A comunhão

44 Vaga kēy hay tiwag, tō kēy gasēg nahaphap del tiwag. 45 Tō kēy n̄eyeg nēvētan nonoy tiwag mi yatkel haphap se, tō so biyin̄ ige vivitwag bemyōs nonoy. 46 Kēy qultiwag galsi. Vel qōn̄ kēy hay tiwag Litiy Ēm̄ Bolol non Ḡod. Tō kēy gengen tiwag velvel ēm̄. Kēy gengen mi namlaklak, wa kēy dēm bēbēw kēy. 47 Tō kēy ōl liwo Ḡod. Tō ige sil memlaklak hiy kēy. Tō vel qōn̄ Welan nilep van niviwti et se hiy ige a kē so nivaēh kēy.

3 Nage mey a kemem mal et wa moyon̄teg vatag en, kemem vasemlō se van hiy kimi, tō so kimi qultiwag mi kemem, wa gēn qultiwag mi Namam, wa Ēntēn a Tigsas Kraēs.

16 Nitiy tamtam qelegēn; Tigsas Kraēs mōm̄ōk hiy how nēh nonon hiy gēn. Tō gēn se so m̄ōk hiy how nēh nongēn hiy ige yathēthēngēn.

11 Sōwō, hole biyin̄ wa vahiy maymay kimi lokse bēmētwumi a kimi tog tēy tō en.

25 Gēn nitog ukukēg veteg nahayhay tiwag, qele nēmētwun yatkel et, ba hole vey biyin̄ gēn, tō vaqlēh mi nohohole vasusup vaga, veg gēn et van so nōqōn̄ non Kraēs ninognog geh me.

2 Kimi so vēy biyin̄ kimi so yuwu bevel haphap het a wo maqal kimi. Lēdēmdēm qelegōh en, tō kimi tak tatag qēt nele non Kraēs.

10 Bastō, nitiy wē yeh so gēn ak nahaphap mey nēwē so biyin̄ ige del aē, so gēn wo tak vēh. Yakhag yeh veg yathēthēngēn wa yatētētangēn a kēy nēdēmtig Kraēs.