Ascensão
A ascensão de Jesus ao céu é a coroação de sua obra redentora. Ele subiu à destra do Pai, de onde voltará com poder e glória para buscar os seus.
Omo uamanusuile kuhandeka eci, vamujunduile naku mutuala muilu tele oku vamutalelela, lishelua liamuambatele kaha kuvamumuene naua.
Tele vali nakutalelela muilu oku alinakuya, taleni hajevene vamala vavali vaje vazalele via kutoka vemanene kuli vakevo. Vehuile nguavo, "Vamala vaku Ngalileya, nkuma vika munemanena oku muatala muilu? Ou Yesu, uje ivanambata kuli yeni nakumutuala muilu, akeja naua mucifua cimo ngue muje muamumuene aya muilu."
Hanima yakuhandeka navo, Muene Yesu vamutualele muilu, nakutumama ku livoko lia cilio lia Njambi.
Ambahoni uahumine navo mu nganda uavatualele kuyehi na Mbetaniya kuje uajunduile mavoko endi nakuvakuisula. Tele ali nakuvakuisula, ualisezele navo nakumutuala muilu.
Mu njivo ya Tate muakala milili yaingi, nga keti mukemo, nga njamileke nguange njiya nakumivuahesela cihela ndi?
Muavusunga vene njimileka nguange, uoshe atsiliela muli yange na ikeye akalinga vipangi vinjilina kulinga, cilivene akalinga vipangi viakama kupulakana evi, muomu njilinakuya kuli Tate.
Njahumininine kuli Tate kaha njezile ha mavu naua, njili nakuseza mavu kaha njilina kuhiluka kuli Tate."
Kaha Yesu uahandekele kuli ikeye nguendi, "Keti unjikuate omo kanda njilonde kuya kuli Tate. Vuno honi ya kuli vamuanetu ukavaleke nguove njilina kuhiluka kuli Tate ikeye uje ishueni, kuli Njambi yange ikeye uje Njambi yeni."
Kaha Yesu uahandekele nguendi, "Njikakala neni mu kantsimbu kakandende lika, ambahoni njikaya kuli uje uanjitumine.
Cilivene tulina kuliambulula muje vati vusueke vua vunjambi vuetu muvunapuilamo vuakama:
Uasholokele mu vuntu,
vuno honi Cimbembesi uamusholuele kupua ua vusunga,
vamumuene ku tungelo.
Uambuluile ku mafuti,
vaka mavu vamutsilielele,
kaha vamutualele mu vumpau.