1 RAMPAUBE de twalu.

Ih a mlung pekiene teu RAMPAUBE de twazie

pe minadung keyi ngkwa gade, penui mbau kebam ga.

2 RAMPAUBE batadung au dizu lie,

cidung ngau pesui la kelamedung cidung de cineu eh kwa bamla.✝

3 Pe bata au herüt nah kedile puipung,

nah pe masang au kelungta lala.

4 Pa nsung lalu kera miswakegah batadung teila;

RAMPAUBE au pe zai yi nah mide ngaunggia.✝

5 Pa pecaisuime samsang kelamedung pok pwa peula.

Pa au pesam samkak kelude nsungla muizie.

6 Pa pe minadung dage pe kengkieng batadung pwa lia gai da

penuide heleuh kedadung deu gum kera pwa peu kecu gade.

7 Pe batadung au masang nah nzui;

pe keledeudung pelane nlum lubui.

8 Pe samdung au kelungta bamla,

cidungde kesamsang gade nah sünne eh mneilu kerabe.

9 Pa pe minadung de ngam kelu pwapeu dida;

dewe pa kelungta penuide ngngwa samkakkelu,

kemci nah kengkieng au pa lie.✝

10 RAMPAUBE de kerüt peu kecu au maci luu kera bangdwa da;

pe keledeudung mzai kelame au penui macet yibam.

Pecu au kelungta twazie.