14 <<Gogo ne tsun nda n ta gan na ma̱a̱ kuru ure u na vuma suru o uvaɗi tsu kuru. Agba i reve ta̱ o okolo a̱ ɗu na a wuma u ɗu suru a na ko ili i ta̱ i riya̱ shi a̱tsuma̱ a nzuwulai n sa’ani n na A̱sulazuva A̱sula̱ a̱ ɗu a yuwaan nɗu suru. Nzuwulai’i suru a shiwan ta̱, ko za ta̱ riya̱ shi.

45 Ko adanshi a̱ ta̱ a̱tsuma̱ a nzuwulai mi sa’ani n na A̱sulazuva a yuwayin u’wa wa Isra’ila a̱ riya̱ e iɗa shi, a shiwan ta̱ suru.

56 <<Ica za va̱ A̱sulazuva a ɗa, za na cayi ama a̱ yi aza a Isra’ila wivuwun cine u yuwain nzuwulai. Ko danshi ta̱ a̱ riya̱ e iɗa shi a̱tsuma̱ a nzuwulai n sa’ani n na u cayi o una̱ wa aagbashi a̱ yi Musa.

19 A̱sula̱ vuma ɗa shi a na waa yuwan epen,

ko vaɗilima̱, a na waa vadala okolo a̱ yi.

Nu u damma u tsu yuwan shi?

Nu u yuwan nzuwulai u tsu shiton shi?

11 Amma ifoɓi ya̱ A̱sulazuva,

a tsi isawan ta̱ hali hali,

na̱ majiyan mo okolo a̱ yi a mantsa suru.

6 'Ya̱sa̱in esu a̱ ɗu zuva, waru i ka̱lyuwa̱ iɗa za̱la̱, zuva ta̱ puwa̱n tsa̱ mikyon, waru iɗa i to kporo tsu utugu, waru aza a na a̱ ri pe na̱ nden a̱ ta̱ kuwa̱ ne. Amma iwawi i va̱ i ta̱ da̱na̱ lo babu ukotu, waru a̱ɓula̱ a̱ va̱ a̱a̱ kuɗa̱ shi.>>

140 A kurato ta̱

nzuwulai ma̱ wu suru,

waru aagbashi a̱ wu

a̱ ta̱ e icigi i le lon.

13 Tsugono tsa̱ wu, tsugono tsa hali hali ɗa,

waru tsugbain tsa̱ wu,

diga mantsa a̱ tyo mantsa mo ro ɗa.

A̱sulazuva za va̱ a̱ɓula̱ a ɗa

a̱tsuma̱ a nzuwulai ma̱ yi suru,

za vi icigi waru e ekere e ili i na u yuwain biti.

14 A̱sulazuva a̱ tsu kamba ta̱,

aza a na a̱ riya̱i suru,

reve u 'ya̱sa̱n,

aza a na suru a̱ ka̱ɗa̱toi.

5 A̱sulazuva a na a̱ ri a̱tsuma̱ a̱ lyuci’i za va̱ a̱ɓula̱ a ɗa,

u tsu yuwan unusu shi.

Usana biti u tsu roco ta̱ a̱ɓula̱ a̱ yi,

usana wa̱ A̱sula̱ suru u tsu ka̱la̱ma̱ shi,

suru na̱ ne za vu ulambu wa̱ a̱ɓula̱ ri na̱ wono shi.

3 Adama a na alavu alavu’u

u ta pura mantsa ma na a zuwai,

u ta yuwusan adanshi o ukosu

waru wo o’wo epen shi.

vu puro yi, ko nu jima,

na amayun u ta̱ ta̱wa̱, waa tara mantsa shi.✝