Arca de noé

13 Mnungu niyo amgamba Nuhu, "Hipata ulamuzi kuwabanaga wose we mwe isi. Ikindedi neniwabanange pele hamwenga ne isi, kwaviya waimemeza isi kwa wiihi na kuhujila. 14 Kwaivo kezengele safina yako kwa mahant’hi ya ziti ditogese, ikant’he vyumba naho ikizige lami kundani na kuse. 15 Izenge kwa utali wa mita gana dimwenga milongo na mitatu na kenda na uzangalamu wakwe mp’hima milongo mitatu, utali wakwe kuita kulanga nawo mp’hima milongo mitatu. 16 Udamanye mzeze mwe safina, naho wase mwazi nyanda mlongo na mnane kulawa mwo mzeze mwe zimbavu zakwe. Izengele magulu matatu naho ugele lwivi mwo lubavu lwakwe.

Ugubiko mkulu wa mazi mengi

1 Zumbe niyo amgamba Nuhu, "Ingila mwe safina weye hamwenga na wanao wose, Kwaviya hiona kugamba ni weye wikedu du mwe isi ukutenda yakunelela.

7 Nuhu na mkaziwe na wanawe wa kilume hamwenga na waka wana, wengilaga mwe safina wakakehonya no ugubiko mkulu wa mazi mwe isi. 8 Naho makala yehengi yawagilwe kwa nt’hambiko na heye wagilwe kwa nt’hambiko, na madege na viumbwa vose vikutambala mwe isi, 9 yengilaga mwe safina maidi idi gosi na vele, hamwenga na Nuhu, viligane na ivo Mnungu asigiile. 10 Yeze yomboke mazuwa mfungate, ugubiko mkulu wa mazi wezaga mwe isi.

16 viumbwa ivo vengilaga gosi na vele vi hengi enga ivo Mnungu amsigiilaga Nuhu, Mnungu naye niyo avugala ulwivi.

17 Ugubiko mkulu wa mazi wagendeelaga kwa mazuwa milongo mine, niyo mazi yagenyela no kuinula safina niyo yayeya. 18 Mazi yagenyelesaga, safina niyo yayeya mnanga mwa mazi.

23 Mnungu avibanangaga pele kila kiumbwa chandaga na ugima mwe isi. Want’hu na makala na viumbwa vikutambala na madege, vose ivo nevibanangwa. Nuhu du, hamwenga na wadya wose wandaga nawo mwe safina nawo wahonaga.

3 niyo mazi yagendeela kunyweela mwe isi naho yeze yomboke mazuwa gana na milongo mishano niyo mazi yanda yahungukisa. 4 Mwe dizuwa dya mlongo na mfungate mwo mwezi wa mfungate safina yakimalaga mwe milima Alalati.

6 Yeze yomboke mazuwa milongo mine, Nuhu akomolaga dilanga diya adamanyaga mwe safina, 7 niyo atuma kungulu ukwo kuse, dyaitaga uko na uko mpaka hadya mazi yeze yanyale pele mwe isi. 8 Niho Nuhu atumaga naho suwamanga vileke ikakaule uneva mazi yabindaga kunyala mwe isi, 9 mna kwaviya mazi yandaga yakei yagubike isi, suwa manga hayaonaga ho kukima. Ivo isuwamanga yauyaga kwa Nuhu mwe safina. Nuhu achululaga mkono na kuigwila niyo ingiza kwe safina. 10 Agojaga mazuwa matuhu mfungate niyo atuma naho isuwamanga kulawa mwe safina, 11 suwamanga yauyaga nekisingi ina zani bisi dya mzeituni mwo mnomo wakwe. Ivo Nuhu amanyaga kugamba mazi yanyala mwe isi. 12 Niyo agoja mazuwa matuhu mfungate niyo aituma naho isuwa manga, aho elo, isuwamanga haiuiye naho kwe safina.

13 Umwo Nuhu andaga na miaka magana mtandatu na umwenga, mwe dizuwa dya nk’hongo dyo umwezi, mazi yanyalaga we isi. Nuhu ausaga ingubiko ye safina, akakaula, nokuona kugamba isi yanyalaga.

15 Mnungu niyo amgamba Nuhu, 16 "Fosa mwe safina weye na mkazio na wanao wakilume na wakaza wanawo. 17 Foseza mwe safina kila kiumbwa kina ugima viya vandile hamwenga na weye, madege na makala na viumbwa vose vikutambala mwe isi vileke vikakeeleke no kugenyela mwe isi yose."

8 Mnungu amgambaga Nuhu na wanawe, 9 "Haluse naika Ndagano yangu na nyuwe hamwenga ne welekwa wenyu wakwiza, 10 ne viumbwa vose na madege yose na makala yose na kila kiya kilaile mwe safina hamwenga na nyuwe na kila kiumbwa kino ugima mwe isi. 11 Naika lagano dyangu mwa nyuwe kugamba henibanage pele naho viumbwa kwa ugubiko mkulu wa mazi mwe isi, hokunde naho na ugubiko mkulu wa mazi ukuunga uibanange isi."

13 Naika tamwasi dyangu mwa mavunde. Neinde kilagiso che dilagano dyangu ne isi.

7 Kwo mhuwi, Nuhu amwivaga Mnungu akamkanya kwe zimbuli zandile zikei kulaila, hezikaoneka na meso. Amtegelezaga Mnungu niyo azenga safina vileke ayokole imp’huga yakwe. Kwa mhuwi wakwe want’hu we isi waonekanaga kunda wavu naivo niyo ahokela kumwelela Mnungu kwa sila yo mhuwi.

20 Awo ni wadya walemele kwiva, umwo Mnungu awagojaga kwa kufinyiliza mwe mazuwa Nuhu andaga akadamanya ngalawa ikwitangwa safina, umwo wengilaga want’hu mnane du mwe ngalawa ikwitangwa safina wayokolagwa kwa sila ya mazi, 21 mazi ayo ni mliganyizo we zimbuli zo ubatizo ukuwayokolani nyuwe ivi haluse. Ubatizo udya hiyo wa kuukukiza umwili, mna ni kilagane kwa Mnungu kikudamanywa mwo moyo heikukigambila kina malema. Wawayokolani nyuwe kwa kuuyuka kwakwe Yesu Kilisito, 22 yehe aitaga kwe mbingu naho kekala kulume kwa Mnungu, alongoza watumigwa wa kwe mbingu na wata udahi na wakulu.

37 Enga viya vandaga mwe dizuwa dya Nuhu, nivo nevinde ukwiza kwa Mwana Mt’hu. 38 Kwaviya mwa mazuwa yalongoele ugubiko wa mazi, want’hu wandaga wakanywa no kudya, kulombigwa no kulomba, mpaka mwe dizuwa diya Nuhu engile mwe ngalawa, 39 naho hawamanyaga kint’hu chochose chadahaga kulaila, mpaka hadya wezile kukebwiila wose wagubikwa pele na mazi. Ivi nivo vikuunga vinde imiziile ya Mwana Mnt’hu. 40 Want’hu waidi nawande henk’honde, yumwenga na aguhigwe yumwenga naasigwe. 41 Wavele waidi nawande wakasigint’ha, yumwenga na aguhigwe yumwenga naasigwe.