David gu lei ge.

1 RAMPAUBE au acu kekwabe; Ih magede teu si kera bamsi meda.*23:1 Isa. 40:11, Ezk. 34:11-16

2 Pa acu peu luh kemdiak ga mtak lula;

dui mlai kemak kemci jai gage ngngwagai beula.

3 Pa a teilung teiheci dai beula;

pa acu lampui keyi gage sau gai beula pe zi ziemne.

4 Ih cabak kemuideu ga tetkah liede,

nang acu ngngwa kelane Ih kesiabe de hing dilak;

n meurün kekwatie nah n tuitie ne a ma piela.

5 Nang a ngauraume dwa gade a ziemne heni ge mtei pwabam;

nang macale pwa a peu püt beula;*23:5 Ki mpaube ne pe giame peu maca le püt beukela zai aide penuide kerüt nah suiyi teu eh daukecu teila. Phariseeme pei Simon Luk. 7:46 ga Jisu de redau kecudau aide teilu tadikedi ngau lula.

a piak pui nlim bam.

6 Ma keyi nah samkakkelu kesamsang a teilung pelane suila mui zie;

nah Ih RAMPAUBE ki ga a teilung kelungta lungh dizie.