ ቅርያት-ይኣርማን ዳሮ ዎደ ጋምእስ፤ ያን ላታሙ ላይ ኡትስ። እስራኤለ አሳ ኡባይ አዛንድ ጎዳ ኮይዶሶና።
ፆሳ ታቦትያ ግሾ ጎዳይ አብዳራ ሶ አሳነ እያዉ ደእያ ኡባ አንጅዳይሳ ካዎይ ዳዊቲ ስእስ። ሄሳ ግሾ፥ ዳዊቲ አብዳራ ሶ ብድ፥ ፆሳ ታቦትያ ዳዊታ ካታማ ኡፋይሳን ኤህስ። ዳዊቲ ጎዳ ታቦትያ ቶክዳ አሳት ኡሱፑና ታንጎ ታንግዳ ዎደ ኤንታ ኤስድ፥ እስ ኮርማነ እስ አንቃራ ማር ያርሽስ። ዳዊቲ ሊኖፐ ኦሰትዳ ኤፉደ ማእድ፥ ባዉ ደእያ ዎልቃ ኡባን ጎዳ ስንን ዱርስ። ዳዊቲነ እስራኤለ አሳ ኡባይ ኡፋይሳን እልልሸነ ሞይዘ ፑንሸ ጎዳ ታቦትያ ዳዊታ ካታማ ኤህዶሶና።
ሄሳፈ ጉየ፥ ካዎይ ሶሎሞነይ ጎዳ ታቦትያ ዳዊታ ካታማፐ፥ ፅዮነፐ ከስድ፥ ፆሳ ኬ ኤሀናዉ እስራኤለ ጭማታ፥ ኮቻታ ሀላቃታነ እስራኤለ ሶ አሳታ ካለይሳታ የሩሳላመ ካታማን ሺሽስ። ኤታንማ ጌተትያ ላፑን አጌናን፥ ሻቃራ ባለይ ቦንቸትያ ዎደ እስራኤለ አሳ ኡባይ ካዋ ሶሎሞነኮ ሺቅዶሶና።
እስራኤለ ጭማት ኡባይ ሺቅን፥ ካህነት ታቦትያ ደንዶሶና። ሌወትነ ካህነት፥ ጎዳ ታቦትያ፥ ዱንካንያነ እያ ግዶን ደእያ ጌሻ ሚሸታ ኡባ ቶክድ ኤህዶሶና። ካዎይ ሶሎሞነይነ እያራ ደእያ እስራኤለ አሳይ ታቦትያ ስንን ሺቅድ፥ ታይባናዉ ዳንዳኤቶና ዳሮ ዶርሰነ መሄ ያርሽዶሶና።
ሄሳፈ ጉየ፥ ካህነት ጎዳ ጫቆ ታቦትያ ፆሳ ኬን ኡባፈ ጌሻ በሳ ኤህድ፥ ክሩበታ ቀፈታፐ ጋርሳ ባጋራ ዎዶሶና። ምጨትድ ኡትዳ ክሩበታ ቀፈት ታቦትያነ ታቦትያ ቶክያ ካሶታ ካምዶሶና። ካሶት ዳሮ አዱሰ ግድያ ግሾ ኤንታ ፄራይ ኡባፈ ጌሻ በሳ ስንን ቆንጨን በንቶሶና። ሽን ጌሻ በሳፈ ካረራ በንታናዉ ዳንዳኤና። ኤንቲ ሀች ጋካናዉ ሄ በሳን ደኦሶና። እስራኤለ አሳይ ግብፀ ቢታፈ ከይዳ ዎደ ጎዳይ ኤንታራ ጫቅዳ ኮሬባ ዙማን ሙሰይ ዎዳ ናምኡ ሎቸ ሹቻታ ፃላላፐ አትሽን፥ ታቦትያ ግዶን ሀራባይ አይብካ ባዋ።
ካህነት ፆሳ ኬፈ ከይዳ ዎደ ፆሳ ኬይ ሻራን ኩምስ። ሄ ሻራ ጋሶን ካህነት ባንታ ኦሱዋ ኦናዉ ዳንዳእቦኮና፤ ጎዳ ቦንቾይ ፆሳ ኬ ኩምስ።
"ህንተኖ፥ አማነቶና አሳዉ፥ ታ ህንተዉ አዝና ግድያ ግሾ ስምተ። ታኒ እስ ካታማፐ እስኖ፥ እስ ያራፐ ናምአ ዶራ ኤካዳ ፅዮነ ኤሀና። ታ ዎዛናዳ ህንተና ሄምያ ሄንንቾታ ህንተዉ እማና። ኤንቲ ህንተና ኤራተንነ አኬካን ሄማና" ያጌስ ጎዳይ።
"ሄ ጋላሳታን ህንተ ሄ ቢታን ዳርያ ዎደ አሳይ፥ ‘ጎዳ ጫቆ ታቦትያ’ ግድ ኦደቶኮና። እ ኤንታዉ ቆፈተና፤ ሀሳየተና፤ ባይናይስ ኤንታዉ ኤረተና፤ ሀርካ ኦሰተና።
ኮይሮ ጫቁዋስ ፆሳ ጎይንያ ዎጋይነ ሳአ ፆሳ ኬይ ደኤስ። ዱንካነይ ኤቅስ። እያን ፆምፐ ዎያ ኮጫይ፥ ፃርጴዛይነ ጎዳ ስንን ዎያ ኡይይ ደኤስ፤ ሄ በሳይ ጌሻ በሳ ጌተቴስ። ናምአን ማጋራጁዋፈ ጉየ ባጋራ ደእያ በሳይ ኡባፈ ጌሻ በሳ ጌተቴስ። እያ ግዶን እፃነ ጩይስያ ዎርቃ ሳፅነይነ ዎርቃን ሜሸትዳ ጫቆ ታቦተይ ደኤስ። ሄ ጫቆ ታቦትያን ማናይ ደእያ ዎርቃ ፃሮይ፥ አጭዳ አሮና ፃምአይነ ሙሰ ህገይ ፃፈትዳ ናምኡ ሎቸ ሹቻት ደኦሶና። ሄ ታቦትያፐ ቦላ ባጋራ አቶተ ካማ ባንታ ቀፍያን ገንያ ቦንቾ ክሩበት ደኦሶና። ሽን ሀእ ሄ ኡባ ቆንጭስድ ኦዳናዉ ዳንዳኦኮ።
ሳሎን ደእያ ፆሳ ኬይ ዶየትስ፤ እያ ግዶን ፆሳ ጫቆ ታቦተይ በንትስ። ቃስ ዎልአን ዎልአምስ፥ ደሾይ ደችስ፤ ዳዳይ ቅስ፤ ቢት ቃፅስ፤ ሻች ቡክስ።