Nehemia 7

1 Baaloo ni oyoyiɛ nwu ose letofo, lakpee ni akloo kafɔɔ di aba ninya yi, ni baadiki n-yoko banyuntɛ ku sinu basantɛ ku Lewi batii nɛ. 2 Layɔ obiloo-suɔtɔbi Hanani ku Hanania niale ni okpoo katanikokɔ bakpɛtɛ kanyayilatɛ nwu lase di Yerusalem kanya. Diekye aale osuɔtɔ wɔ niawɛ ni onukwale an-yɛkɛ ni Yaa kafɔɔ anlenkee ni batii kpinwu. 3 Ni latɔkɔ ma nlɛ, "Bitanta baasɛkɛtɛ Yerusalem n-yoko nwu dilaase di obe wɔ di kufĩ kamabe nii. Di obe wɔ di n-yoko banyuntɛ lekple bakpe ni di ɔkpɛ kamɛ, biɛta ma basɛɛ n-yoko nwu, baakpee mi abɔsaa. Bidiki kafɔɔ batii ba ninsi ni di Yerusalem fɛ banyuntɛ, bawo bawɛ di sɛkpɛ lɛma kamɛ di bawo kafɔɔ bawɛ di ayo lɛma amu ɔlɔɔkɔ."

Batii Ba Niakye Sɛlanle Kamɛ Baawa Ni Ayooto

4 Okpoo kplɛ nwu nfɛ lamuɔ, sebo late kafɔɔ, kafɔɔ batii kafui niawɛ nwu kaamɛ, di obe wɔ manadise ni ayo nwu letofo. 5 Nioso Yaa nii layɔ ni aakpee mi di otu kamɛ alɛ nsiisa banɔɔfotii-kplɛ, banɔɔfotii ku batii ba ninaa ni n-yilakɔ nta ayooto ɔkpana di ayo lɛma kanya. Lanya batii kasale ba niakye sɛlanle kamɛ baawa ni ayooto kukũ nwu. Nnya nle lanya baakpana ni kaamɛ:

6 Nnya nsɔ be batii niakye ni sɛlanle kamɛ baawa ni, mba niale ni balanle di Babel ɔka Nebukadnesar lakpaa aasifiko ni sɛlanle kamɛ (baapɛ baakplɛ baawa ni Yerusalem ku Yuda, obiala lasifi okpoo nɔɔ omu, 7 baawa ku Serubabel, Yesua, Nehemia, Asaria, Raamia, Nahamani, Mordekai, Bilsan, Misperet, Bigwai, Nehum ku Baana):

Israel basuɔtɔ ayooto ninle mba nɛ:

8 Paros banantii nkpe nnyɔ kɔlafa afosi- akuɛnsĩ-banyɔ

   9 Sefatia banantii alafa atiɛ afosi- akuɛnsĩ-banyɔ

   10 Ara banantii alafa akuɔ afosi-anɔɔ-banyɔ

   11 Pahat-Moab banantii (kuofe ni di Yesua ku Yoab kɔna suoto) nkpe nnyɔ alafa-anɛ-lefosi-banɛ

   12 Elam banantii kakpe alafa anyɔ-afosi-anɔɔ-bana

   13 Satu banantii alafa anɛ afosi-ana-banɔɔ

   14 Sakai banantii alafa akuɛnsĩ-afosi-akuɔ

   15 Binui banantii alafa akuɔ-afosi ana-banɛ

   16 Bebai banantii alafa akuɔ-afosi anyɔ-banɛ

   17 Asgad banantii nkpe nnyɔ-alafa-atiɛ-afosi anyɔ-banyɔ

   18 Adonikam banantii alafa akuɔ-afosi-akuɔ-bakuɛnsĩ

   19 Bigwai banantii nkpe nnyɔ afosi-akuɔ-bakuɛnsĩ

   20 Adin banantii alafa akuɔ afosi- anɔɔ-banɔɔ

   21 Ater banantii (kuofe ni di Hesekia kɔna suoto) afosi-anaasĩ-banɛ

   22 Hasum banantii alafa atiɛ afosi-anyɔ-banɛ

   23 Besai banantii alafa atiɛ afosi-anyɔ-bana

   24 Harif banantii kɔlafa lefosi-banyɔ

   25 Gibeon banantii afosi anaasĩ-banɔɔ

26 Betlehem ku Netofa basuɔtɔ kɔlafa afosi-anɛ-banɛ

   27 Anatot basuɔtɔ kɔlafa afosi-anyɔ-banɛ

   28 Bet Asmawet basuɔtɔ afosi ana-banyɔ

   29 Kiriat Yearim, Kefira ku Beerot basuɔtɔ alafa akuɛnsĩ-afosi- ana-batiɛ

   30 Rama ku Geba basuɔtɔ alafa akuɔ-afosi- anyɔ-onwii

   31 Mikmas basuɔtɔ kɔlafa afosi-anyɔ-banyɔ

   32 Betel ku Ai basuɔtɔ kɔlafa afosi-anyɔ-batiɛ

   33 Nebo bamba basuɔtɔ afosi-anɔɔ-banyɔ

   34 Elam bamba basuɔtɔ kakpe alafa-anyɔ- afosi-anɔɔ-bana

   35 Harim basuɔtɔ alafa atiɛ-afosi-anyɔ

   36 Yeriko basuɔtɔ alafa atiɛ-afosi-ana-banɔɔ

   37 Lod, Hadid ku Ono basuɔtɔ alafa akuɛnsĩ-afosi-anyɔ-onwii

   38 Senaa basuɔtɔ nkpe ntiɛ alafa-anaasĩ-afosi-atiɛ

39 Olebatatɛ:

Yedaia banantii (kuofe ni di Yesua kɔna suoto) alafa anaasĩ-afosi-akuɛnsĩ-batiɛ

   40 Imer banantii kakpe afosi-anɔɔ-banyɔ

   41 Pashu banantii kakpe alafa anyɔ-afosi ana-bakuɛnsĩ

   42 Harim banantii kakpe lefosi-bakuɛnsĩ

43 Lewi batii:

Yesua banantii (kuafe ni di Kadmiel kuafe ni di Hodewa kɔna suoto) afosi-akuɛnsĩ-bana

44 Sinu basantɛ:

Asaf banantii kɔlafa afosi-ana-banɛ

45 N-yoko banyuntɛ:

Salum, Ater, Talmon, Akub, Hatita ku Sobai

   banantii kɔlafa afosi-atiɛ-banɛ

46 Olekatakɔ nwu bakpɛmblatɛ:

Siha banantii, Hasufa banantii,Tabaot banantii,

   47 Keros banantii, Sia banantii, Padon banantii,

   48 Lebana banantii, Hagaba banantii, Salmai banantii,

   49 Hanan banantii, Gidel banantii, Gahar banantii,

   50 Reaia banantii, Resin banantii, Nekoda banantii,

   51 Gasam banantii, Usa banantii, Pasea banantii,

   52 Besai banantii, Meunim banantii, Nefusesim banantii,

   53 Bakbuk banantii, Hakufa banantii, Harhu banantii,

   54 Baslit banantii, Mehida banantii, Harsa banantii,

   55 Barkos banantii, Sisera banantii, Tema banantii,

   56 Nesiah ku Hatifa banantii

57 Solomon bakpɛmblatɛ banantii:

Sotai banantii, Soferet banantii,

   Sotai banantii, Perida banantii,

   58 Yala, Darkon, Gidel,

   59 Sefatia banantii, Hatil banantii,

   Pokeret-Hasebaim banantii ku Amon banantii

60 Olekatakɔ bakpɛmblatɛ ku Solomon bakpɛmblatɛ banantii alafa atiɛ afosi-anaasĩ-banyɔ

61 Mba mmle niakata baakye Tel Mela, Tel Harsa, Kerub, Adon ku Imer sekpoo baawa nɛ, kafɔɔ batafuo otuo alɛ ana lɛma lakye Israel:

62 Delaia banantii, Tobia banantii

   ku Nekoda banantii alafa akuɔ-afosi-ana-banyɔ

63 Ku mba niakye ni olebatatɛ kamɛ:

Hobaia banantii, Hakos banantii

   ku Barsilai banantii (osuɔtɔ wɔ niayɔ ni Barsilai obisankobi Gilead otii nwu baatɔɔlɛɛ nwɔ ni ku leyooto nwu).

64 Batii ba mmle lawolaa ayooto lɛma di leyo lɛma akũ kamɛ, kafɔɔ batanya nya, nioso baadiki ma di olebatatɛ sɛsaabla kamɛ, fɛ batii ba ninanklekle nii. 65 Nioso, Abaa kanyayilatɛ latɔkɔ ma alɛ batanle alesaa ya nieklekle alenke ni kuninwii dilaase di obe wɔ baawɛ ni oletatɛ wɔ niatɔɔta ni ole ku Urim ku Tumim*2.63nnya niale asaa anyɔ ya di olebatatɛ layɔ baatoowolaa ni Yaa dibiesaa kamɛ nɛ.

66 Dikudi nwu nimmuu lɛpɔ labla batii nkpe afosi-ana-nkpe-nnyɔ, alafa-atiɛ-afosi-akuɔ, 67 di bakpɛmblatɛ-suɔtɔ ku bakpɛmblatɛ-sanko lɛma nkpe nkuɛnsĩ, alafa-atiɛ-afosi-atiɛ-bakuɛnsĩ diɛkyakaa ni nɛ; ni baawɛ sinu basantɛ basuɔtɔ ku basanko alafa anyɔ-afosi-ana-banɔɔ kafɔɔ nɛ. 68 Baawɛ bapɔnkɔ alafa akuɛnsĩ afosi-atiɛ-bakuɔ, babɔkɛɛ ba ninte ni fɛle bapɔnkɔ alafa anyɔ-afosi-ana-banɔɔ, 69 babɔkɛɛ ba nintuka ni atoo alafa ana-afosi-atiɛ-banɔɔ ku kapu bapɔnkɔ nkpe nkuɔ alafa-akuɛnsĩ-afosi-anyɔ.

Otu Fãa Atasaa

70 Ayo kamɛ banɔɔfo bawo kafɔɔ lakyakaako di ɔkpɛ nwu kamɛ. Abaa kanyayilatɛ nwu lata koto katɛkɔ nwu koto sɛɛle bakilo banɛ ku ɔfã, abɛɛsibii afosi-anɔɔ ku akpeele alafa-anɔɔ-afosi-atiɛ ɛɛta ni olebatatɛ. 71 Ayo kamɛ banɔɔfo bawo lata koto katɛkɔ nwu koto sɛɛle bakilo kɔlafa afosi-akuɛnsĩ ku koto fututu bakilo kakpe alafa-ana-afosi-akuɔ. 72 Batii bule kafɔɔ n-ya baata ni labla koto sɛɛle bakilo kɔlafa afosi-akuɛnsĩ, koto fututu bakilo kakpe alafa-atiɛ-afosi-atiɛ ku akpeele afosi-akuɔ-akuɛnsĩ ɛɛta ni olebatatɛ.

73 Olebatatɛ, Lewi batii, n-yoko banyuntɛ, sinu basantɛ ku olekatakɔ bakpɛmblatɛ, di batii bawo ku Israel batii bule lakyakaa ni lasiɛ di mma bamu sekpoo lɛma kamɛ.

Esra Laka Kufiofa Nwu

Di Yuda batii kɔwɛntɛ kuɛnsinle lawa ni yi, Israel batii nfɛ nsi ni di sekpoo lɛma kamɛ.