1 Kemieme pe nlung gade, "Tinggwang gah," de eh rangbam la.

Penui au hera nah kemaubedung tei dida;

keyi ta ketei migede gah da.

2 RAMPAUBE tinggim gade mina leune de pie nghung gai

migede ma keci,

pecu peei kelame bam mi de eh piegai kerane.

3 Penui pelane nreutet dida. Penui pelane hera dida.

Keyi ketei migede gah da, gah, hangge de gah.*

4 Penui magede ci ma, penui kemau tei kelame,

penui tangku ketyei nzwa a minadung de tyei lula,

dede RAMPAUBE de qula kemakme?

5 Penui kengngi le mbeu dizie,

kedanemene Tinggwang au kesamsang ceheu de ngngwa lalu!

6 Nang kegahme de tei hengam teigai neula

RAMPAUBE pe nsiube lie de.

7 Oh, RAMPAUBE lungh kebam Zion gade Israel da kelikelu gwang lucai!

RAMPAUBE pe minadung de hebaang ketei gade ngngwa mpet kebeu dau,

ciciu lude Jacob pe suiyi dizie nah Israel pe suiyi pui dizie!*