1 Oh, RAMPAUBE dage lei keheci ge teigai lu,

Pa ma miswakegahdung tei kegai ziemne;

peba nzetle nah pebapum kemci le pecu ngkiengkelu peugai dida.

2 RAMPAUBE pa kelikelu teipwa peu cigai da;

pa pe masang ngkei mzaha pwa heleuhdung pelane da ge lia dida.

3 Pa pe samkakkelu samsang de nsung luda nah Israel kilungme ziemne kesamsang de;

kideu penli pelane gade Tinggwang kengkieng ngau zie.*

4 Suiyi de ziemne RAMPAUBE dage sa gai lu, kideu pelane;

leitei sabakte gai lu, suiyi ziemne lei teilu, nah ketwa lei teilu.*

5 Leitei RAMPAUBE de twalu leibung si delwe,

leibung si delwe nah pekoa keyi lei tei lu,

6 Teluidung nah teki kwa silu

hegwangpei dwa gade suiyi kwa teigai lu, RAMPAUBO.

7 Peu jaaidi de nralu nah cika kebam pelane de,

kideube nah cika lunghkebam leune de.

8 Peu hereukidung de penui badung bapeu lu,

nah peu kideutudung de suiyi ziemne sah lu.

9 RAMPAUBE au kideube tutiak kera gwang la;

pa samsang eh kideube tutiak zie

nah heleuhdungde de kenzuibe teu tiak zie.*