Bom dia
Cada manhã é presente de Deus. As misericórdias do Senhor se renovam cada dia. A Bíblia convida a começar o dia com louvor, oração e gratidão ao Criador.
Manhã com Deus
De manhã te apresentarei a minha oração. Pela manhã ouvirás a minha voz — eu te busco ao despertar.
हे यहोवा, तू झ़ेज़्झ़ां मेरी प्राथनारी आवाज़ शुनेलो,
अवं झ़ेज़्झ़ां तीं कां प्राथना केरतां बलगतो रालो।
पन हे यहोवा, अवं मद्दतरे लेई तीं पुकारताईं;
मेरी प्राथना रोज़ झ़ेझ़ां तेरे सामने पुज़्ज़ी गाचे।
हे मेरे मन खड़े भो! हे सैन्गी ते सितार बींझ़ां;
अवं दिहाड़ो निसने करां पेइले बींझ़ेलो।
पन अवं तेरी शेक्तरी तारीफ़ केरेलो;
ते झ़ेझ़ां तेरी दयारे लेई जयजयकार केरेलो।
किजोकि तू मेरो उच्चो क़िलोस,
ते मुसीबतरे वक्ते मेरी छ़पनेरी ठारस।
पन अवं तेरी शेक्तरी तारीफ़ केरेलो;
ते झ़ेझ़ां तेरी दयारे लेई जयजयकार केरेलो।
किजोकि तू मेरो उच्चो क़िलोस,
ते मुसीबतरे वक्ते मेरी छ़पनेरी ठारस।
हे मेरी ताकत, अवं तेरू भजन ज़ोइलो,
किजोकि हे परमेशर, तू मेरो उच्चो क़िलोस
ते मेरो महरबान परमेशरस।
झ़ेझ़ेरे मौके मीं अपने प्यारेरी खबर शुना,
किजोकि अवं तींए पुड़ भरोसो रखताईं।
ज़ैस बत्तां मीं च़लनूए, मीं तै बत हेरा,
किजोकि अवं अपनो मन तेरे पासे लाताईं।
पन अवं त धर्मी भोइतां तेरे तुत्तरेरू दर्शन केरेलो,
ज़ैखन अवं बींझ़ेलो, तैखन अवं तेरे दर्शने सेइं खुशी भोल्हो।
Misericórdias renovadas
As misericórdias do Senhor se renovam cada manhã. Este é o dia que o Senhor fez — alegremo-nos e nos regozijemos nele.
असां मिटी न जे; ई यहोवारी महाकरुणारो फले, किजोकि तैसेरी दया कधे खतम न भोए।
रोज़ झ़ेझ़ां तैसेरी करुणा ते दया नंव्वी भोती रैतिन; तेरी सच़्च़ाई महाने।
मेरे मने ज़ोवं, "यहोवा मेरो हिस्सोए, इस वजाई सेइं अवं तैस मां उमीद रखेलो।"
असां मिटी न जे; ई यहोवारी महाकरुणारो फले, किजोकि तैसेरी दया कधे खतम न भोए।
रोज़ झ़ेझ़ां तैसेरी करुणा ते दया नंव्वी भोती रैतिन; तेरी सच़्च़ाई महाने।
अज़ तै दिहाड़ीए ज़ै यहोवा बनेवरीए;
अस इस मां मघन ते खुश भोम।
तुस ज़ैना वफादार आथ!
यहोवारी तारीफ़ केरा,
ते ज़ैस पवित्र नंव्वे सेइं तैसेरी याद भोतीए,
तैसेरू शुक्र केरा।
किजोकि यहोवारो क्रोध त एक्की पलेरो भोते,
पन तैसेरी दया सारे उमरारी भोतीए।
शायद राती लेरां देनी पे,
पन झ़ेझ़ां आनन्द भोल्हो।
किजोकि यहोवारो क्रोध त एक्की पलेरो भोते,
पन तैसेरी दया सारे उमरारी भोतीए।
शायद राती लेरां देनी पे,
पन झ़ेझ़ां आनन्द भोल्हो।
एल्हेरेलेइ दूर-दूर मुल्खां केरे रानेबाले तेरे निशान देइतां डेरि जेवरेन;
ते तू झ़ेझ़ां दिहाड़ो निसने करां देइतां दिहाड़ो डुबने तगर खुशी मनाने देतस।
झ़ेझ़ां असन एपनी दयाई सेइं भरपूर केर,
कि असां ज़िन्दगी भर जयजयकार ते आनन्द केरते रहम।
Louvor matinal
Saciai-nos de manhã com a tua benignidade. Todo dia te louvarei e celebrarei o teu nome para sempre.
हे मेरे परमेशर, हे मेरे राज़ा, अवं तेरी तारीफ़ केरेलो,
ते तेरे नंव्वे हमेशा-हमेशा धन ज़ोतो रेइलो।
अवं रोज़ तींजो धन ज़ोइलो,
ते हमेशा तेरे नव्वेंरी तारीफ़ केरेलो।
केत्रू रोड़ूए यहोवारू शुक्र केरनू,
हे परमप्रधान परमेशर, तेरे नंव्वेरू भजन ज़ोनू;
झ़ेझ़ां तेरो प्यार,
ते राती तेरी सच़्च़ैइअरो प्रचार केरनो,
यहोवारे लेई अक नंव्वू गीत ज़ोथ,
हे सारे दुनियारे लोकव यहोवारे लेई गीत ज़ोथ।
यहोवारे लेई गीत ज़ोथ, तैसेरे नव्वें जो धन ज़ोथ;
रोज़ तैसेरे दित्तोरे मुक्तरी रोड़ी खबर शुनाते राथ।
गैर कौमन मां यहोवारे महिमारू,
ते मुल्खां-मुल्खां केरे लोकन मां तैसेरे चमत्कारां केरू बियान केरा।
आहा! अवं तेरे कानूने मां केत्रो प्यार रखताईं!
पूरे दिहैड़ी मेरू ध्यान तैस्से मां लगोरू रहते।
फिरी भी दीसां यहोवा अपनि शक्ति
ते दया बांदी केरेलो;
ते राती भी अवं तैसेरू गीत ज़ोइलो,
ते अवं अपने ज़िन्दगी देनेबाले परमेशरे कां प्राथना केरेलो।
हे यहोवा, असन लोकन पुड़ अनुग्रह केर; असां तींए बलगतम। रोज़ इश्शी ताकत, मुसीबतरे मौके असन बच़ा।
प्रभु यहोवाए मीं शिखालू कि कुन ज़ोनूए कि अवं थकोरे लोकन अपने वचनेरे ज़िरिये सुमालहने ज़ैनी। झ़ेझ़ां तै मीं रोज़ बींझ़ाते ते मेरे कन खोलते कि अवं चेलेरू ज़ेरू शुनी।
Graça para o novo dia
O Senhor te abençoe e te guarde. Cada novo dia é oportunidade de viver sob a graça do Deus que nos ama.
यहोवा तीं आशिर्वाद दे, ते तेरी हिफाज़त केरे;
यहोवा तीं पुड़ अपने तुत्तरेरी लौ चमकाए,
ते तीं पुड़ अनुग्रह केरे।
यहोवा अपनु तुत्तर तेरे पासे फिराए, ते तीं शान्ति दे।
झ़ेझ़ां उठतां अपने उडारे मां बीज़ बे, ते ड्लवझ़ां भी अपने हथ्थन न रोक किजोकि तू न ज़ानस, कि कौन कामयाब भोल्हो, या तैना दूईये रोड़े निसेले।
तै झ़ेझ़ां सुबेले उठतीए,
ते अपने टब्बरे रोट्टी खुवातीए
ते अपनि दैसन अलग-अलग कम देतीए।
निड्ली सेइं प्यार न रख, नईं त गरीब भोइ गालो;
एछ़्छ़ी खोल्ल तैखन तू रोट्टी खालो।
ते परमेशरे लौ हेरी कि रोड़ीए; ते परमेशरे लौ आंधरे करां अलग की। ते परमेशरे लौई जो दिहाड़ी ते आंधरे जो रात ज़ोवं। ते ड्लोझ़ भोइ फिरी झ़ेझ़ भोइ। एन्च़रां पेइली दिहाड़ी भोइ।
अस नेबी केरू वचन भी ज़ानतम, ज़ैन तैनेईं मसीहेरे बारे मां ज़ोवं तैन बिलकुल सच़्च़े, तैना इस बारे मां पक्कू केरतन ज़ैन असेईं तुसन तैसेरे वापस एजनेरे बारे मां शिखालू। तुसेईं तैना गल्लां ध्याने सेइं शुनोरी लोड़न, ज़ेन्च़रे दीयो आंधरे मां बलते ते लोकन सही बत्तां गानेरे लेई मद्दत केरते, इन वचन तुश्शू इन ज़ान्नेरे लेई मद्दत केरेलू कि सच़ कुने। तुसेईं तैन वचन रोड़े च़ारे शुनोरे लोड़ते ज़ांतगर इश्शो प्रभु यीशु मसीह वापस न एज्जे। तैसेरू एजनू एरू भोल्हु ज़ेन्च़रे नंव्वे दिहैड़री लौ भोल्ही, ते तै झ़ेझ़ेरे तारेरो ज़ेरो भोल्हो। तैस वक्त तैसेरी लौ तुश्शे दिलन मां चमकेली त कने तुसन पुड़ परमेशरे बांदी केरेली।
यीशु मसीह इश्शे लेई एल्हेरेलेइ मरो, कि अस चाए बींझ़े भोम, या झ़ुलोरे भोम, सब मिलतां तैस सेइं साथी ज़ींम।