Salmos 110

A ba zetle bamlu

David Lei.

1 RAMPAUBE a mpaube dage rang, "Aika a ba zetle bamlu

Ih n ngauraumedung de n pidau teidi kemaktane."*110:1 Heb. 10:12-13, Luk. 20:42-43

2 Zion gade RAMPAUBE n hegwang kengkieng tei mdi beu zie;

n ngauraumedung reu di lu.

3 N minadung neu ngnga eh penui paini kemci kai lwe n cai sui dizie

nang ngking kelu benai;

tingcang nuge hezin nzwa heluibwame n da gwang di zie.

4 RAMPAUBE pe sam pet beu da, nah cide keuteu dai dilak:

"Nang kelungta cingkupei ge zie,

Melchizedek de pwa leu eh."*110:4 Heb. 7:17, 21

5 RAMPAUBE au n ba zetle bam.

Pa pe rata kedi benai hegwangpeidung de teitset dizie.✝110:5 Lei. 143:5

6 Pa heleuhdung de tutiak zie;

pa hereuketei nidung gage ketsaipaudung kaipui dizie;

pa deudi kekie ge ga kedimedung de teitset di zie.

7 Pa lampuikung ga hereuki gade dui sak zie,

nah pecai pa ngking lwe pe peu pung cuh di zie.