1 Nnui hegwangketeume makesang rangla ni?

Nnui minadung, nnui tutiak kemzuibe teila ni?

2 Ma, nang nlung gade makesia tei dida;

nang n badung ne hangdeube ga keregi kecu mzibeu dida.

3 Kesiame tet ngkoidi la penui pe pui za bam kecudau liede;

mnakelu gade penui tet ngkoi dila, kenretdung rangla.

4 Penui gu heiring au henei gu heiring nzwa;

penui au henam nzwa penui kwen ngketpung bamla,

5 penui kehemeume kwa de kingnei teune lama,

penui hebaciem keyi leune bam liede.

6 Penui mui gade penui geidung teipang dilu, Tinggwang;

kehena hinghodung geidung kedi leune teipang dilu, RAMPAUBE.

7 Penui de dui lwapak kecu nzwa peu suimie dilu;

penui lakpidung kap kegai dau, penuide peu penui mariemdung kegame ge nzwa lu.

8 Penui de peu nineupui ge nzwa suimie nah lwa tetti lu,

mipui peting kemakne ngena mna eh madaude tingnaimiak ngau kemak nzwa.

9 N lidung hetu ruheu eh lum kecu ci kemakne dwage,

pa tingkai nzetsüt kecu gene cidungde keuteu pwa dizie, kemdiak hetudung de nah hetudung ruheu kebam de nzwa.

10 Makesangme Tinggwang hekum peei kecu ngau lwe penui suiyi zie;

pa kesiame jai gade pe pidung hui zie,

11 ciu eh minadung rang zie, "Kesangsiakpe, makesangme ziemne cika au ziehi bam;

kesanglie kideube tutiak kelabe Tinggwang au bamlie."