1 Batii ba niakpee ni kɔnɛɛ di kukũ nwu kamɛ niale:

Abaa ɔnɔɔfo Nehemia, niale ni Hakalia obisuɔtɔbi.

Sedekia, 2 Seraia, Asaria, Yeremia,

3 Pashur, Amaria, Malkiya,

4 Hatus, Sebania, Maluk,

5 Harim, Meremot, Obadia,

6 Daniel, Gineton, Baruk,

7 Mesulam, Abigya, Miyamin,

8 Maasia, Bilgai ku Semaia.

Mba mmle niale olebatatɛ nɛ.

9 Lewi batii niale:

Asania obisuɔtɔbi Yesua, Binui niakye ni Henadad babisuɔtɔbi kamɛ, Kadmiel,

10 ku bakpɛmblatɛ wo lɛma: Sebania,

Hodia, Kelita, Pelaia, Hanan,

11 Mika, Rehob, Hasabia,

12 Sakur, Serebia, Sebania,

13 Hodia, Bani ku Beninu.

14 Batii nwu batunlentɛ niale:

Paros, Pahat-Moab, Elam, Satu, Bani,

15 Buni, Asgad, Bebai,

16 Adonigya, Bigwai, Adin,

17 Ater, Hesekia, Asur,

18 Hodia, Hasum, Besai,

19 Harif, Anatot, Nebai,

20 Magpias, Mesulam, Hesir,

21 Mesesabel, Sadok, Yadua,

22 Pelatia, Hanan, Anaia,

23 Hosea, Hanania, Hasub,

24 Halohes, Pilha, Sobek,

25 Rehum, Hasabna, Maaseia,

26 Ahiya, Hanan, Anan,

27 Maluk, Harim ku Baana.

28 "Batii nwu bule- olebatatɛ, Lewi batii, n-yoko banyuntɛ, sinu basantɛ, olekatakɔ bakpɛmblatɛ ku bafɔɔ ba bamuu niablasa ni suoto lɛma di mba ninsi bakaako ma ni ta Yaa Kufiofa nwu oso, ku basɔfɔ lɛma ku babisuɔtɔbi ku babisankobi lɛma bamuu ba niafuo ni kasɔ onu- 29 mba mmle bamuu nfɛ lakyakaa di babilɛma-suɔtɔbi banɔɔfotii nwu suoto, ni baakpaani suoto lɛma ku ntam ɔka alɛ babatikanko Yaa Kufiofa nwu aata aafenko ni di Yaa kpɛmblatɛ Mose suoto alɛ babalolaa SAATE nwu, Saate loo afiofa, sɛsaabla ku sisuku nɔɔ simuu mantikanko nwaa.

30 "Buɔka ntam bulɛ bulɔbayɔ babisankobi loo buta batii ba niɛmana wo beekyi ni bayɔ ee bukaalɛ babisankobi lɛma buta babisuɔtɔbi loo bayɔ.

31 "Nse batii ba ninsi bakaako wo ni lɛwako asunsũsaa ee afe lɛma asaa alɛ bɔɔbasunsũ di Lenyɛɛtɛyi yi, bulɔbaya buta ma di Lɛnyɛɛtɛyi nwu ee di dii klekle kuninwii suoto. Di lɛlɛɛ kuɛnsinle biala kamɛ yi, bulɔbakpɛ kasɔ nwu, bubayɔ kafɔɔ ato ya amuu basiko ni munkyɛ.

32 "Buɔyɔ buotika di suoto bulɛ bubayɔ nwu ole mumbla di kufiofa nwu suoto alɛ buata koto fututu lɛba tiɛfa di lefosi kamɛ di lɛlɛɛ biala diɛta ni Yaa loo leyo ɔkpɛ ɔbla: 33 diɛta ni bloblo wɔ mantika ni di opunu suoto; diɛta ni dii biala alesaa asaaɔta ku ofiɛ asaaɔta; diɛta ni asaaɔta di Anyɛɛtɛyi, Kɔwɛntɛ Fɔle ayi ole ku ayi ya beediki bɛɛta ni ayi ole; diɛta ni asaaɔta klekle, diɛta ni okpile asaaɔta baabla ni lekoto otikiti di Israel disi; diɛta ni Yaa loo leyo sɛsaabla se simuu.

34 "Awo- olebatatɛ, Lewi batii ku batii nwu- butoowii atrebi buotofo obe wɔ di ayo loo kamɛ biala batii kawako ni lɛsaa di Yaa loo leyo di obe wɔ bɛɛtɛ ni di lɛlɛɛ biala kamɛ alɛ buakũ ni ntɔɔni munta ni ɔtɔ okutaa di SAATE Yaa loo oleɔta akyikye suoto, fɛ mmle bɛɛkpana ni di Kufiofa nwu kamɛ.

35 "Awo kafɔɔ buɔyɔ buotika di suoto bulɛ di lɛlɛɛ biala kamɛ bubatɔɔwako afe loo alesaa kasale ku kowoso biala lewosobi di SAATE loo leyo.

36 "Fɛ mmle kafɔɔ bɛɛkpana ni di Kufiofa kamɛ yi, bubayɔ babisuɔtɔbi loo ku babɔkɛɛ sele loo kasale munwako olebatatɛ ba nikɔbla ni kasumu ɔkpɛ di Yaa loo leyo ninfa.

37 "Diɛkyakaa nii, bubawako kasɔ loo alesaa kasale, atitabi loo asaaɔta, awoso loo awosobi amuu ku nta fɔle loo ku nnɔnyi mumatɛ di Yaa loo leyo asaa ntɛkɔ munta olebatatɛ. Bubayɔ kafɔɔ alesaa loo dikyuu fosile munwako Lewi batii, diekye Lewi batii ninfũ akyuu fosile di sekpoo se simuu mumbla ni ɔkpɛ. 38 Oletatɛ wɔ niekye ni Aron kɔna kamɛ akyakaa di Lewi batii suoto nse boofũ akyuu fosile nwu, Lewi batii kafɔɔ bayɔ lefosile di akyuu fosile nwu kamɛ bakatako bawako Yaa loo leyo, babatɛ di koto katɛkɔ asaa ntɛkɔ. 39 Israel batii, di Lewi batii nkyakaa nii, bayɔ alesaa, nta fɔle ku nnɔnyi lɛma ya beekũ ni bawako di asaa ntɛkɔ di nfũ mantɛ ni kakleklekɔ nwu anwansaa ku nfũ di olebatatɛ ba nimbla ni kasumu ɔkpɛ, n-yoko banyuntɛ ku sinu basantɛ nsiɛ ni.

"Bulɔbadiɛ Yaa loo leyo butɛ."