1 Ih keherei kwaki gade ncu qugai, Oh RAMPAUBO.

2 Rampaube, a kwa kingnei gailo;

ngaugia ziemne a nggia mra kebamde

kingnei teune gailo.

3 Magade nang, RAMPAUBE, kemaudung giak nzeu cai,

Rampaube, cau ne sap lulai?

4 Dede nda kemaugi kecu bam,

cide ncu herüt peu la.

5 Ih RAMPAUBE de kwabam, a rabe kwabam,

nah Ih pesam ga regui bam.

6 Kekwamedung tingcang de kekwa swade

a rabe RAMPAUBE de kwa ki bam.

7 Israel, RAMPAUBE da regui bam lo.

RAMPAUBE au ngaugia le pui,

nah pa au kelibeu neu sütla.

8 RAMPAUBE au kemaudung pelane gade

Israel de kelikebeube.✝