Compaixão

13 Cine dada tse ene iliyali i mawun ma̱ yi,

ne ɗa A̱sulazuva e enishe iliyali

ya aza a na a uwwusa wovon wa̱ yi.

15 Amma a̱vu, A̱sulazuva, A̱sula̱ a ɗa za vi iliyali ni isa’ani,

vu tsu yuwan upan go’o shi,

za vi icigi ya̱ a̱bunda̱ na amayun.

3 Adama a na icigi ya̱ wu i na i tsu vadala shi

i la’a ta̱ wuma ulobonu,

una̱ u va̱ u ta yuwaan wu ica.

22 Adama e icigi ya̱ A̱sulazuva i na i tsu vadala shi

o soɗu tsu shi,

adama a na isa’ani ya̱ yi i ri na̱ a̱tyo shi.

23 Usa’avu u ɗa a̱ ri usana biti,

a̱ɓula̱ a̱ wu a̱ ta̱ a̱bunda̱.

15 <<Ka ta gura icina na̱ ba̱ba̱ va̱ yi na waa casu maani na wa̱a̱ kuɗa̱ ene iliyali i mawun ma na u matsain? Ko nu u shi aa gura icina, a̱mu maa gura icina na̱ a̱ɗu shi! 16 Uwwai nda, n she’en ta̱ aala a̱ wu a aapata o ukere u va̱, ɓaɓu va̱ wu ta̱ da̱na̱ a̱ ma̱ka̱ka̱n ma̱ va̱ kuci.

18 Suru na̱ ne A̱sulazuva a ta pura u yuwaan ɗu isa’ani, u tu ufoɓu na woo roco ɗu isa’ani. Adama a na A̱sulazuva A̱sula̱ a̱ a̱ɓula̱ a ɗa, za va aba’un a ɗa suru za na puro niyi.>>

18 Zane ɗa A̱sula̱ tsa̱ wu,

na tsu yuwan gafura vu unusu

na̱ matawa mo unusu

va akapi a ama agadu a̱ yi?

Vu tsu guza̱ upan wa̱ wu hali hali shi,

adama a na vu ta uwwusa uyo’o

vu roco icigi i na i tsu vadala shi.

6 <<N ta gbamato u’wa wa Yahuda,

a̱vu n wawa u’wa wa̱ Isuhu.

N ta̱ ka̱mba̱to le

adama a na n te inda iliyali i le.

O to o’wo she damma gashi n shi n 'yuwan le shi,

adama a na a̱mu ɗa A̱sulazuva A̱sula̱ e le,

n ta̱ gba a̱ usu le.

9 <<Apa ili i na A̱sulazuva o oɓolo a̱ a̱soja a zuva a dammai, <I yuwan uge’etosu wa amayun, i rocoloi isa’ani ni iliyali. 10 She i ɓongi ma̱runa̱ ko makpa’an wan na̱ mocin na̱ za vu ulambu wan. She i yuwunlai majiyan me iwuya o okolo a̱ ɗu wan.>