Encorajamento

10 Ngngi di so, kedanemene Ih nda la lu. N mlung ceu diso, kedanemene Ih n Tinggwang.

Ih ncu tei ngking beu zie, nah Ih ncu de ngha beu zie, nah kesamsang a ba zetle le ncu de teu ncuh beu zie.

2 Nang duidung ga kahpet kecu dau, Ih ncu ngngwa la zie; nah hereuki dung kahpet kecu dau penui nreu ngam di lak.

Nang mi ga kah pet kecu dau ncu ru dilak, nah miheu dung ne ncu tei msia di lak.

4 Nang au a miakngau gade pemi hung nah mlang kecune, Ih ncu ku;

ciziemne Ih ncu rehiak kerane mina de ha zie, nah n teilung ziemne mi kedamedung de rehiak zie.

5 Ngngi di so, kedanemene Ih ncu ngngwa la;

Ih naimiak kepetle de n minadung de ngngwa gwang zie, nah ncu kenlwetle de hekwa lu zie.*

4 Ngngi so kedanemene ncu tei hengam tei dilak, mede n lung ceu diso kedanemene ncu ngaunggia tadi lak;

nang hena kecudau n ngngam de nsung tadi zie nah ncu gikedi ngaunggia kemak de.

Tutiak nah Kelikelu

1 RAMPAUBE rangzeu, "Acu keteu kemak medungde Ih peu ngaulu kera mteiluda; Acu peei kemakme de peu acu peei lu kera Ih mteiluda.

Ih ranggai, ‘Ih aika bam! Ih aika bam!’ A zi qu kemak heleuh be dage.

31 Dede RAMPAUBE dade kengha nlum kecume au penui kengking tei heci dai lu zie; penui au heliedung nzwa lim cuh dizie;

penui pak zie nah leu dilak; penui tet zie nah nnei dilak.

8 Ih RAMPAUBE ma kerang kwa siu, "Ih caude langgai lai; caune anui ziemne tetlai?" Pecai Ih keligai, "Ih aika bam; acu langgai".

9 Ih n dage aja kaigai meni? Ngking nah kuu lu! Ngngi diso; n suisa diso, kedanemene RAMPAUBE n Tinggwang nang tetkela leuga ncu ngngwala lu."

9 Ih n dage aja kaigai meni? Ngking nah kuu lu! Ngngi diso; n suisa diso, kedanemene RAMPAUBE n Tinggwang nang tetkela leuga ncu ngngwala lu."

16 Pecai minadung sam keli eh rangdi, "Anui RAMPAUBE de pütdi eh hera keda ge de reca kera au lakzing, 17 kedanemene RAMPAUBE anui Tinggwang ne anui nah anui peime de Egyptme deu gade teu ncuh beu, hebaang ketei ki gade, nah mimakecang bata anui lambie ge tei gai, anui tet kela lampui leu ga anui de gum beu, nah mina leune kakga anui kahgwang kecudau de.

6 Nnui lung ntiplu nah kuulu, ngngi so, nah penuide hing so; kedanemene RAMPAUBE nnui Tinggwang, pa nnuide ngngwa la delie; pa nnui dade canglu tadi mede nnuide gidi laklie."✝

8 RAMPAUBE, pa n dwa lampui sau kelabe delie; pa ncu ngngwa lazie; pa n dade canglu tadi mede ncu pütdi lak; ngngi so, n sui ceu diso."✝

31 Iciucai ma aidungde ziemne anui dai ranglai? Tinggwang anui kilam lacai, caune anuide renia lulai?✝

15 Kedanemene nnui hebaang teidi kera rabe ngau luma, iciu eh nnui ngngi eh lungh daidi kera; dede nnui pe name teidi kera Rabe ngaulu, ciziemne anui, "Apei Tinggwang, Peibo!" de qula.

2 Peu anui hangge ge kecude pe kidabe ziuyi ziemne pe suiyi teilu, pecu teingkieng beulu kerane.

5 Cu peu helungketie nah teikengkuu Tinggwang depeu Khrista Jisu gade hangge gede ngngwa kelungzwa kecu peu kelube tei lulo.

11 Kedanemene Ih nnuide ngauneu bamla, iciu eh Ih nnuide rabe mapeu kesa peu kerane, nnui kenlum teingkieng lu kerane. 12 Cide cai, nnui kakgade acu de nah nnuide de kecunglu kera Ih regui bamlei, hangge ge kenlum, n kenlum nah a kenlum gade.

13 Acu teingkieng beu kelabe ziemne Ih ma pelane tei lubui.

6 Nah Ih ma aidungde cisiakte bam, nnuida bata keyi ndeu kegaibe de Jisu Khrista cailigwang kera tingba benai kecang tei jüja teicang beuzie.

17 Ciziemne, keheibe de Khrista ga ladi cai, pa au mina keheci ge dida. Kehegwabe tetdi da. Ainie, kehecibe gwang bam dida.✝

16 Cine anui lung siadi lama. Meliene, anui pumteih siala liede, anui rabe de tingba ramsang ne teiheci beula.

17 Kedanemene anui ting kaknage keherei kegai gade mdet canggai kelak kelungta kendu mdet anuide pwapeu bamlu.

7 Dede anui mahei aide tangdei lidung ga bam, iciu eh kengkieng kedi de anui da bam ma dede Tinggwang da bamlie kecu keulia lu kerane. 8 Anui kehei leuga keherei bam dida, dede pungpai gailak dima. Anui sui mang dida dede suihak gah dima. 9 Anuide teikeherei süt dede püt dima. Anuide teingkau mie dede teimsia dima. 10 Anui pum gage Jisu tsit de anui pungla muila, ciciu eh Jisu teilung de anui pumdung gade keulialu kerane. 11 Kedanemene anui ring kebamme Jisu ziemne ketsai kengngi ga la muila, iciu eh Jisu teilung de anui ketsai pumteih gade keulialu kerane.

Ngngwayidaikelu ta

11 Ciziemne, Rampaube mie kehing pekie ci eh anui mide kecung lala. Dede Tinggwang ne anuide ci cangsiak bam, nah nnuide nnui lung gade anuide cibam kera Ih regui bam. 12 Anuikatei anui zierang nnui dage teidai ma, dede anui pelane nding gade nnuide peu hegielu kera zuiyi keyi pwapeu bam, iciu eh peu nnuide helungbe ziemne mene hegwazube ziemne hegie kelame de sam keli beulu kerane. 13 Kedanemene anui miedi liecai, cide au Tinggwang ziemne; anui mcing bamcai, cide au nnui ziemne. 14 Kedanemene Khrista keku ne anuide kezeu lala, aide nlumlu eh: Khrista pelane ziemne tsaigai beu; ciziemne pelane de teilung kehegwade gade tsai dida. 15 Nah pa pelane ziemne tsaibeu, ciu eh ring kebamme penuikatei penui ziemne ring bam si kelakne, dede penui ziemne tsai gai nah kwakcuh kelube ziemne. 16 Ciziemne, anui cu gade mige dede pumteih ria gade cetla meda. Anui pumteih ria gade Khrista de cetla liede, cu au anui pecu cikenzwa gage cet sila meda. 17 Ciziemne, keheibe de Khrista ga ladi cai, pa au mina keheci ge dida. Kehegwabe tetdi da. Ainie, kehecibe gwang bam dida.✝ 18 Nah ma aidungde pelane Tinggwang, Khrista gade anuide peu pecu ngngwa kezuyi dai kelube dade gwang. Nah pa ngngwa keyi ta keteide anuide peu da. 19 Cide au, Khrista gade Tinggwang kideube de peu pecu ngngwa kezuyi dailu, penui mau pei penuide mmau mene, nah anuide ngngwa keyi ketei samde nlumbeu.

20 Ciziemne, anui au Khrista sam teu kerangme dida, Tinggwang anui dade pe sam rangla. Khrista keleu tei anui nnui dade kie gaila: "Tinggwang de ngngwa kezuyi dailu lo!"✝ 21 Kemau cikemakbe de, anui ziemne Tinggwang pecu kemaube tei dida, iciu eh pecu ngngwa anuide Tinggwang masang de ga silu kerane.

12 Kedanemene nnui neungga eh bam cai, mige kebam nzüt gade cide luu lubui, pa bam kemak nzüt gade di mene.

Tinggwang pelane de kerelui peula

3 Tinggwang nah anui Rampaube Jisu Khrista Peibe, ngaugia Peibe nah maleune gade helungtaumla beu kelabe Tinggwang de peu hetwa pungkelube tei lulo, 4 pa ne anui rei pelane gade anuide tei relui beula, iciu eh anui kehei leu ga rei kelame de Tinggwang ne anuide tei relui kebeu de teu kerelui peulu kerane.

33 Ih ma aidungde nnui dage rang gaila iciu eh nnui a dade lungciep bamlu kerane. Kideu gade nnui keherei zie, dede kuulu, Ih kideube reu ngkieng luda".

33 Ih ma aidungde nnui dage rang gaila iciu eh nnui a dade lungciep bamlu kerane. Kideu gade nnui keherei zie, dede kuulu, Ih kideube reu ngkieng luda".

27 Ih lungciep kaipwa nnuide peuzie,* Ih a lungciep nnuide peu zie. Kideube kepeu nzwa Ih nnuide peu lama. Nnui lung be de peu keherei diso, nah ngngi diso.

27 Ih lungciep kaipwa nnuide peuzie,* Ih a lungciep nnuide peu zie. Kideube kepeu nzwa Ih nnuide peu lama. Nnui lung be de peu keherei diso, nah ngngi diso.

18 Keku ga kengngi gah, dede keku yicang siak kecube kengngi de gwa dila, kedanemene kengngi saja sila. Cine ngngi kelabe keku ga yicang siaklu mereu.

28 Ada gwanglu, nnui matei mri nah hepüt kerüt pung kela leune, nah Ih nnuide kemtak pwapeu zie.

28 Mipumbe de teitsetdi liede mi keringria de teitset gai kelakme de hing so. Meliene, mipumbe nah mikeringria kenana de pwa mijaai gage ngkaplu kebuibe de hing lulo.

22 N reidung RAMPAUBE dage kailu, nah pa ncu teirelui beu zie;

pa kesangme de madaude peu tet ngkoi dilak.*

4 Ih cabak kemuideu ga tetkah liede,

nang acu ngngwa kelane Ih kesiabe de hing dilak;

n meurün kekwatie nah n tuitie ne a ma piela.

4 Ih cabak kemuideu ga tetkah liede,

nang acu ngngwa kelane Ih kesiabe de hing dilak;

n meurün kekwatie nah n tuitie ne a ma piela.

RAMPAUBE au a kebaa nah a kelikelube

1 RAMPAUBE a kebaa nah acu ri kebeube;

Ih cau de hing lai?

RAMPAUBE a teilung kensiube;

Ih cauge de hing swa lai?

14 RAMPAUBE de kwa bamlu;

ngkienglu, nah peu n nlung de kuu lu!

RAMPAUBE de kwalu!*

24 Ngkieng lu nah kuu lu,

RAMPAUBE de nlum eh kengha kie kela leune.*

8 Nang mie kera lampui be ga Ih ncu saulia zie nah ledeu beu zie.

N ma pie eh Ih ncu saulia zie.

Tinggwang au anui kensiube

1 Tinggwang au anui nsiube nah kengkieng,

keherei tingdau nghabeu la.

2 Ciziemne anui ngngi dilak, kideube nnui teudi liede,

lamlwatudung jaaidi kecuk gage kelien gaidi liede,

3 pe duidung mra nah pe rata di liede, nah

lamlwatudung mma kecu ziemne mbeu di liede.* Selah

3 Ih ngngidi kecudau,

Ih a kenlum de n da bam zie.

4 Tinggwang dage, pe sam Ih hetwa peu kelabe,

Tinggwang da Ih a kenlum kai pwabam; Ih ngngi di lak;

migede acu daige tei lulai?

17 Peu Rampaube anui Tinggwang zai keyi de anui gu kelube tei lulo;

anui badung le teikegai lungh yilu;

kesang, anui badung le teikegai lungh yilu.

Acu kengha RAMPAUBE dade gwangla

1 Ih a miakdung ngang cuh lamlwadung gage pie gai.

Acu kengha daiga de gwang lai?

2 Acu kengha RAMPAUBE dade gwang zie,

tinggim nah kideu tei kegaibe dade.

8 Ih RAMPAUBE de a dwa gage kai muila, iciu eh acu deu mlai di gailak!

9 RAMPAUBE mine ngau rau kelame ziemne kensiu ge zie,

keherei kecu tingdau kensiu ge.

10 N zi ci kecume ncu nlum la,

kedanemene nang, RAMPAUBO, ncu peei gwang kelame de gidi la kemakne.

7 Nnui lungrei pelane pwa Tinggwang de peu dilu, kedanemene pa nnui mapie lalu.

6 Cine nnui suiyi kesang lu. Miswakegah suiyi nnui dwaga bamlu. Keherei ketsamtsam nnui tingkakge lialu maisiadi liede.

13 Nnui makeyibe teineu lacai caune nnuide tei rejam laino? 14 Dede nnui makesang ziemne keherei liede, nnuide samlam beuzie. Dede penui keheu kecu de ngngi, mede nnui lung keherei diso.

11 Cine nnui teibam kela nzwa, hange ge lung taumla nah ket ket de ngha bam lulo.

11 Cine nnui teibam kela nzwa, hange ge lung taumla nah ket ket de ngha bam lulo.

24 Nah anui kereku nah makeyi tei eh hangge gede dainzwa kecung eh bi cet lugo. 25 Midung ge nzwa, anui kangbau eh ngkwa bam kelade mtakdi helo. Meliene, anui hangge gede teingkuu si lugo, pe tingba de gwang nna reu reu kebamde ngau eh.

5 Rangkang kehegin gade n zaireli peu kwak bamlu. Nda kebambe dungde teumnung lu, kedanemene Tinggwang rangla, "Ih ncu madaude gi dilak, meliene Ih ncu madaude püt dilak."✝ 6 Cine anui kuu eh rang,

"Rampaube au acu kenghabe; Ih ngngi dilak.

Mina a dage daige tei lulai?"✝

58 Ciziemne, kehung sinamedung, ntip bamlu nah nlai diso, Rampaube gade nnui ta tei kegaide kemta dila kemak ci eh Rampaube ta teinaang bammui lulo.✝

13 Mriak bamlu; kenlum ga sap ntiplu; kuu lu; ngking lu.✝

13 Mriak bamlu; kenlum ga sap ntiplu; kuu lu; ngking lu.✝

7 Kedanemene Tinggwang anuide kengngi rabe peu ma, dede kengkieng, keku nah samzai ketei rabe peu.

20 David pe napei Solomon dage rangdi, "Ngkienglu nah kuulu. Bata be tei cuhlu. Ngngi diso mede nlung keherei diso, kedanemene RAMPAUBE Tinggwang, a Tinggwang, ncu ngngwa lalu. Pa ncu gidi lak mede pütdi lak, nang RAMPAUBE kerecaki bata leune teicanglu kemaktane.

17 RAMPAUBE nnui Tinggwang au nnui kakga bam, Pe kengkieng ne nnuide keli beuzie.

Pa nnui ziemne Pesui yi luzie; pe keku ziemne nnui ziune bam luzie;

Pa nnui ziemne Pesui keyi kwa sah zie.

11 Aide RAMPAUBE ne ndukegai, kedanemene Ih rünne nnui ziemne riem pwa kela de ci, mariem cide kezuyi ziemne nah kengkap ziemne ma, nnuide gwang kera teilung nah keregui peu kerane.

23 Mrisüt kegai dau kemmi ngau lula,

dede makerang rünne dige, cide magah gage teu gwanggai beula.

17 Cine Jisu penai dage rangdi, "Gwanglu, acai suilu, iciude Ih nnaide peu mina de ketuime tei beuzie." 18 Ge penai helang de zette pütdi eh pecai suidi.

2 Tinggwang Israel de tingmui marengei gade marang eh ranggai, "Jacob, Jacob." Pa rangdi, "Ih au aika bam."

11 Tinggwang gwame a mang lede adage ranggai, ‘Jacob.’ Ih ranggai, ‘Aika Ih bam.’

11 Pecai RAMPAUBE tinggimgwame tinggim gade pecu qu nah rangdi, "Abraham, Abraham!" nah pa rangdi, "Ih aika bam."

4 Moses pie zielie nreu mpet kecu RAMPAUBE ngaulu ge, tsinghum gade Tinggwang pecu qu mpet, nah rang, "Moses, Moses." Moses rang, "Ih aika bam lie."

16 Cidau Eli Samuel de qugai eh rangdi, "A na, Samuel." Samuel keligai, "Ih aika bam."

10 Cidau Damascus ga ledeukelume pezi Ananias lie kecu ge bam. Rampaube marengei gade pe dage, "Ananias!" de qugai, cine pa keligai, "Ainie, Ih aika bam, Rampaubo."

38 Ge Mary rangdi, "Pielo, Ih au Rampaube kilabepui. Nang kerang de nzwa a dage peu teigai lu." Pecai tinggimgwabe pe dade tetdi.

6 Tangkine mengeile rangkanggeu kena gade zwala me luini? Ciuliede cidung de ket liede Tinggwang dwade nsungta dila ma. 7 Dede nnui peu tamdung kecangde peilu da. Ngngi so. Nnui au tangkine kekiee ge swade nnui mi hungki lu.