1 Acu tiaklu, RAMPAUBO, kedanemene Ih kenzui lampui ga tet lalu;

Ih RAMPAUBE de suihau mezing eh nlumla.

2 Acu ncetlu, RAMPAUBO, nah kedak pielu;

a lungcetdung nah a nlung kedak pielu!

3 Kedanemene n samkakkelu samsang de a miak dwa ga bam kecune,

nah Ih n masang ga tetla.

4 Mide cwa kelame de Ih kangngwa tei lama,

mede Ih samsang kemakme de de ngngwa lama.

5 Makesia ketei maa de de Ih ngkau la,

nah kesiame de Ih ngngwa lungh lama.

6 Ih nzeu lei kecu gade a ba mtiaklu,

nah Ih n recabam tet twagwa, RAMPAUBO,✝

7 ketwa lei tei sahbak kerane

nah n miswakegah batadung pelane ranglia kerane.

8 RAMPAUBO, nang lungh kebam ki de Ih a sui lie,

n kendu kebam heni de!

9 Kemaume de ngkap kedi ga acu si helo

mede mide dap ketsetme de si eh a teilung tei ngkap di helo,

10 penui ba ga mariem kesia la,

nah penui ba zetle ga hetauhenim le pui pungla.

11 Dede Ih au, kemzui lampui ga tetla;

acu kelibeu nah acu ngaunggia gailo.

12 A pi hangdeu kensam* ga sapbam;

hemaabe dwagade Ih RAMPAUBE de samlam beuzie!