22 ሽን ጌሻ አያና አይፊ፥ ሲቁዋ፥ ናሸቻ፥ ሳሮተ፥ ዳንዳያ፥ ኬካተ፥ ሎኦተ፥ አማነትያዋ፥ 23 አሽከተ፥ ባረ ሁጲያ ናግያዋ። ሄዋንታ ማላትያዋንታ ድግያ ህጊ ባዋ።

11 አያዉ ጎፐ፥ ጾሳይ አሳ ኡባ አሽያ ባረ አ ኬካተ ቆንጭሴዳ። 12 ሄ አ ኬካተይ ናጋራ ኦሱዋነ ሀ አላምያ አሙዋ ኑን አጋናዳንነ ኑ ሁጲያ ናጊደ፥ ጾሳ ማላቲደ፥ ጽሎተን ደአናዳን፥ ኑና ታማርሴ። 13 ኑን ኑ ዎልቃማ ጾሳይ፥ ኑና አሽያ የሱስ ክርስቶስ ቤታና ጌዳ አንጀቴዳ ቦንቾ ጋላሳ ናጌቶ።

7 አያዉ ጎፐ፥ ጾሳይ ኑዉ ዎልቃ፥ ሲቁዋነ ኑ ሁጲያ ናግያዋ እምያ ጌሻ አያና እሜዳፐ አትን፥ ያሻ አያና እምቤና።

5 ሄዋ ድራዉ፥ ህንተና በስያዋ ኡባ ምን ኦደ፥ ህንተ አማኑዋ ቦላ ሎኦተ፥ ሎኦተ ቦላ ኤራተ፥ 6 ኤራተ ቦላ ህንተና ናግያዋ፥ ህንተና ናግያዋ ቦላ ገንጫ፥ ገንጫ ቦላ ጾሳ ማላትያዋ፥ 7 ጾሳ ማላትያዋ ቦላ እሻተ ሲቁዋ፥ እሻተ ሲቁዋ ቦላ ሲቁዋ ጉጅተ።

32 ዎልቃማ አሳ ግድያዋፐ፥ ሀንቀታናዉ ኤሌለና አሳ ግድያዌ ሎአ፤ ዳሮ ካታማቱዋ ኦሊደ ኦይቂያዋፐ፥ አሳይ ባረ ሁጲያ ሞድያዌ አ።

28 ባረ ሁጲያ ናገና አሳይ ድርሳይ መኤዳ ካታማ ማላ።

11 ቦዛ አሳይ ባረ ሀንቁዋ የድ በሴ፤ ሽን አዳ ኤራ አሳይ ባረ ሀንቁዋ ምቴ።

19 ዳሮ ሃሳያ ግዶን ናጋራይ የና፤ ሽን ባረ ዶና ሺሽ አክያ ኡራይ አዳ ኤራንቻ።

24 ዎን ጾናና ጊደ ዎጽያ ኡባይ እትፐ ዎጼ። ሽን እቱዋ ጻላላይ ዎይታ አክያዋ ኤርክቴ? ሀዋዳን ህንተንቱካ ዎይታ አካናዉ ዎጽተ። 25 ካሳዉ ባረና ጊግስያ ኦንነ ኡባባን ባረና ናጌ። አሳይ ሄዋ ዳቡርያዌ ጾኔዳዎ እመትያ ባይያ ካላቻ ደማናሳ። ሽን ኑን ዳቡርያዌ መናዉ ደእያዋነ ባየና ካላቻ ደማናሳ። 26 ሄዋ ድራዉ፥ ታን ቆፍ ባይናን ዎጽያዋዳን ዎጽከ። ጫርኩዋ ይምፕያ አሳዳንካ ጮ ኦለትከ። 27 ሽን ታን ሀራንቶ ኦዴዳዋፐ ጉይያን፥ ታ ሁጰዉ ዎይታፐ አተና ማላ፥ ታ አሳተ ናገታናዳን ኦይ።

9 ሽን አሙዋን ጉደትያዋፐ አክያዌነ ገልያዌ ሎአ ግድያ ድራዉ፥ ኡንቱንቱ ባረንታ ናጋናዉ ዳንዳያና ዮፐ፥ አክኖነ ገልኖ።

13 ህንተንታ ጋክያ ፓጪ፥ አሳ ኡባ ጋክያ ፓጭያ ማላፐ አትን፥ አይነ ዱማተና። ህንተንቱ ዎልቃይ ዳንዳይያዋፐ አያ ፓጭያን ህንተ ፓጨታናዉ ኮየና ጾሳይ አማነቴዳዋ። ሽን ህንተንታ ፓጪ ጋክያ ዎደ፥ ሄ ፓጭያ እ ህንተንታ ዳንዳይሳና። ቃይ ሄ ፓጭያፐ ህንተንቱ ከስያ ኦግያካ እ እማና።

8 ጻላህያ ካፑ፥ ህንተ ሞርኪ፥ ምትያ ኡራ ኮዪደ፥ ጉድያ ጋሙዋዳን ህንተ ዩሹዋን ዩይያ ድራዉ ናገትተነ ቤጎትተ። 9 ሳኣን ደእያ ህንተ እሻቱ ሄዋዳን ዋየትያዋ ኤሪደ፥ አማኑዋን ምኒደ፥ አናና ኤቀትተ።

7 ኡባባዉካ ዉርሰይ ማታቴዳ። ሄዋ ድራዉ፥ ጾሳ ዎሳናዉ ቆፋን ጌዪደ፥ ህንተና ናግተነ ምንተ።

1 ሄዋ ድራዉ፥ ክርስቶስ ባረ አሹዋን ኑዉ ዋየቴዳ ድራዉ፥ ህንተካ ሄ ቆፋን ዳንጨትተ። አያዉ ጎፐ፥ ባረ አሹዋን ዋየቴዳ ኡራይ ናጋራ ኦያዋ አጌዳ። 2 ሀዋፐ ስንን፥ ሀ ሳኣን ሸምፑዋና ደአናዉ አቴዳ ዎድያን፥ ጾሳይ ኮይያዋዳን ደአናዉ በስያዋፐ አትን፥ አሳ አሙዋዳን ደአናዉ በሰና። 3 አያዉ ጎፐ፥ አማነና አሳይ ኦናዉ ዶስያዋ ህንተ ኦደ፥ ዎሹማናዉ ካጄልያዋን፥ አሙዋን፥ ማዋን፥ የን፥ ኡሻን፥ ፖክያ ኤቃዉ ጎይንያዋን፥ ደኤዳ ካሰ አዳ ዎዲ ህንተንቶ ግዳናዋ። 4 አማነና አሳና ህንተ ሾራይ ባይና ኦሱዋ እትፐ ኦና ድራዉ ማላለቲደ፥ ህንተና ቦሪኖ። 5 ሽን ኡንቱንቱ ፓጻ ደእያ አሳ ቦላነ ሀይቄዳ አሳ ቦላ ፕርዳናዉ ጊግ ኡቴዳ ጾሳዉ ዛሩዋ እማና።

4 ህንተንቱ ሁጲያን ሁጲያን ጌሻተንነ ቦንቹዋን ህንተንቱ ማችያና ዎት ደአነንቶ* ኤራናዉ በሴፐ አትን፥ 5 ጾሳ ኤረና አማነና አሳቱዋዳን፥ ሎይ አሞትያዋን አካናዉ በሰና።

22 ህንተኖ፥

እ ሞድያ ሳኣ ኡባ መታቶ፥

ኡባይካ መና ጎዳ ጋላትተ!

ታ ሸምፓቴ፥ መና ጎዳ ጋላታ!

13 ነ ካዉተይ መና ካዉተ፤

ነ ማታይ የለታ ኡባ ጋካናሳ።

መና ጎዳይ ባረ ጌዳ ቃላዉ ኡባዉ አማነትያዋ፤

እ ባረ ኦሱዋ ኡባን ቃረትያዋ።

13 "ቃይካ ታን ሄ ቃማ ሳጻን፥ አሳ ናኣ ማላትያዌ ሳሉዋ ሻርያና ይያዋ በኣድ። መናፐ ደእያዋኮ ሺቅና፥ ኡንቱንቱ አ አ ስን አድኖ።✝ 14 አዉ ማታይ፥ ቦንቹነ ካዉተይ እመቴዳ። አሳይ ኡባይ፥ ካዉተቱ ኡባይነ ዱማ ዱማ ቃላን ሃሳይያ ዛራቱ ኡባይ አዉ ሞደቴድኖ። አ ማታይ መናዉ ሻረተና ማታ፤ አ ካዉተይ ሙለካ የናዋ።✝

2 "ኡባፐ ቂያ ጾሳይ ታዉ ኦዳ ማላልስያነ ኦራባ ታን ህንተንቶ ኦዳናዉ ኮያይ።

3 "አ ማላታይ ዎት ግቴ!

እ ኦያ ኦራባይ ዎት ምኔ!

አ ካዉተይ መና ካዉተ፤

አ ማታይካ የለታፐ የለታ ጋካናሳ።

6 ናአይ ኑዉ የለቴዳ! አቱማ ናእ ኑዉ እመቴዳ! ካዉተይ አ ሀሽያን ዎና፤ አ ሱንይ፥ "ማላልስያ ዞርያዋ፥ ዎልቃማ ጾሳ፥ መና አዉዋ፥ ሳሮተ ካፑዋ" ጌተታና። 7 አ ካዉተ ዳሩዋዉነ አ ሳሮተዉ ዛዋይ ባዋ፤✝ ሀችፐ ዶሚደ፥ መና ጋካናዉ፥ ሱረ ፕርዳንነ ጽሎተን ምንሳናዉነ ኤሳናዉ ዳዊታ ካተቱዋ አራታንነ አ ካዉተን እ ካተታና፤ ኡባፐ ዎልቃማ መና ጎዳ ምሹ ሄዋ ፖላና።

13 እ ኑና ማ ዎልቃፐ አሺደ፥ ባረ ሲቅያ ናኣ ካዉተኮ ፕንዳ። 14 ቃይ እ ባረ ናኣን ኑና ዎዚደ፥ ኑ ናጋራ አቶ ጌዳ።

19,20 ቃይ አ አማንያ ኑናን አ ዎልቃይ ሎይ ኦ። ሀ ኑናን ደእያ ዎልቃይነ ሀይቁዋፐ ክርስቶሳ ደንደ፥ ሳሉዋ ሳኣን ጾሳፐ ኡሸቻ ባጋና* ኡትሴዳ ዎልቃማ ዎልቃይ እቱዋ።✝ 21 ክርስቶስ ሳሉዋ ሱንቱዋፐ፥ ጎዳተይ ደእያዋንቱፐ፥ ዎልቃማቱዋፐነ ጎዳቱዋ ኡባፐ ቦላ ግዲደ ሞዴ፤ እ ሀእ ደእያ የለታ ጻላላን ግደናን፥ ስንፐ ያና የለታንካ ሀራ ሱንተ ኡባፐ ቄ።

20 አያዉ ጎፐ፥ ኑ ቢታይ ሳሉዋና፤ ኑን ቃይ ሳሉዋፐ ያና ኑና አሽያ ጎዳ የሱስ ክርስቶሳ ናጌቶ። 21 ክርስቶስ ኡባባ ባረፐ ጋርሳን ዎናዉ ዳንዳይያ ባረ ዎልቃን፥ ኑ ዳቡራንቻ አሳተ ላሚደ፥ ባረ ቦንቾ አሳተ ማላትሲደ ኦና።

9 አያዉ ጎፐ፥ ክርስቶስ ሀይቁዋፐ ደንዴዳዋ፥ ቃይ ላኤንዋ እ ሀይቀናዋነ ሀይቁ ስንፐ አ ሞደናዋ ኑን ኤሬቶ።

8 ባረንቱ አሳተዉ ኤኖ ግያዋንቱ ጾሳ ናሸቻናዉ ዳንዳይክኖ።

9 ሽን ጾሳ አያናይ ህንተንቱን ደኦፐ፥ ጌሻ አያናይ ግያዋዳን ደኢታፐ አትን፥ ህንተ አሳተይ ኮይያዋዳን ደእክታ። ሽን ኦንነ ክርስቶሳ አያናይ ባይናዋ ግዶፐ፥ ሄ ኡራይ ክርስቶሳዋ ግደና።

22 አያዉ ጎፐ፥ አሳይ ኡባይ አዳማና እትፐተ መዳ ድራዉ ሀይቄዳዋዳን፥ ክርስቶሳና እትፐተ መዳ ድራዉ፥ ኡባይ ደኦ ደንዳና። 23 ሽን ኡባይካ ባረ ካላን ካላን ደንዳና። ክርስቶስ ኡባፐ ካሰቲደ ደንዴዳ፤ ሄዋፐ ጉይያን፥ ክርስቶሳዋንቱ ክርስቶስ ይያ ዎደ ደንዳና።

24 ሄዋፐ ጉይያን፥ ክርስቶስ ማታ ኡባ፥ ጎዳተ ኡባነ ዎልቃ ኡባ ይሲደ፥ ጾሳዉ ባረ አቦ ካዉተ እምያ ዎደ፥ ዎድያ ዉርሰይ ያናዋ። 25 አያዉ ጎፐ፥ ጾሳይ አ ሞርከቱዋ ኡባ አ ገድያፐ ጋርሳና ዎና ጋካናዉ፥ ክርስቶስ ሞዳናዉ በሴ።✝

2 "ጾሳይ ዎልቃማ ግድያ ድራዉ፥ አሳይ ያዪደ፥ አዉ ሞደቴ። እ ባረ ሳሉዋ ካዉተ ሳሩዋን ናጌ።