Casamento

18 Ninfɛ di Saate Yaa labuɛ alɛ, <<Diɛlɛ alɛ osuɔtɔ kasiɛ lete nɔɔ. Kamabla kyakaakotɛ wɔ niesiɛko ni ntɔɔ.>>

21 Nioso Saate Yaa lata osuɔtɔ nwu labuo di sɛkyɔsĩ aasifi kamɛ, di obe wɔ ɔɔkyɔsĩi nii, ni aadiki nwɔ ɔfɛkɛnfɛ-wesee onwii, ni aatĩi lɛba nwu ku suoto sina nɛ. 22 Ninfɛ di Saate Yaa labla ɔsanko aakyeko ɔfɛkɛnfɛ-wesee wɔ aadiki ni di osuɔtɔ kamɛ, ni aakpaa nwɔ aawako osuɔtɔ nwu nɛ.

23 Ninfɛ di osuɔtɔ nwu labuɛ alɛ,

<<Mia nfɛ nɛ! Nle mmle ninle dikufi le niekye ni akufi nii kamɛ

ku sina se niekye ni sina nii kamɛ nɛ;

Baalɛɛ nwɔ alɛ <Ɔsanko,>

diekye osuɔtɔ kamɛ beediki nwɔ beekyeko.>>

24 Nle mmle oso, osuɔtɔ madie andiɛ ote ku ɔya manaabla onwii ku ɔsɔfɔ, mankple suoto sina sinwii.

24 Nle mmle oso, osuɔtɔ madie andiɛ ote ku ɔya manaabla onwii ku ɔsɔfɔ, mankple suoto sina sinwii.

25 Osuɔtɔ nwu ku ɔsɔfɔ, banyɔ lɛma baasiɛ lɛkyɔtɔ, kafɔɔ sinunsɔ ditatɔɔkpɛ ma.

24 Nle mmle oso, osuɔtɔ madie andiɛ ote ku ɔya manaabla onwii ku ɔsɔfɔ, mankple suoto sina sinwii.

22 Ninfɛ di Saate Yaa labla ɔsanko aakyeko ɔfɛkɛnfɛ-wesee wɔ aadiki ni di osuɔtɔ kamɛ, ni aakpaa nwɔ aawako osuɔtɔ nwu nɛ.

23 Ninfɛ di osuɔtɔ nwu labuɛ alɛ,

<<Mia nfɛ nɛ! Nle mmle ninle dikufi le niekye ni akufi nii kamɛ

ku sina se niekye ni sina nii kamɛ nɛ;

Baalɛɛ nwɔ alɛ <Ɔsanko,>

diekye osuɔtɔ kamɛ beediki nwɔ beekyeko.>>

24 Nle mmle oso, osuɔtɔ madie andiɛ ote ku ɔya manaabla onwii ku ɔsɔfɔ, mankple suoto sina sinwii.

26 Ninfɛ di Yaa labuɛ alɛ, <<Bita bubla otii di letembi loo kanya, aadie wo, aale sɛsaate di lekpo kamɛ kɔkpaku suoto ku bakansiɛ ba ninflɛlɛtɛ ni ku babɔkɛɛ sele di kasɔ kamuu suoto ku babɔkɛɛ ba ninkpe ni abe suoto ku babɔkɛɛ ba bamuu ninkpɔkɔ ni kaasɔ suoto.>>

27 Nioso Yaa labla osuɔtɔ di nnwɔɔ omu nɔɔ letembi kanya;

di Yaa letembi kanya aabla nwɔ;

osuɔtɔ ku ɔsanko aabla ma.

28 Yaa lawii ma lɛyɔɔ ni aatɔkɔ ma alɛ, <<Bilofo biɛkpɛ biyii kayi biele ka sɛsaate. Biele sɛsaate di lekpo kamɛ kɔkpaku ku kɔfɛɛfɔ kamɛ bakansiɛ ku asaa ya ninkpe ni nkpa ankpɔkɔ ni kaasɔ suoto.

Kain Ku Abel Suoto Ɔlaa

1 Ni di Adam latenko ɔsɔfɔ nɔɔ Ewa ni aalaka lɛmɛ aalofo Kain nɛ. Ni aabuɛ alɛ, <<Di Saate lɛkyakaako kamɛ lelofo osuɔtɔ.>>

Set Ku Enos Lelofo

25 Adam lakple aatenko ɔsɔfɔ nɔɔ Ewa, ni aalofo obisuɔtɔbi nɛ. Ni di Ewa latɔɔ leyooto alɛ Set nɛ. Ni aabuɛ alɛ, <<Yaa lekple ɛɛtɛɛ obi bamba eese Abel kanya. Nnwɔ di Kain lalo nii.>>

14 "Bitankpee asɔnɔ.

17 Tambɛbɛɛ anu di owo lɛfɔ leyo suoto. Tambɛbɛɛ anu di owo lɛfɔ ɔsɔfɔ suoto, ee ɔlanle suɔtɔ nɔɔ suoto ee ɔlanle sanko nɔɔ suoto ee nankyue nɔɔ suoto ee bɔkɛɛ nɔɔ wɔ nintuka ni atoo suoto ee faabɛbɛɛ anu di lɛsaa lele ninle ni owo lɛfɔ lele suoto."

5 Nse osuɔtɔ owo lɛyɔ ɔsanko sɛfɔlefɔle yi, ni diɛkaatɛ mantɔɔ ankyɛ kakpɛ ee mankpee nwɔ ɔkpɛ bamba owo ninnɛɛ. Dikpeni eesiɛko suoto di leyo lɛlɛɛ ninwii anta suoto n-yɔɔ ɔsɔfɔ fɔle wɔ ɛɛyɔɔ nii.

Kusĩ Ku Okple Ose Ɔyɔ Kufiofa

1 Nse osuɔtɔ owo n-yɔ ɔsanko ɛɛnya alɛ ɔsaabla nɔɔ dilosinkyɛkyɛ nwɔ diekye atɔɔnya kakyi kawo di suoto nɔɔ yi, ɛɛkpana kusinkũ ɛɛta ɔsanko nwu, ɛɛdiki nwɔ di leyo nɔɔ,

Osuɔtɔ Ku Ɔsanko Kasiɛ Kufiofa

13 Nse osuɔtɔ lɛyɔ ɔsɔfɔ, eetenko nwɔ eeloo, eekyidi nwɔ, 14 ɛɛkpɔnɔfɔsɔɔ, ɛɛtɔɔ leyooto kpile eebuɛ alɛ, "Layɔ ɔsanko wɔ mmle, kafɔɔ lakyɛ ni ɔkyɛ nɔɔ lanya nlɛ nfɛ aye osuɔtɔ," 15 ni ɔsankobi nwu ote ku ɔya kamakpasa kamɛ di okpoo banɔɔfo anu di lɛkpaka alɛ kabitɛ aale. 16 Ɔsankobi nwu ote kamatɔkɔ banɔɔfo nwu alɛ, "Layɔ obisankobi nii lata osuɔtɔ wɔ mmle nlɛ ayɔ, kafɔɔ alɛ aasinlɛ nwɔ. 17 Nunua atɔɔkpɔnɔfɔsɔɔ eebuɛ alɛ, ‘Lɛnya nlɛ obisankobi lɛfɔ nwu diele kabitɛ.’ Kafɔɔ nnya nle nikotuo alɛ obisankobi nii nwu kabitɛ ale ni." N-se ɔsankobi nwu balofotɛ ntoofukuti dibula nwu bɛɛtɛ di okpoo banɔɔfo nwu anu,

9 Le nkpa ku ɔsɔfɔ lɛfɔ, nnwɔ fambɔmbɔ ni, di nkpa be mmle kasakasa obe wɔ di Yaa lɛta fɔ ni di kufĩ kalɔ- di kasakasa obe lɛfɔ omuu kamɛ. Diekye nle mmle ninle fɔ lele di otufu-ɔkpa sikitii lɛfɔ kamɛ di kufĩ kalɔ nɛ.

9 Le nkpa ku ɔsɔfɔ lɛfɔ, nnwɔ fambɔmbɔ ni, di nkpa be mmle kasakasa obe wɔ di Yaa lɛta fɔ ni di kufĩ kalɔ- di kasakasa obe lɛfɔ omuu kamɛ. Diekye nle mmle ninle fɔ lele di otufu-ɔkpa sikitii lɛfɔ kamɛ di kufĩ kalɔ nɛ.

9 Banyɔ nlɛ balenke onwii,

diekye man-wɛ lɛsaa biene mankyeko ɔkpɛ lɛma kamɛ:

10 Nse onwii lɛnɔɔ yi,

ɔnyɔɔfa kamafuo nwɔ ɔtakatɛ.

Kafɔɔ yɔɔsa bɔɔta otii wɔ niɛnɔɔ

anaa ni otii kuonwii abatakatɛ nwɔ nii!

11 Diɛkyakaa nii, nse batii banyɔ lesi bate yi, babafilasa bawo.

kafɔɔ lɛ di otii onwii lete kamafuo difila ɔta suoto nɔɔ?

12 Kuntɛ baafuo otii onwii olenkee yi,

batii banyɔ kamafuo oyila kpinkpĩ odiki suoto lɛma.

Ekũ eetiɛ be beefintĩsa ni ninfuo obudi wla.

14 SAATE nwu lebuɛ alɛ, "Batii ba ninaa ni onukwale bipɛbikple biwa, diekye ɔsa lee nle. Kamadiki ye- onwii nkyeko okpoo, banyɔ kafɔɔ nkyeko kafaabi- ninkpaa ye n-wako Sion.

36 Nnya ɔlaa wɔ di SAATE Kplɛ nwu kobuɛ ni alɛ: Ta fɛnyɛɛnɛ ni lɛsaawɛ lɛfɔ feewii nii, feediki ni kafɔɔ lɛkyɔtɔ lɛfɔ fɛɛtɛ ni di asɔnɔ lɛfɔ okpee kamɛ ku basɔnɔ lɛfɔ oso, ta di afiɔ lɛfɔ ya amuu nikɔkpɛ ni oyududu, fɛɛyɔ ni kafɔɔ babi lɛfɔ ntɔ fɛɛta ma ni oso yi, 37 nkpo oso kamasiisa basɔnɔ lɛfɔ nwu bamuu, ku mba suoto faanya ni ɔmɛnɛfɛ, mba faabɔmbɔ ni ku mba faakyidi nii. Kamasiisa ma nkyeko kakɔ biala di suoto lɛfɔ, anu lɛma kafɔɔ kamadiki fɔ asaa di suoto, man-nya lɛkyɔtɔ lɛfɔ nimuu.

17 Kafɔɔ Saate lata sifiɛ kpile lapɛ Farao ku leyo nɔɔ batii ta Abram ɔsɔfɔ Sarai oso. 18 Nioso Farao lata baalɛɛ Abram baatɔɔ. Ni aakaalɛ nwɔ alɛ, <<Lɛ oso fɛɛbla mi nkpo? Be oso fatatɔkɔ mi falɛ ɔsɔfɔ lɛfɔ ale?

Hagar Ku Ismael

1 Di obe nwu kamɛ Sarai, Abram ɔsɔfɔ diiloolofo obi kuonwii ata ni Abram, kafɔɔ aawɛ Egipte ɔlanle sankobi onwii baatɔɔlɛɛ ni Hagar. 2 Ni aatɔkɔ Abram alɛ, <<Nyu! SAATE nwu dilɔɔtɛɛ obi nlofo. Tɔɔkyɛ falaayɔ ɔlanle sankobi nii nwu: loobia mawɛ babi bawo nklee.>>

Abram latũna di Sarai ɔlaa nwu suoto. 3 Nioso obe wɔ di Abram ntoosiɛ ni di Kanaan kasɔ suoto di alɛɛ lefosi sɛmaa, ni di Abram ɔsɔfɔ Sarai layɔ Egipte ɔlanle sankobi nɔɔ nwu Hagar aata ɔsa alɛ ayɔ nɛ.

10 Ninfɛ di onwii lɛma latɔkɔ nwɔ alɛ, <<Nwaako kamakple nwa ni ɔkyɛ lɛfɔ lɛlɛɛmba naakpa okle, ɔsɔfɔ lɛfɔ Sara kamalofo obisuɔtɔbi.>>

Sara kafɔɔ latoonu ɔlaa nwu di lɛkpaayo nwu nkpo kayoko di osuɔtɔ nwu sɛmaa. 11 Abraham ku Sara ntoobe kofokofoko batɔɔkyɛ sitũ nwaa kafɔɔ di alɛɛ kamɛ. Sara kafɔɔ ntoofe kolofo. 12 Nioso Sara lama di suoto nɔɔ kamɛ aabuɛ alɛ, <<Ntoobe lɛkpasɔ ni mmle di saate nii kafɔɔ ntooobe nii, kamakple nnya ɔmɛnɛfɛ di bawo otenko kamɛ?>>

9 Kafɔɔ Onan latofo alɛ babi nwu dilɔbale nwɔ bale; nioso nse ootenko obilɛma ɔsɔfɔ nwu yi, andiki alombi nɔɔ an-wii kaasɔ ta mmle ɔnɔmalofo ata ni obilɛma suɔtɔbi oso. 10 Lɛsaa le aabla ni lale lɛsaa kpile di Saate nwu anu; nioso aalo nnwɔɔ kafɔɔ.

Baalofo Solomon

24 Ninfɛ di Dawid lakpee ɔsɔfɔ Batseba kɔnɛɛ kaafutu, ni aakyɛ aalaate di ɔkyɛ nɔɔ nɛ. Ni aalofo obisuɔtɔbi, aatɔɔ leyooto alɛ Solomon. SAATE nwu labɔmbɔ obisɔ nwu.

21 Kafɔɔ Abigya lawɛ ɔwɛ osie. Aayɔ basanko lefosi-bana ni aalofo babisuɔtɔbi afosi-anyɔ-banyɔ ku babisankobi lefosi-bakuɔ nɛ.

SAATENwu Nkpe Lɛbɔmbɔ Ɛɛta Israel

1 "Oo, ɔlɛma-sanko sa sinu,

afɔ wɔ ninanlofo ni;

sa onu, faayiisa kudu ku suoto lɛyɔɔ,

afɔ wɔ koolofo ditanu ni;

diekye okyolopo ɔsanko nwu babi kamapɔ

manlenkee nnwɔ ninkpe ni kɔsa,"

SAATE nwu niebuɛ.

10 Nnya suoto lɛyɔɔ osie kanya di SAATE nwu kamɛ;

ɔkla nii mpɔ di Yaa nii kamɛ.

Diekye ɛɛyɔ didiki abula eenyukũsa mi

ɛɛyɔ kafɔɔ ɔsaabla tinini awu wua eekpee mi,

fɛ mmle di ɔkafɔɔsa mbla ni disi nɔɔ klekle fɛle oletatɛ,

fɛ mmle kafɔɔ di ɔkafɔɔ nklɛɛ ni suoto nɔɔ ku anyɛnɛ.

3 Ɔsɔfɔ lɛfɔ kamate fɛle kole-woso ko nintika ni abi

di leyo lɛfɔ kamɛ;

babisuɔtɔbi lɛfɔ kamate fɛle nnɔnyi kowoso afata sɛnya yeleyele

mammana opunu lɛfɔ mankyi.