Bem
Fazer o bem é mandamento de Deus e expressão prática do amor cristão. A Bíblia convida a praticar o bem a todos, com alegria, sem se cansar — porque colheremos no tempo próprio.
Yɛ kabɛ esa e Sisim na Dɛɛ di edjɛ ɔɔ, yɛ ɛ́: mɛkwyɛla, mɛmyaala, egwyem, ɛmaad ɛ lyem, embɛɛ, enɛm esa, nɛ esosoob, mɛtela, ɛdil ɛ lyem. Ye tok nɛ tsi wat di ebyen mbi etɛp binek.
Tin, é sok mena di ebela ba mɔɔ ɛpɛɛd ɛ, djhoosaka mɛnyɔ nɛ bot djas, daŋ-daŋ ɛ́ nɛ bɔn-nyɛɛg bena, bot ɛ di edum koŋ nɛ Zɛɛb ɔ.
Deenek, sa mbee ɛkpa ɛ wat ààtuula tɔ nuub’en. Bi goka nɛ ɛlóo ɛ́ embɛɛ mɛkpa di ekwyee nɛ ɛdjɛ ghwyil nɛ bɛsɔ bin ɛ, mɛkpa mɛ di enyɔ nɛ bot ɛ di egwak bin ɔ.
Dika nɛ mbɛɛ lyem nɛ ghwyikwyee pak’en, pelelka pak’en dáa Zɛɛb napel bin é ze ɛ Klisto ɛ.
Beta náá, kwyɛl bi di nɛ yɛ ɛ, di ààbɛ nɛ mɛdjhaaz pɛ ɛko bhimis pɛ si. Byenka ɛsa ɛbiyo, dika tɔ enɛm esa.
Deenek, sa wɔ ààbet náá, ɛbiyo kwak wɔ. Tin, ye goka ɛ́ náá, enɛm esa bɔ bela eghɛŋ kɔ ɛbiyo.
Bot dyeebake ɛ́ náá: «Mena ɛ́ nɛ ghwyil ɛsa esa djas ee elyem binaka di ekwyɛl ɛ.» Yɛ ɛ́ tsɛɛtsɛ, guka náá, djas ààval sonok. Mena ɛ́ nɛ ghwyil ɛsa esa djas ee elyem binaka di ekwyɛl ɛ. Tin, etɛp binek djas ààdjɛ zɛɛga bot mɛghaaz.
Nàkɔɔka mɛnyel men, etɛɛ náá, yɛ ɛ́ tsɛɛtsɛ sa bot di elɛɛ: «Ɛgyee lɔɔg nɛ bɛmbee ɛ bot nɛ pul mɛfulu mɛ bɛtɛtɛ ɛ bot.»
Tin, Zɛɛb ɛ́ nɛ ghwyil ɛdjɛ bin membi mɛ mɛvu djas. Etɛɛ náá, mɛlu djas bi needi ààdi tɔ pwom sa wat, bi needi nɛ bɛtɛ esa djas bi di egoka nɛ ɛsa membi mɛ enɛm esa djas nɛ yɛ ɛ.
Tyee wat nɛ boa, mɛ kwyɛl ɛ́ náá, boa di nɛ tɛtɛ bhet. Bɛ di nɛ tɛtɛ ekaad di egoka náá, bot bee ɛ, sa bɛ ààdi nɛ embee epyeeda elo mbɛs di epyeeda étɛp ɛtela nyel ɛ. Sa bɛ ààkomsa mɛnyel nɛ mɛsum mɛ lɔɔd, nɛ bɛmɛvunga nɛ mɛsum nɛghu ekaad di nɛ mɛtaŋ ɛlyelɛpe ɛ. Tin, bɛ goka nɛ ɛlyaal ɛ enɛm bɔɔ ɛ́ tɔ embɛɛ mɛsa mɔɔ, dáa bɛtɛtɛ boa di eduwal Zɛɛb ɛ.
Tin, nyɛ naazeka nyel’ɛ buwa kɔ ɛsu ɛ lena, étɛp ɛdis ɛ mena si bhel esyem, étɛp bot needi bot ɛ mbyak’ɛ ɛmet na dɛɛ, étɛp ɛwa lyem tɔ ɛsa embɛɛ esesɛɛ.
Étɛp tak, saka mɛghaaz, kɛlka tsik epiki kɔ ɛdum ɛ koŋ ɛ len nɛ Zɛɛb. Deenek, bhis ɛkɛ tɔ tsik epiki, ye goka ɛ́ nɛ ɛbaadi nɛ tɛtɛ ɛgu ɛ ɛkwosak ɛ Zɛɛb. Kɔ ɛgu ɛ ɛkwosak ɛ Zɛɛb, tin bi ɛ́ baagu ɛdil ɛ mɛnyel men. Bhis ɛdil ɛ mɛnyel men, bi ɛ́ baadi nɛ zii. Kɔ zii, bi ɛ́ baadi tɔ ɛgwakel nɛ Zɛɛb. Tin, tɔ ɛgwakel nɛ Zɛɛb, dika nɛ tɛtɛ ɛgwakel nɛ bɔn-nyɛɛg bin tɔ zɛɛga mendjaala. Bhis ɛdi nɛ tɛtɛ ɛgwakel pak’en, dika tɔ kwyɛl.
Deenek, ɛzɛ aasa bin ɛbiyo, yɛ bɛ náá, bi nɛ sa enɛm esa nɛ lyem wat ɔɔ?
Wɔ aanàkwaatuub lama, da wɔ ɛ́ wa yɛ si bhe. Yɛ ààseaa deenek, ye goka nɛ ɛkɛlaa ɛ́, pɛ kɔ tɛɛg é di bot djas aadi tɔ gwyɛ tak ɔ. Yɛ ɛ́ deenek ɛ́ di egoka náá, mɛkas men nyen tɔ bot, étɛp bot neebee mɛnyɔ mɛ esesɛɛ bi di esa ɛ, étɛp bɛ needuwal Sɛɛg’en di tɔ gwoo ɔ.»
Gekeka bot ghoŋ, dáa Sɛɛg’en di egék bin ghoŋ ɛ.»