Bíblia
A Bíblia é a Palavra de Deus — viva, eficaz e mais cortante que espada de dois gumes. Toda Escritura é inspirada por Deus e útil para ensinar, repreender, corrigir e instruir em justiça.
Inspiração divina
Toda Escritura é inspirada por Deus. Homens santos falaram da parte de Deus movidos pelo Espírito Santo.
पूरा पवित्र शास्त्र परमेशरो री प्रेरणा ते रचेया राए। ये पवित्र शास्त्र उपदेश देणे, गल़ती करने पाँदे डांटणे खे, सुदारने और धार्मिकता री शिक्षा खे फायदेमंद ए। ताकि परमेशरो रा जन हर एक खरे कामो खे करने जोगा बणो और त्यार रओ।
और बचपनो तेई तूँ पवित्र शास्त्रो खे जाणेया। ये ताखे मसीह पाँदे विश्वास करने ते, उद्धार पाणे खे अक्लमंद बणाई सकोआ। पूरा पवित्र शास्त्र परमेशरो री प्रेरणा ते रचेया राए। ये पवित्र शास्त्र उपदेश देणे, गल़ती करने पाँदे डांटणे खे, सुदारने और धार्मिकता री शिक्षा खे फायदेमंद ए। ताकि परमेशरो रा जन हर एक खरे कामो खे करने जोगा बणो और त्यार रओ।
पर सबी ते पईले ये समजी लो कि पवित्र शास्त्रो री कोई बी भविष्यबाणी केसी रे आपणे ई सोचणे ते पूरी नि ऊँदी कऊँकि कोई बी भविष्यबाणी माणूंए री इच्छा ते कदी पनि ऊई, पर भविष्यबक्ता पवित्र आत्मा ते परी की परमेशरो री तरफा ते बोलो थे।
आपणे आपू खे परमेशरो खे ग्रईण करने जोगा और एड़ा काम करने वाल़ा ठराणे री कोशिश कर, जो शर्मिंदा नि ओ और जो सच्चो रे वचनो खे ठीक टंगो रे कामो रे ल्याओआ।
कि परमेशरो रे वचनो रा प्रचार कर। बखत और बेबखत सदा त्यार रओ, सबी प्रकारा री सईन शीलता और शिक्षा साथे ल़वामे दे और बक और समजया।
जदुओ तक आऊँ नि आऊँ, तदुओ तक मण्डल़िया रे पवित्र शास्त्रो खे पढ़ने, उपदेश देणे और सखयाणे रे लगेया रा रओ।
Poder da Palavra
A Palavra de Deus é viva e eficaz. O céu e a terra passarão, mas as minhas palavras jamais passarão.
कऊँकि परमेशरो रा वचन जिऊँदा और प्रबल ए, से केसी दोधारी तलवारी ते बी बऊत पईना ए। से आत्मा और प्राण, गाठ-गाठ और गूद्दे-गूद्दे खे लग करी की वार-पार छेदोआ। से मनो री इच्छा और सोचा खे परखोआ।
सर्ग और तरती टल़ी जाओगी, पर मेरा वचन कदी नि टल़ना।"
यीशुए ज्वाब दित्तेया, "पवित्र शास्त्रो रे लिखी राखेया,
‘माणूं रोटिया साथे ई जिऊँदा नि रणा,
पर हर एक वचन, जो परमेशरो रे मुंओ ते निकल़ी रे तिना खे मानी की जिऊँदा रओआ।’"
यहोवा बोलोआ, "जिंयाँ सर्गो ते बर्खा ओर बर्फ पड़ोआ ओर बर्फा रा पाणी बणी जाओआ, ओर सर्गो खे वापस नि ऊँदा बल्कि तरतिया पाँदे जमीना खे सिंजी की बिऊ उपजाओ आ जेते कि बाणे वाल़े खे बेजा ओर खाणे वाल़े खे रोटी मिलोई, तेड़ा ई मेरा वादे रा वचन बी ऊणा जो मेरे मुंए ते निकल़ोआ; से बेकार ठईरी की मांगे वापस नि आऊणा, पर जो मेरी इच्छा ए से तेस पूरी करनी ओर जेस कामो खे से मैं पेजी राखेया तेस से पूरा करना।
सच्चो रे जरिए तिना खे पवित्र कर, तेरा वचन सच्चा ए।
तुसे पवित्र शास्त्रो रे टोल़ोए, कऊँकि तुसे समजोए कि तुसा खे अनन्त जीवन तिदे मिलोआ और ये सेईए, जो मेरी गवाई देओआ।
पर प्रभुए रा वचन जुगो-जुगो तक टीके रा रणा"
और ये वचन यीशु मसीह रा सुसमाचार ए, जो तुसा खे सुणाया था।
जवान आपणे चाल-चलणो खे किंयाँ शुद्ध राखी सकोआ?
प्रभु, तेरे वचनो रा पाल़न करने ते।
तेरे सारे वचन सच्चे ए,
तेरिया शिक्षा दे सच्चाई ए ओर तेरी तर्मो री बिधि सदा री ए।
Estudar e pregar
Os bereanos examinavam as Escrituras diariamente. Procura apresentar-te a Deus aprovado como obreiro que maneja bem a Palavra.
यो लोक तो थिस्सलुनीके नगरो रे यहूदिया ते ठीक थे और तिने बड़ी लालसा साथे वचन ग्रहण कित्तेया और हर रोज पवित्र शास्त्रो रे जांच करदे रये कि यो गल्ला सच्चिया कि नई।
तेबे पौलुस आपणी रवाजा रे मुताबिक तिना गे गया और तिना रे रामो रे दिने पवित्र शास्त्रो बीचा ते तिना साथे बईस कित्ती और से तिना रा मतलब तिना रा उदारण देई-देई की समजयाओ था कि मसीह रा दु:ख उठाणा और मरे रेया बीचा ते जिऊँदा ऊणा जरूरी था, "येई यीशु, जेसरी आऊँ तुसा खे कथा सुणाऊँआ, मसीह ए।"
फिलिपुसे तेसरी तरफा खे दौड़ी की से यशायाह भविष्यबक्ते री कताब पढ़दे ऊए सुणेया और पूछेया, "जो तूँ पढ़ने लगी रा क्या समजणे बी लगी रा?" तिने बोलेया, "जदुओ तक माखे कोई समजयाओ गा नि, तदुओ तक माखे किंयाँ समज आऊणा?" तेबे तिने फिलिपुसो ते बिनती कित्ती कि रथो पाँदे चढ़ी की मां साथे बैठी जा। पवित्र शास्त्रो रा जो पाठ से पढ़ने लगी रा था, से ये था
"से पेडा जेड़ा काणे खे पऊँचाया
और जिंयाँ मिन्टू आपणे ऊन कापणे वाल़ेया सामणे चुप रओआ, तिंयाँ ई तिने बी आपणा मूँ नि खोलेया।
तेबे फिलिपुसे बोलणा शुरू कित्तेया और एते ई शास्त्रो ते शुरू करी की तेसखे प्रभु यीशुए रा सुसमाचार सुणाया।
कऊँकि एज्रे यहोवे रे बिधान रा मतलब सिखणे ओर तिजी खे मानणे ओर इस्राएलो रे बिधि ओर नियम सिखाणे खे आपणा मन लगाया था।
तेबे यीशुए तिना दो चेलेया खे बोलेया, "ओ मूर्खो! और भविष्यबक्तेया रिया सबी गल्ला रे विश्वास करने रे मंदबुध्दियो! क्या ये जरूरी नि था कि मसीह एस दु:खो ते बाद आपणी महिमा रे आओ?" तेबे तिने मूसे ते और सबी भविष्यबक्तेया ते शुरूओ ते और सारे पवित्र शास्त्रा बीचा ते, आपणे बारे रे लिखी रिया सबी गल्ला रा मतलब तिना खे समजयाई ता।
यीशुए तिना रे नेड़े आयी की बोलेया, "स्वर्ग और तरतिया रा सारा अक्क मांगे देई राखेया। तो, तुसे जाओ और सब जातिया रे लोका खे चेला बणाओ, और तिना खे पिता, पुत्र और पवित्र आत्मा रे नाओं ते बपतिस्मा देओ और तिना खे सब गल्ला, जो मैं तुसा खे आज्ञा देई राखिया, मानणा सिखाओ; और देखो, आऊँ दुनिया रे आखरी तक सदा तुसा साथे ए।"
और चलदे-चलदे ये प्रचार करो कि स्वर्गो रा राज्य नेड़े आईगा रा।
Revelação e fidelidade
A Palavra do Senhor veio aos profetas. A graça de Deus se manifestou na Escritura para a salvação de todos.
तेबे यहोवे रा ये वचन एलिय्याह गे पऊँचेया,
यहोवे रा वचन योएल भविष्यवक्ते गे पऊँचेया, जो पूतीएलो रा पाऊ ए, यहोवा ईंयाँ बोलोआ:
तेबे यहोवे रा ये वचन यिर्मयाह गे फेर पऊँचेया,
ये सन्देश जो यहोवे मलाकिये रे जरीये इस्राएलो रे लोका ते बोलेया था,
तेबे परमेशरो रा ये वचन भविष्यबक्ता जकर्याह गे पऊँचेया, "सेना रे परमेशरे ईंयाँ बोली राखेया,
तेबे यहोवे रा ये वचन यशायाह गे पऊँचेया,
भविष्यबक्ता यशायाह बोलोआ, "परमेशर यहोवे रा आत्मा मां पाँदे ए, कऊँकि यहोवे शुभ सन्देश सुनाणे खे मेरा अभिषेक कित्तेया ओर आऊँ इजी खे पेजी राखेया ताकि दु:खी मनो रे लोका खे शान्ति देऊँ ओर गुलामा खे आजादिया रा ओर कैदिया खे छुटकारे रा प्रचार करुँ। ताकि यहोवे रे खुश रणे रे सालो रा ओर म्हारे परमेशरो रे बदला लणे रे दिनो रा प्रचार करुँ; ताकि सब दु:ख करने वाल़ेया खे शान्ति देऊँ। ओर सिय्योनो रे दु:ख करने वाल़े लोका रे सिरो पाँदली दु:खो री स्वा दूर करी की सुन्दर पगड़ी बानूँ, ताकि तिना रा दु:ख दूर करी की खुशिया रा तेल लगाऊँ ओर तिना री उदासी दूर करी की यशो रा टखण टखाऊँ; जेते कि तिना खे तर्मो रे बाँजो रे डाल़ ओर यहोवे रे लगाए रे बोलेया जाओ ओर जेते कि तिना रा आदर प्रगट ओ।"
Viver pela Palavra
Não só de pão vive o homem. Nada acrescentes nem diminuas. A Palavra é alimento, guia e espada do cristão.
परमेशरो रा एक-एक वचन परखेया दा ए;
से तिना रा बचाणे वाल़ा ठईरी रा, जो तेसरी शरणा रे आई रे।
तेसरे वचनो रे कुछ नि बढ़ाणा,
जे तूँ एड़ा करेगा तो तेस ताखे सजा देणी ओर तूँ चूठा ठईरणा।
मां हर एकी खे, जो एसा कताबा री भविष्यबाणिया री गल्ला सुणोआ, गवाई देऊँआ कि जे कोई माणूं इना गल्ला रे कुछ बड़ाओ, तो परमेशरे सेयो मुसीबता, जो इना कताबा रे लिखी राखिया, तेस पाँदे बड़ाणियां। जे कोई एसा भविष्यबाणिया री कताबा री गल्ला बीचा ते कुछ निकयाल़ो, तो परमेशरो तेस जिन्दगिया रे डाल़ो और पवित्र नगरो बीचा ते, जेतेरी चर्चा एसा कताबा रे ए, तेसरा इस्सा निकयाल़ी देणा।
माखे ये गल्ल जाणी कि बऊत ई दुःख ऊआ कि तुसे परमेशरो ते जिने तुसे मसीह री कृपा ते बुलाए, तेसते तुसे इतणी चट पटकी गे। और तुसे ओर ई प्रकारा री शिक्षा री तरफा खे चुकणे लगे, जेतेखे कुछ लोक सुसमाचार बोलोए। पर सच्च तो ये ए कि दूजा सुसमाचार अया ई नि। पर गल्ल ये ए कि कुछ लोक एड़े ए, जो तुसा खे बड़ी उल़जणा दे पाई देओए और मसीह रे सुसमाचारो खे बिगाड़ना चाओए। पर जे आसे या स्वर्गो ते कोई स्वर्गदूत बी तेस सुसमाचारो खे छाडी की जो आसे तुसा खे सुणाया, कोई ओर सुसमाचार तुसा खे सुणाओ, तो से परमेशरो री तरफा ते स्रापित ए। जेड़ा आसे पईले बोली चूकी रे, तेड़ा ई आऊँ एबे फेर बोलूँआ कि तेस सुसमाचारो खे छाडी की जो तुसे मानी राखेया, जे कोई ओर सुसमाचार सुणाओआ, तो से परमेशरो री तरफा ते स्रापित ए।
जे आसा रा प्रभु आपणी सईन शीलता री बजअ ते देर करो बी आ तो इजी खे आपणे उद्धारो रे मददगार समजो। ये सेई गल्ल ए जेतेखे म्हारे प्यारे साथी विश्वासी पौलुसे बी तुसा खे परमेशरो रे जरिए दित्ते रे ज्ञानो रे मुताबिक चिट्ठिया रे लिखी राखेया। तिंयाँ ई पौलुसे आपणी सबी चिट्ठिया रे बी इना गल्ला री चर्चा करी राखी। तिना चिट्ठिया रे कितणिया गल्ला तो एड़िया ए, जिना रा समजणा कठण ए। अनपढ़ और चंचल लोक तिना री चिट्ठिया री गल्ला खे पवित्र शास्त्रो री गल्ला जेड़िया ई खिंजी-खांजी की आपणे ई नाशो री बजअ बणाओए।
जितणिया गल्ला पईले तेई पवित्र शास्त्रो रे लिखी राखी थिया, सेयो आसा री ई शिक्षा री खातर ई लिखिया ताकि आसे सब्र और पवित्र शास्त्रो री शान्तिया रे जरिए उम्मीद राखूँ।
पर जेस पाँदे तिने विश्वास नि कित्तेया, सेयो तेसरा नाओं किंयाँ लओ? और जेसरे बारे रे सुणेया नि, तेस पाँदे विश्वास किंयाँ करना और प्रचारका ते बिना किंयाँ सुणना? और जे पेजे नि जाओ, तो किंयाँ प्रचार करो? जेड़ा पवित्र शास्त्रो रे लिखी राखेया, "तिना रे पैर केड़े खरे ए, जो अच्छी गल्ला रा सुसमाचार सुणाओए।"
पर सबी इस्राएलिए तेस सुसमाचारो पाँदे विश्वास नि कित्तेया। जेड़ा यशायाह भविष्यवक्ता बोलोआ, "ओ प्रभु, किने आसा रे सुसमाचारो पाँदे विश्वास करी राखेया?" तो विश्वास सुणने ते और सुणना मसीह रे वचनो ते ओआ।
कऊँकि आऊँ मसीह रे बारे रे एस सुसमाचारो ते शर्मांदा निए। ये तिना सबी खे उद्धारो रे निमित परमेशरो री सामर्थ ए, सबी ते पईले यहूदिया खे तिजी ते बाद दूजी जातिया खे जो एस सुसमाचारो पाँदे विश्वास करोए। कऊँकि सुसमाचारो रे परमेशरो री धार्मिकता विश्वासो ते और विश्वासो खे प्रगट ओई, जेड़ा पवित्र शास्त्रो रे लिखी राखेया, "विश्वासो रे जरिए तर्मी माणूं जिऊँदा रणा।"
पर आसा रे दुनिया रा आत्मा निए, पर से आत्मा पायी राखेया, जो परमेशरो री तरफा ते ए कि आसे तिना गल्ला खे जाणूं, जो परमेशरे आसा खे देई राखिया। जेबे आसे ये गल्ला तुसा खे सिखाऊँए तो माणूंआ री तरफा ते आये रे ज्ञानो रा इस्तेमाल नि करदे। बल्कि आसे तिना वचना खे बोलूँए जो आत्मा रे जरिए देई राखे, आत्मिक सच्चाईया री व्याख्या करने खे पवित्र आत्मा रे वचनो खे इस्तेमाल करोए। पर शारीरिक माणूं परमेशरो री आत्मा री सच्चाई ग्रहण नि करदा, कऊँकि सेयो तिना री नजरा रे मूर्खता री गल्ला ए और ना से तिना खे जाणी सकोआ, कऊँकि तिना री परख आत्मिक रीतिया ते ओई।
कऊँकि परमेशरे आपणे ज्ञानो रे मुताबिक ये देखेया कि दुनिया रे लोक आपणे ज्ञानो रे जरिए तिना खे कदी बी नि जाणी सकदे, तेबेई तिना लोका रा उद्धार करने खे जो विश्वास करोए सुसमाचारो रे प्रचारो रा इस्तेमाल कित्तेया, हालाँकि कुछ लोक इजी खे मूर्खता री गल्ल समजोए।।
ये यहूदी लोका खे मूर्खता री गल्ल ए जो स्वर्गो ते चिह्न् चाओए, और दूजिया जातिया रे लोका खे बी मूर्खता री गल्ल ए जो माणूंआ रे ज्ञानो री टोल़ा रे ए। पर आसे तो तेस क्रूसो पाँदे चढ़ाए रे मसीह रा प्रचार करूँए, जो यहूदिया खे ठोकरा री बजअ और दूजिया जातिया खे मूर्खता री गल्ल ए। पर परमेशरो रे चूणे रे लोका खे क्या यहूदी, क्या दूजी जाति दुँईं खेई येई मसीह परमेशरो री सामर्थ और परमेशरो रा ज्ञान ए।
यीशु मसीहे आऊँ बपतिस्मा देणे नि पेजेया। बल्कि तिने आँऊ सुसमाचार प्रचार करने पेजी राखेया और मैं ये काम माणूंआ रे शब्दो रे ज्ञानो रे मुताबिक नि कित्तेया एड़ा नि ओ कि मसीह रा क्रूस बेकार ठईरो।
पर तुसे एक चूणे रा वंश और राजपदधारी, पुरोईता रा समाज, पवित्र लोक और परमेशरो री निज प्रजा ए, इजी री खातर जिने तुसे न्हेरे ते आपणी नऊखी जोतिया रे बुलाए, तेसरे गुण सामणे ल्याओ।