Casamento

18 Reve Mogono ma̱ A̱sulazuva ma damma, <<U ri ulobonu vuma’a u da̱nu a̱yi a̱ nde’en shi. N ta yuwaan yi kambi na vaa ntsaa yi.>>

21 Ɗaɗa Mogono ma̱ A̱sulazuva ma zuwai vuma’a u lantsai kwin. A̱yi a̱tsuma̱ a nlavu, a̱vu u tara eetele a̱ ta̱ a makambu ma vuma’a, a̱vu u to uba̱ta̱’a̱ na̱ nama. 22 A̱vu u yuwan ka na̱ makambu ma na wu uta̱yi a vuma’a, a̱vu u ta̱wa̱a̱ yi na̱ yi.

23 A̱vu vuma’a u damma, <<A̱ tyo o ukosu, apa eetele a na a tarai e etele a̱ va̱, na̱ lipu na a tarai a̱ lipu va. E te ɗe yi <Ka> o una̱ u na a tara niyi a̱tsuma̱ a vali.>>* 24 Adama o ndolo a ɗa vali aa lyawa dada na̱ mma va̱ yi, reve u suraa ka va̱ yi, ele ra oo o’wo ili i ta̱.

24 Adama o ndolo a ɗa vali aa lyawa dada na̱ mma va̱ yi, reve u suraa ka va̱ yi, ele ra oo o’wo ili i ta̱.

25 Vali na̱ ka ele ra ataɓu a ɗa a̱ da̱na̱i, agba a uwwa wono shi.

24 Adama o ndolo a ɗa vali aa lyawa dada na̱ mma va̱ yi, reve u suraa ka va̱ yi, ele ra oo o’wo ili i ta̱.

22 A̱vu u yuwan ka na̱ makambu ma na wu uta̱yi a vuma’a, a̱vu u ta̱wa̱a̱ yi na̱ yi.

23 A̱vu vuma’a u damma, <<A̱ tyo o ukosu, apa eetele a na a tarai e etele a̱ va̱, na̱ lipu na a tarai a̱ lipu va. E te ɗe yi <Ka> o una̱ u na a tara niyi a̱tsuma̱ a vali.>>* 24 Adama o ndolo a ɗa vali aa lyawa dada na̱ mma va̱ yi, reve u suraa ka va̱ yi, ele ra oo o’wo ili i ta̱.

26 A̱vu A̱sula̱ a damma, <<Lyawa tsu yuwan vuma oroci a̱ tsu, o o’wo ngono e ekere a mugula, ni ili i na i ri pe a̱tsuma̱ a mala na̱ nnunu ma zuva, ni inama yu u’wa, ni ili i na i ri wuma a̱tsuma̱ o uvaɗi, ni ili i na i ri e ika̱ta̱pu e iɗa.>> 27 Oroci a̱ A̱sula̱ a ɗa A̱sula̱ a yuwain vuma. Vali na̱ ka ɗa u yuwan nle. 28 A̱vu A̱sula̱ a zuwaa le aba’un, u damma, <<I matsan a̱bunda̱, i shiton uvaɗi.>> U zuwa le ta̱ a yuwan tsugbain tse ili i na u yuwain: mugula na̱ nnunu, ni ili i na i tsu wala e iɗa suru.

Ka̱yinu na̱ Habila

1 Reve Ada̱mu reve ka va̱ yi Hawa, a̱vu u yuwan a̱a̱tsuma̱, a̱vu u matsan Ka̱yinu* ana, <<Ni ikambi ya̱ A̱sulazuva a ɗa n tsura̱i ulobo.>>

Limatan va Ada̱mu

25 Reve Ada̱mu revishe ka va̱ yi, a̱vu u matsan ulobo, a̱vu Hawa ca yi aala Shitu,* adansa, <<A̱sula̱ a ca mu ta̱ mawun o una̱ wa Habila za na Ka̱yinu unai.>>

14 <<She vu yuwan tsipere wan.

17 <<She vu zuwa esu a̱ wu o u’wa, ko a ka va̱ yi wan, ko a aagbashi a vali ko a aagbashi a ka a̱ yi, ko e inan, ko o nloli, ko e ili i ta̱ i moron ma̱ nden ma̱ wu wan.>>

15 Ashe, A̱sulazuva a ɗa a zuwa nɗu yo o’wo lipu ta̱ na̱ ruhu ta̱ shi? Nye i zuwai A̱sula̱ a yuwain ne? U ta zama adama muwun ntsu n da̱na̱ na̱ cu’un wuma wa̱ yi. Adama o ndolo gba, she yi idana aciya̱ɗu, she za a̱ a̱tsuma̱ a̱ ɗu kuɗa̱ da̱na̱ nu ulambu wa̱ a̱ɓula̱ e ekere a ka tsulobo tsa̱ yi wan. 16 <<Adama a na n 'yuwan ta̱ wukasu u lolo,>> ne ɗa A̱sulazuva a̱ A̱sula̱ a Isra’ila a dammai. <<Agba n ta 'yuwusan ili i nda cine n 'yuwain u’ya̱susa̱n wu ugɓozu. Adama o ndolo she yi idana aciya̱ɗu, adama ta̱wa̱ yo o’wo a̱za̱ o ulambu wa̱ a̱ɓula̱ wan.>> Ne ɗa A̱sulazuva o oɓolo a̱ a̱soja a zuva a dammai.

5 <<Vuma na yuwain lolo usa’avu, she i lyungu yi uvon wan ko i ca yi ulinga u ro wan. U ta̱ da̱na̱ fa̱a̱n wi isawan o u’wa hali aa’wan a̱ ta̱ adama u yo’onoto ka va̱ yi okolo.

Wila̱ u wukasu u lolo

1 <<Na̱ vuma zuwa ka reve u ta̱wa̱ wu uwwisa uyo’o wa̱ yi shi adama a na u cina yi ta̱ ni ili i na i lobono niyi shi, a̱vu u ɗanaa yi aatagada a wukasu u lolo, a̱vu u ca yi adama u lyawaa yi u’wa.✝

Wila̱ a aci a̱ tsipere

13 <<A mantsa ma na vali zuwai ka a̱vu u von na̱ a̱yi, agba u ciga yi waru shi, 14 a̱vu u da̱na̱ a yuwusan adanshi e epen a aci a̱ yi, a̱vu u lungusa̱ ala a̱ yi, a dansa, <N zuwa ta̱ ka nda, a mantsa ma na n voyin na̱ a̱yi, agba n tsura̱ ta̱ iroci i na u revei ɗe vali.> 15 A̱vu dada na̱ mma vu usheli’i a̱ ta̱wa̱ ni iroci i na yoo roco a na koto u shi u revei vali shi uba̱ta̱ wu mbara o una̱ntsutsu u lyuci. 16 A̱vu dada vu usheli’i u damma mbara’a, <N ca ta̱ vuma nda usheli u va̱ lolo, agba u 'yuwan yi ta̱.> 17 Agba gogo u lyungusa̱ yi ta̱ ala, u damma, <N cina usheli u ɗu a na koto u revei vali shi.> Amma n ta̱ ni iroci i na moo roco usheli u va̱ koto u reve vali shi. Adama o ndolo a̱vu nan dada vu usheli’i a̱ ba̱ruwa̱ umuna wi iroci’i elime a mbara n lyuci’i.

8 She vu von na̱ ka va dada va̱ wu wan, ili i ndolo i ta zuwa dada va̱ wu o’wo ili yi izo’oshi.

20 She vu von na̱ ka moron ma̱ nden ma̱ wu, a̱vu vu lungusa̱ aciya̱wu na̱ a̱yi wan.

10 <<Na̱ vuma yuwan tsipere na̱ ka moron ma̱ nden ma̱ yi, ele ra na a yuwain tsipere’e a ciga a 'yuwan o una le. 13 Na̱ vuma von na̱ za va̱ yi vali cine a̱ tsu von na̱ ka, ele ra a yuwan ta̱ ili yi idaba. Na a ciga a 'yuwan o una le, ume wu mpasa n le n ta̱ da̱na̱ a aci e le.

7 She a zuwa ka na lungusa̱i aciya̱yi na̱ tsushakala wan. Ne ɗa waru a zuwa ka na kakasai na̱ vali va̱ yi wan, adama a nan ganu ama a akiza a ɗa e ekere a̱ A̱sula̱ e le.

13 U zuwa ka na koto revei vali shi. 14 Waa zuwa ka na vali va̱ yi kuwa̱i ko ka na kakasai na̱ vali va̱ yi ko ka na lungusa̱i aciya̱yi a tsushakala shi. Agba u zuwa ka diga a̱tsuma̱ a ama a̱ yi za na koto revei vali shi,

6 Vu zuwa mu tsu urotsu o okolo a̱ wu,

tsu urotsu o ukere wa̱ wu,

adama a na icigi i ta̱ nu ucira tsu ukwisa̱,

na̱ tsushu’un tsu usuɗuwu tsa aason.

U tsu dala ta̱ tsa akina,

u tsu kula̱ ta̱ tsa akina a madala nu ucira.

7 Mini ma̱ a̱bunda̱ maa gura kimusa̱ icigi shi,

ko ɗolu gura pura̱ yi shi.

Ko na̱ vuma ca utsuru wu u’wa wa̱ yi suru,

adama e icigi,

o to zo’oso yi nu ulamu.

Esheli’i a yuwan ta̱ adanshi

7 Mini ma̱ a̱bunda̱ maa gura kimusa̱ icigi shi,

ko ɗolu gura pura̱ yi shi.

Ko na̱ vuma ca utsuru wu u’wa wa̱ yi suru,

adama e icigi,

o to zo’oso yi nu ulamu.

Esheli’i a yuwan ta̱ adanshi

7 Vu tu ulobonu macigata ma̱ va̱,

ko ili i ka̱la̱ma̱ wu shi.

5 Maani ma̱ wu ma̱ ta̱ tsa̱ nre’on n re,

tsa̱ mpishe n mere’on

nna n ri a alyuna a̱tsuma̱ a̱ yipa̱lu.

9 Vu reme ta̱ okolo a̱ va̱ vawun va̱, kasa’avu va̱,

na̱ a̱ka̱nla̱ e esu a̱ wu uta̱,

vu reme ta̱ okolo a̱ va̱.

Ni iliyinlu i ta̱ ya̱ wu,

vu reme ta̱ okolo a̱ va̱.

6 Ukere wu ugula̱ wa̱ yi u ta̱ za̱la̱ va a aaci a̱ va̱,

ukere u sa’ani wa̱ yi waru u katala mu ta̱!

2 Lyawa vu co’omo mu nu una̱ wa̱ wu,

adama a na icigi ya̱ wu i la’a ta̱ masayan ma inabi uyo’o.

9 Vu uwwa uyo’o u wuma wa̱ wu na̱ ka na vu ucigai, a̱tsuma̱ rana ve pere na A̱sula̱ a ca nuwu a̱tsuma̱ a wuma wu uvaɗi u nda suru, adama a na mawwa mo uyo’o u nda, a̱ yi ɗa goon iliyinkapa ya̱ wu yu ulinga u na vu yuwain a̱tsuma̱ o uvaɗi u nda.

9 Vu uwwa uyo’o u wuma wa̱ wu na̱ ka na vu ucigai, a̱tsuma̱ rana ve pere na A̱sula̱ a ca nuwu a̱tsuma̱ a wuma wu uvaɗi u nda suru, adama a na mawwa mo uyo’o u nda, a̱ yi ɗa goon iliyinkapa ya̱ wu yu ulinga u na vu yuwain a̱tsuma̱ o uvaɗi u nda.

9 Ama e re a la’a ta̱ vuma ta̱,

adama na ulinga wa ama e re

u tsu la’a ta̱ ulinga u vuma ta̱.

10 Adama a na nna̱ vuma ta̱ riya̱,

za ve ire’e u ta kamba za va̱ yi u 'ya̱sa̱n yi.

Amma a̱tsuma̱lima̱ a ta cina za na ri a̱ nden e nde’en,

nnu u riya̱ babu za na aa kamba yi u ya̱sa̱n yi.

11 Nna̱ waru ama e re a̱ ri nven uba̱ta̱ ta̱ oɓolo,

a̱tsu uwwa ta̱ sheshen,

amma cine vuma ta̱ a uwwa sheshen

a̱yi e nde’en?

12 A ta gura lyuwa a aci a vuma ta̱,

amma ama e re a̱ ta̱ tsura̱ u lyuwu wa a aci.

Amunga a̱ ta̱ a na a ɗavai na amunga ata’atsu

u tsu da̱na̱ ta̱ usa̱n u na aa kasa yi go’o.

14 Reve A̱sulazuva a damma,

i vadala a̱ɗu ama o ulambu wa̱ a̱ɓula̱,

adama a na a̱mu ɗa vali ɗu.

N ta tara ɗu a̱za̱ ta̱ ta̱

diga a̱tsuma̱ e ilyuci i ɗu

ne ejere re diga a̱tsuma̱ o gundo ɗu

reve n ta̱wa̱to ɗu Sihiyona.>>

2 Ikaka yu ufaru u na A̱sulazuva a dammai Hosiya a̱ yi ɗa, <<'Ya̱wa̱, vu taraa aciya̱wu ka na aa yuwusan tsushakala adama vu matsan muwun tsipere, adama a na iɗa’a i ta yuwusan tsipere lon, a na u lyawai tsutoni na̱ A̱sula̱.>>

2 <<I ɓara mma ɗu,

i ɓara yi,

adama a na ka va̱ ɗa u ri shi,

a̱mu waru vali va̱ yi ɗa n ri shi.

Pati niyi u lyawa wutu tsa aashakala,

waru wu kasa na aza na oo kpukpokuso yi maani.

36 Apa ili i na A̱sulazuva Zagbain dammai, adama a na vu kpa̱tu’wa̱i ataɓu a̱ wu e ekere a za na vu cigai a̱tsuma̱ a tsushakala tsa̱ra̱ u von na̱ a̱vu. Adama a̱ a̱ma̱li e idaba a̱ wu na adama a na vu ca nle mpasa m muwun ma̱ wu, 37 o una̱ u ndolo n to ɓoloto aza a na a ciga nuwu suru, aza a na vaa uwwusa uyo’o, aza a na vu cigai na aza a na vu 'yuwain. N to ɓoloto le adama a 'yuwan wu uba̱ta̱ suru, waru n ta̱ kpa̱tu’wa̱a̱ le lipu va̱ wu tsa̱ra̱ e ene ataɓu a̱ wu.

17 Agba reve A̱sulazuva o foro Firi’awuna nu u’wa wa̱ yi na̱ mɓa̱la̱ n wuya adama a Saraya ka va Aburam. 18 Ɗaɗa Firi’awuna ɗeyi Aburam, reve u damma, <<Nye i zuwai vu yuwan numu ne tsunda? Nye i zuwai vu damma numu a̱yi ka va̱ wu ɗa shi?

Hajara na̱ Isma’ila

1 Agba Saraya ka va Aburam koto u shi u matsaan yi mawun shi, agba u ta̱ na aagbashi o usheli wa Masar, aala a̱ yi a ɗa Hajara. 2 A̱vu Saraya damma vali va̱ yi Aburam, <<A̱sulazuva a ɗa nda a putsa numu na̱ limatan. Nye yaa putsa wu, vu von na aagbashi o usheli a̱ va̱? Ko u ta̱ tsura̱a̱ mu muwun.>> A̱vu Aburam usu adanshi a na ka va̱ yi Saraya dammai. 3 A mantsa mo ndolo, Aburam da̱na̱ ta̱ na a’wan kupa ana u da̱nuyi e iɗa ya Ka’ana. Yashi i ɗaɗa Saraya ka va Aburam tarai Hajara usheli wa Masar, aagbashi a̱ yi, reve u ca Aburam vali va̱ yi, wo o’wo ka va̱ yi.

10 Reve vuma ta̱ le damma yi <<Amayun n ta̱ lo a̱ ta̱wisa̱ uba̱ta̱ wa̱ wu nkoli a mantsa ma nda waru ka va̱ wu Saratu ta̱ tsura̱ mawun mo ulobo.>> Agba Saratu da̱na̱ ta̱ lo o ucina̱ wa̱ yi a uwwusa ili i na u da̱na̱i a dansa, a̱yi lo zuzu nu una̱ntsu wo oogodoꞌo.

11 Gogo gba Ibrahim na̱ Saratu ka va̱ yi a kutsa ta̱ ɗe a̱bunda̱ lon, Saratu buwa e eneshe a̱shinda̱ shi.

12 A̱vu Saratu zo’oso a̱tsuma̱ o okolo a̱ yi, adansa, <<Ana a̱mu n kutsai ɗe suru suru waru vali va̱ kutsa ta̱ ɗe cine ma̱a̱ tsura̱ uyo’o u limatan?>>

9 Amma Onana reve ta̱ a na muwu’un moo o’wo muwun ma̱ yi shi. A̱yi ɗa i zuwai nu u von na̱ a̱yi, a̱vu wo oco tsali tsa̱ yi a alanga, adama u tsura̱a̱ zakpara va̱ yi limatan wan. 10 Ili i na gba u yuwain u yo’onoto A̱sula̱ okolo shi, reve A̱sula̱ o unai fo.

Limatan va Sulemanu

24 A̱vu Da̱wuda le’eshe Bashaba ka va̱ yi, a̱vu u von na̱ a̱yi. Reve u yuwan a̱tsuma̱ a̱vu u matsaan yi ulobo, reve a ca yi aala Sulemanu. A̱sulazuva a ciga ta̱ mawu’un,

21 Amma Abija da̱shishi ta̱ ucira. A̱vu u zuwa a̱ma̱ci kupa na̱ a̱za̱ a̱ na̱shi, a̱vu a matsayin muwun mo o olobo ushin ne ejere na̱ muwun me esheli kupa na̱ a̱za̱ a̱ ta̱li.

29 <<A̱yi nda a̱yi ɗa wila̱ adama a̱ tsushu’un, na̱ ka yuwan ulambu wa̱ a̱ɓula̱ wo o’woto aciya̱yi idaba a̱yi o lolo. 30 Ko na̱ majiyan ma̱ tsushu’un me reme vali reve u yuwan itamaha yi ka va̱ yi. Ganu ta zuwa ka’a wi isawan a̱ ma̱ka̱ka̱n ma̱ A̱sulazuva, reve ganu’u u yuwan na̱ a̱yi cine wila̱ u nda u dammai suru.

Tsugbain tse elime tsa̱ Sihiyona

1 <<Cana ishipa, a̱vu idari yi ka. Ɓoso ni ishipa na̱ yorori i ma̱za̱nga̱, a̱vu za na koto revei ili i na a̱ tsu ɗe limatan shi. Adama a na muwun mu ka vu ulambu u limatan, a ta yuwan a̱bunda̱ a la’a muwun mu za na ri na̱ vali,>> A̱sulazuva a ɗa a dammai ne.

10 N ta yuwan ma̱za̱nga̱ lon na̱ A̱sulazuva, okolo a̱ va̱ a ta yuwan mere na̱ A̱sula̱ a̱ va̱, adama a na wo oto mu ta̱ a̱tugu e iwawi. Reve wu pala mu nu utugu wu uga’an wa̱ a̱ɓula̱, cine vali vu kasa’avu tsu yuwaan aciya̱yi tsulolobo tsa ganu, waru cine kasa’avu tsu yuwan tsusheli ni iyeɗi ya̱ yi.

3 Ka va̱ wu to o’wo tsa a ataci a̱ inabi

na a matsusan o u’wa wa̱ wu,

muwun ma̱ wu waru tsa ɗanga Zetun

uka̱nda̱ruwu na̱ mapara ma̱ wu.