Bem
Fazer o bem é mandamento de Deus e expressão prática do amor cristão. A Bíblia convida a praticar o bem a todos, com alegria, sem se cansar — porque colheremos no tempo próprio.
Vuno honi vushuka vua Cimbembesi vuapua cizango, nzolela, ciyulo, lukakateya, ngozi, vucili, kulongua, kulikehesa na kulihilula, kaha kukuesi lishiko liluisa viuma evi.
Nankuma, muomu tucilina ntsimbu, tuyeni tulinge vucili ku vantu voshe, kaha cikuma kumani ku ntanga ije ya lutsilielo.
Keti mulikuasese mezi akupihia omo muhandeka, vuno honi likuaseseni mezi acili aje asakutunga vantu kuya kuli vivana honoua ngeci vioshe vimuhandeka vikapue viacili kuli vaje voshe vamivuilila.
Vuno honi pueni vaka ngozi na vaka cikeketima kuli umo na mukuavo. Lisambueseni umo na mukuavo ngue muana mikonekela Njambi kuhitila muli Kilistu.
Cizango cinapande kutungukua. Zindeni viuma vioshe vije vinapu viavipi, kakateyeni kuli vije viacili.
Keti mutave vupi vumihiane, vuno honi hianeni vupi na viuma viacili.
"Viuma vioshe viakala na lishiko," Vuno honi keti viuma vioshe viapua viaseho. "Cilivene viuma vioshe viakala na lishiko," Vuno honi keti viuma vioshe vikatungisa.
Keti vamikuise "Omo vantu vavapi vakapihisa visinganieka viacili."
Kaha Njambi asa kukuhana cikuisulo coshe mu vuingi, linga ntsimbu yoshe ukale na viavingi kaha naua uase kukala na viavingi muvuingi, viakulikuasesa ku vipangi viacili.
Naua na vampuevo vasholoke muacili nakulikehesa, keti na vinkambu via kuvinda mueka cipue ngolinde cipue vusanga vuaseho cipue vuzalo vua ndando cikuma. Vuno honi na vilinga viacili, ngue via vampuevo vaje vaka kulemesa Njambi.
Ualihanene ikeye vavenia hali yetu, mukutuohiela ku vipi vioshe, nakutupuisa vantu vakulela vaje vakundama kuli ikeye lika, vaje vali na cizango cakulinga viacili.
Muomu ya cuma eci pangeni na nzili yoshe muku vuezelelako ku lutsilielo lueni na vucili, na vucili na mana, naku mana akulihilula kaha na kulihilula ca lukakateya, na lukakateya lua vunjambi, kaha naku vunjambi vua cizango cavu Kilistu, kaha cizango cavu Kilistu cikale na cizango.
Nkuma honi iya aliko uje asa ku mivulumuna nga mulina cishota mutima cakulinga viacili?
Nankuma naumo uahi asa kushuameka ndeya naku ihaka muintsi lia muhela, vuno honi aihaka ha citumbiko, kaha ituila ceke kuli voshe vaje vali mu njivo. Mucifua cimo vene eceleni ceke ceni citue ku vantu, linga vamone vipangi vieni viacili, kaha vakahana vumpau kuli Ishueni uje ali muilu.
Pueni vaka cikeketima ngue Ishueni uapua muka cikeketima.