10 Ani atinninn welti hedhennen sodaattoxxe!

Ani atike Magenon, alaaltoxxe!

Ani atee jabessannon, gargaarannoni;

jabaxxe anxe hirrenni atee kiphannon.

2 Wodi’iinxe dhi’mo giddii’n saxxinaa wodda

ani ha’nonni welti hedhannon;

Galaani giddi’n me’itina wodda ha’no adhdhabaan;

giira giddii’n saxxinaa wodda ha’no gubbabaan;

bubenjikinna ha’noo midhabaan.

4 Ati ille anxee fiixakenna ulfo kaddettaxxee’e

aninna atee eeyyannaxxee’e

Manna atixxee tukkesse,

ardakanna eeyyennaxxee lubbo atixxee wodannon.

5 Ani ha’noonni welti hedhennaxxee sodattinoqqe’e;

oose atixxanna borotenaa’n iyyedagannon

dhidhimii darrenaa’n bukki assannon.

4 «Mee co’o, sodaattoxxe; shooki ate’n geyabaan;

salphinni ate’n geya gophammxxee mee cuqurto’i;

Dargaggeessumma atixxika shooko deetatto;

aro’o shi’witette woddixxa atixxa yowwema ta’anni edi’a qaabbattabexxo.

1 Duuchchi Woddiki Gootti hiyya’nee qici: «Anee kadhatebaakeri’aa ifi leellishenne;

anee halsebaakeri’aanna insa’ne’aa afemenne;

Summa anka ye’ebaake ardi’a

‹Kunnise ani, kunnise ani› hiyyenne.✝

31 Duuchchi Woddike Gootta’ni addante he’naake’e kinni

haaroonse’ma’ne me’inaan.

Sinbiriinsha keelik ke’naan:

gonginaani gonphabaan

me’inaani shaqqinabaani.

8 Ookkoneechchi uduma Dada duuchchiki Duuchchi Woddiki Gootti «Ayete erganno? Ayete no’aa maraak?» hiyya’naa laqenneni; aninna «Kunse ani! Anee ergi!» hiyyenneni.

9 Martatoba duuchcha’n Duuchchi Woddik Gootti atik Mageni atinni welti hedhaammaxxee mee co’oo jabaati, ti’ni hiyyi, alaltoxxe culphisoxxe» hiyye atee ajajeenabaata?

9 Martatoba duuchcha’n Duuchchi Woddik Gootti atik Mageni atinni welti hedhaammaxxee mee co’oo jabaati, ti’ni hiyyi, alaltoxxe culphisoxxe» hiyye atee ajajeenabaata?

16 Ardikinna «Duuchchi Woddika Gootta waale’e wele dharichcha magenuwwa magenoonfachhco no’onaa’n bayyato ise! 17 Duuchchi Woddik Gootti no’oki Mageni no’o Gibtseke bogixxe garbumanaa’ni fulcheen. Isi asseexxa mambe’iinxa yaane duuchcha uundeennen. Duuchchiinge ardike bogi giddi’n sa’na’n dangano wodda nage’iki no’o heqqeen.

6 Jabaatte, worbe shenumma ha’no’ni hexxowwaali: insa’ne’e soodaattinoqqe, godoba gurtinoqqe: Duuchchi Woddik Gootti atik Mageni atinni welti hedheen: ha’no’o dedhabaan: waalabaan» hiyye.

8 Duuchchi woddiki Gootti umi isingenni atinni wolt hedhe akeekaan: hunabaan: hara waalabaan: tennexxee sodaattoxxe: godoba gurtoxxe» hiyye.✝

31 Yoona tenne yaane’a maa hinanno? Mageni no’onni welti hedhoole ayyete no’o gareera?

15 Soda’ati hexxinaasha haaroba ha’no’o garbake assaaka Hufuura adhitine’ebaan; yaane kinni adhdhitineek Hafuur, «Annayyo» hitina’n yexxinaasha assaake beltumatika Hafuuran.

2 Mitti mitti no’ong mitti manji amanate’n jaaremo’a iso gammachisaxxanna isi’a la’o utaaxxa yaanne assa no’o’a hassissaan.

5 Oosumatanna dayyefachcho uwwaak Magen Kiristoosi Yessusii’i hordofina wodda oddo ha’noxe’n mittumati hexxinaaka mitte yaada ha’no’a uwwo’a.

11 Jabaatinaashsha ha’noo assitaaxxa Hafuuriinxa uwwa ha’no’aa qoodonaa ha’noo uudatee halchaannen. 12 Tenneenna hiyya anxi ani ha’nooxxe amananni, ha’noonna anxe amananni weli weli dayyeesinnannoshshaten.

13 Hunna ani’a uwwake, Kirsitoosi darre’n duuchiinxa assa dande’annon.

6 Mageni tenne eloxxa huje ha’no’n safee Yessuusi Kiristoosi dagaaxxe barra qico’n muuxake’n geessisaaxxe kokeennen.

17 Tennexxee ayyinna Kirsitoosini mittomoole isi haarooxxe dadani. Dullate dada saxxe’eni; kunse haaroxxe dada kade’een.

16 Tennexxe adde no’oxxa goonfabe’no; gadhixxi manjunnite baxxole giddixxi no’oxxi manjunte no’oxxin kinni barra barrande’ni haaro’maan.

17 Tinni shollaxinna yannatixxi no’oxxi rakko; haraanga lumoke kadeeka duuchchi Woddika ulfinna no’o’a afisaani.

7 No’o ulfeesendeexxa tenne yaane anfeeneki mann faarinke miyini hujemeeke miyishshateni. Tinninna itta kadeechchi lumoxxi hunna Mageniinxe mallee no’oxxe kadebaaxxa ege’nendaashaateni. 8 Ora oranaa’nini rakko no’o’ni geltaani; yaane kinni injifatemabo’noni. Heddo yanna memmi hinnanoni; yaane kinni godoba kultinabe’no. 9 Naaphi no’o shorshan yaane kinni jaaluwwa gonph egenebe’no gannemme inbanooni, yaane kinni rennabe’n. 10 Yessuusixxi hedhdho manjjunte no’oxxe’ni leelitaashsha duuchchi wodda Yessuussixxa rewo manjjunte no’oxxe’ni dulkinne mareemaanneni. 11 Isixxi hedhdho tennee rertaaxxe no’oxxe manjjunte’n leellito’a ta’a no’o hedhdhoti he’nennek duuchchi wodda Yessuusixxe’e reyotee sa’issemmee uwwemmannoni.

11 Mageno soddata maachcho kadeexxa egennenaxxe’e mannake’e kullaneni. Magen no’oxa ayyunte ege’ne’eni ha’nonna qalbe ha’noxxenne egendinaxa addantanon. 12 Qalibete’ni hexxexxe yaanenaa’nite kaddebaangi leelitaaxxe yaane’ni ifi saadake’e hiisa dandeetinasha; ittanni ha’no no’o’ni ifi saadinasha no’o ha’no’a daafeete kandona’ate malee’e higgen no’o ha’oxxe’e galateefatemona’atebaani. 13 Maraatake kandonole; Magenoke hinneteni; wodannke manna kandonole kinni ha’no’a hinneteni. 14 Mittele Kiristoosi duuchchingee reyexxanna duuchchingi mann isixxa rewo qoodemaake kadeexxa egenenaxxe; Kirsitoosixxi eeyunte no’o hujete’e tirtirisita’neeni. 15 Hedhoti hedheeki mann duuchchi insa’ne’a reyekeenna rewotenaa’ni ke’emakee’e hedhashshate malee’e konnechchini edi’a mann umo ifikee hedhabaasha Kirsitoos duuchchinge’e reyeni.

16 Tennexxee konnechchin edi’a ayyeenna maalnxe uushonni uundabe’no. Konnechchini edi darrenna Kiristoosii’i uundeneeki maalinxe uushontenna kaddole midde yoona konechchini edi’a uundanoki konne orintebaani. 17 Tennexxee ayyinna Kirsitoosini mittomoole isi haarooxxe dadani. Dullate dada saxxe’eni; kunse haaroxxe dada kade’een. 18 Tinni duuchchi kadeechchi; no’o isini welti Kiristoosi gamii’n arraariseekenna arraarinxa erigatensha uwweke Magenonaa’niteni. 19 Tinninna, Magen Kirsitoosi gami’ni manjo duuchcha isini welti arariseeni hiyyoteni. Balleesa insa’nexxanna laako’ebaani; no’o’anna araarisatika hiyyichcho uwwe’eni. 20 Tennexxee no’o Kiristoosixxe tukkuwwan; Magen no’o gami’n manna ye’aan; no’onna ha’no’o «Magenk welti araareeme!» hinenexxi Kirsitoosike summini kadhantaanon. 21 No’o Kirsitoosini welti mitteba higati Magenxa qullumma alfinanoshsha; Magen cubbo afebaaka Kirsitoosi’i no’oxxa cubbo dulkaashsha asseeni.

12 Manji mitti uwwate’e hassoole; uwwa isixxi adhdhendak afeexxe hunnaqico’ni uwwolleete malee’e; afebaaxxe hunnani uwwoletebaani.

3 Marartetik anninna dayyesak duuchchike Mageno kade’eek no’oka Gootta Yessuusi Kiristoosike anni’a Mageni’a galati geyowaal. 4 No’o Magenbaa’ni alfinenexxe dayyeesanni rakkoti giddo hedhdheka manna duuchcha dayeesa dandenanoshsha Magen no’o rakko no’oxxe duuchcha’n dayyeesa’neen.

33 «Aninna tennee ha’no’n haaso’eennek ha’no ane’ni hexxineexxi nage’a alfitinaashsha hiyyeeten. Ha’no kaba butta duuchcha’n hexxina’nee qico’ni rakkote affine’een. Yaane kinn ha’no mee co’o! Ani tennee butta duuchcha injifateennen.»

33 «Aninna tennee ha’no’n haaso’eennek ha’no ane’ni hexxineexxi nage’a alfitinaashsha hiyyeeten. Ha’no kaba butta duuchcha’n hexxina’nee qico’ni rakkote affine’een. Yaane kinn ha’no mee co’o! Ani tennee butta duuchcha injifateennen.»

27 Aninna nage’a ha’no’a waalannon: nage’a ankanna ha’no’a uwwannon. Ani ha’no’a uwwannok nage’i kaba butta duuchchike nage’ishatebaan. Qalbe ha’nooxxi, yaadoqqe’e, iittanni sodaattoqqe’e.

27 Aninna nage’a ha’no’a waalannon: nage’a ankanna ha’no’a uwwannon. Ani ha’no’a uwwannok nage’i kaba butta duuchchike nage’ishatebaan. Qalbe ha’nooxxi, yaadoqqe’e, iittanni sodaattoqqe’e.

18 Jaalalate’ni soda’aa hexxebaan; wo’ma jaalala soda’aa fulchite hundaan; soda’aa mura woxxati welti abidendeexxee yaanen. Sodaataak manjixxi jaalala wo’matebaan.

28 «Ha’no ba’oo ha’urteek duuchchi anibaa amme! Ani ha’noo hafuura adhdhisannon.

28 Maala shiyaaka lubbo kinni balleessa dande’abaaka manna meenni sodaatte; konnee irra maalakanna lubbo gahanemixxe giira’n balleessa dande’aaka iso’o sodaatte!

22 Ate’n a’urteexxa yaane Duuchchi Woddike Gootta’n wocci assi;

isi atee kiphe abidaan;

qullichcha manjonna haranga guggufato’a waalabaan.

4 Dimma dukkana giddo

reyotike gaadisixxe dhooqa’ni me’oonolenna midde

ati aninni welti hexxeettaxxee

Mittiichchi elobaachchi anee geyaan hiyyee sodaatabe’no;

kuti atikinna siqqichcho atixxi anee jajjabeessitaan.

4 Dimma dukkana giddo

reyotike gaadisixxe dhooqa’ni me’oonolenna midde

ati aninni welti hexxeettaxxee

Mittiichchi elobaachchi anee geyaan hiyyee sodaatabe’no;

kuti atikinna siqqichcho atixxi anee jajjabeessitaan.

1 Duuchchi Woddiki Gootti anxe hedhoke ifanna anke anjirallon;

ayyeenna sodatabe’no;

Duuchchi Woddik Gootti anxe hedhoke gollan;

ayyeenna sodaatabe’no.

14 Duuchchi Woddika Gootta addati;

jabatti; mee co’o;

Duuchchi Woddika Gootta addati.

24 Ha’noo Duuchchi Woddike Gootta’n addatinaak duuchchi

jabatte, hara jabaatte.

8 Ani atee barachchiisanon;

me’itatoke ora’inna atee akeekannon;

atee gorsannon; illetinna atee heqqanno.

1 Mageni no’oke dalla’anna no’oxxe hunnan;

rakko no’o’ni geltaxxee duuchcha’n no’oke shiqike gargarsanjon.

2 Tennexxee buttinni lele’moole

koobuwwatinna abbayyaatixxe dhi’mo’n lixxoole sodantabe’non.

3 Wode’uwwi luula’n honboolenna

koobuwwatinna wodi’uwwiinxe daganaa’n kexxeexxa linqisoolenna allannabe’non.

3 Sodaatanno woddanna

atete addatannon.

4 Hiyyichcho isika saadannoke Mageno addate’eenneni

sodaatabe’non;

maala oddo’week manji ani’aa maassa dande’aa?

17 Dada duuchchike Gootta no’oke Magenixxi elle no’o’ni hexxowwaal;

isi no’oxxe angaxxa huje no’aa qatansowwaal;

ee no’aa qatansowwaal.

1 Koobuwwatiba’a uudennen

anee gargaaraakita ayyete?

2 Anee gargaaraaki iimmtanna butta dadeeke

Duuchchi Woddike Goottani.

8 Duuchchi wodda, Duuchchi Woddika Gootta ifi edo uggudheennen;

Isinna ani bira hedhemmaxxee anee sodachchiisaachchi hedhebaan.

9 Duuchchi Woddike Gootti miicemeeke mani’a dalla’aken;

rakkoti woddanna gollaken.

10 Duuchchi Woddike Gootta! Ate’e ege’neek duuchchi ate’n addataan;

atiba’a dagaaka duuchchanna waldaboxxon.

7 Isi ha’no’aa hedaammaxxee ha’noo wixxixxi assitaaxxa iso’ni hunne.

6 Ta’a ha’no heddo gargar gargar hexxeexxa hega uushsho giddo hexxineexxi heenoxxe yanna’a rakkatino’ole midde tenne’ni lumoshsha gammadinaan.

13 Eloxxa hujatee gaabbitinoole ha’noo miidhaak ayyete? 14 Yaane kinni qullummatixxe rakko ha’no’n gelteele eebbisendineeken; ha’noonna dhaadachcho insa’nexx’e mee sodaatte, weekendinoqqe’e.

11 Tennexxee ta’a assitinammashsha mitti mitte nossowwaal; weli’aanni weli dayyeesse.

11 Tennexxee ta’a assitinammashsha mitti mitte nossowwaal; weli’aanni weli dayyeesse.

24 Jaalalateenna eloxxe huje’a damanqannoshsha weli weli uundo. 25 Duuchchiing welti afemma’n weli weli jajaabeesino malee’e mitti mitti manni assammashsha bukki hiyya no’oxxa waallonnoqqe’e; tenne mannii’n Goottiinke daggixxi barra shiqqa’n daggeexxa uuddina’n tennee caalla asse.

5 Umo ha’nooka maalaqiinxe e’yanaa’n ifi heqqedhe; affineengechchi ha’noo geyowwaal; Mageni

«Haranga atee waalabo’non

atee hunabo’no» hiyye’een.

6 Tennexxee wo’ma qalbenna

«Mageni anke gargaarsanjonni sodaatabe’no;

ani’a manji maa asso’a dande’a?» hinanoon.

58 Tennexxee eeyyendineeke anke dayyuwwaa Goottakee elo’a ha’nooxxi toliinxe kaddabaaxxa eegendineemmaxxee ti’ni hitine uurre; fedheexxe yaane’ninna weekendinnoqqe’e; Goottiinxa huje’n duuchchi wodda sitineeke kadde.

13 Dammaqqee! Amanatte’ni jabaatine uurree! Worbee!

13 Dammaqqee! Amanatte’ni jabaatine uurree! Worbee!

7 Mageni no’o’a uwweeki hafuuri hunnatike, jaalalatikenna umo ifika hiratike hafuura malee’e, soda’atikebaan.

20 Higgeenni Daawwit belto ifika Solomooni’i hiyyee qic, «Yoona ke’i jabaati, hujetanna safi. Sodaattoxxe, godoba gurtoxxe: Duuchchi Woddik Gootti anki Mageni atinini hedheen: isinna galmi ijaareme muuxemaaxxee ate’e waalabaan; hunabaan.

17 Duuchchi Woddiki Gootti atiki Mageni oddo atixxe’ni hedheen;

isi jabake anjirallon.

Isi ate’ni yo’oshsha gammadaan;

jaalala ifixxenn atee foorfachchiisaan;

faarotinna ate’ni ulfaate’e gammadaan.»

11 Ha’no’a afeenneka yaada anende age’nenen; kunni yaadinna hegere ha’no’a eldaashsha addachisaake yaada malee’e ha’no’o midhakebaan;

23 Eloonne hunjeechchi duuchchi la’o iyyedaga.

Odo duwwixxi kinni hiyyummate’n iyyemarta.

17 Yessuusinna insa’nee, «Amme Anee hordoffe; manna aniba bukki assitinaashsha assannoni» hiyye. 18 Insa’nenna hirbaange’ni qulxu’me abindammalcho waalleexxi isoo hordonfe.

2 Mageninna hashsha waleellati Isira’eeli’n leelleexxi, «Ya’iqoobi! Ya’iqoobi» hiyye ye’e.

Isinna, «Hee! Kunna’a kabanni hedhennen» hiyye.

11 Oojjo eettene’ninni hedhee’naa Magenik iimik erganjinna ‹Koo Ya’iqoobi› hiyye ane ye’e; aninna ‹Hee kunna kabanni hedhennen› hiyyenne.

11 Mageniink iimik erganji kinni iimatenaa’n, «Abirihaam! Koo Abirihaam» hiyye isoo ye’e.

Abirihaaminna, «Hee kabanni hedhennen» hiyye.

4 Duuchchi Woddiki Goottinna Muuse tenne yaane uudo’a mareexxa uudeexxi qosorroti giddii’n Magen, «Muuse! Muuse!» Hiyye ye’e.

Muusenna «Hee kunna’a kaban hedhenen» hiyye.

16 Eeli kinni Saamu’eel’i «Anke belto!» Hiyye ye’e.

Saamu’eelinna «Kunninna’a kabanni hedhennen anike gootta!» Hiyye.

10 Demaasiqo Hanaaniya hiyyemaak mitt hordofalli hedhemman. Gootti iso’ni waleellati, «Koo Hananiyya» hiyyeexxi e’ye. Isinna «Anke Goottaa! Ani kunna’a» hiyye.

38 Maaraminna, «Kunnise ani Mageniinxe garibbitten; hitetteshshanni ani’a kaddaqqata!» hite. Iimik erganjinna ise birii’n me’e.

6 Onde diillise lame saantime’n gurgurema gophphaata? Kaddo malee tennee diillisuwwanaa’n mittetinna midde Magenoke’ni dedhendabaan. 7 Umo ha’nookik ordichchi midde laako’eme’eken; yoona mee sodaatte ha’no heddo diillisuwwanaa’n sa’aake hira affine’een.