1 RAMPAUBO, n rata teu acu herata helo;

n lunghop gade acu saja peu so.

2 Kedanemene n lakpitsidung acu kuibam,

nah n bale acu niagim pwabam.

3 N rata ziemne a pum nra bam;

a mau ziemne a radung ngkieng meda.

4 Kedanemene a kemaudung ne acu puipung bam kedine;

aidungde a ziemne hepüt rütsüt kecuge.

5 A rezamdung sia reureu dida nah nnam dida

a kemie maudung ziemne.

6 Ih keu taksu dida nah acu tingnai ramsangne acu tei hengam tei;

Ih tingba pelane hapbam dida.

7 Kedanemene a lungga, keru le puibam di kecune;

a teih ga kengkieng gahda.

8 Ih au mnei dida nah pang takcai dida;

Ih a nlung ga a lungrei kebam de ziemne Ih mra bam.

9 Rampaubo, nang Ih luuneutu bedung cibam,

nah a mra kwadung n dade hebai pwabam ma.

10 A nlung mbeu bam, a kengkieng cam reureu zeu,

nah a miak de pe kebaa cam reureu dida.

11 A zangmedung nah a kangngwame de Ih ainzwa kedi ziemne acu gidi da;

a kidacainame de a dade sap mdei bam.*

12 Acu teitsetdi neu kelame a ziemne baih mtei gai.

Acu rezam zielie kelame kengkap samdung teu eh marang

nah mide kecwa samdung petingnai rang bamla.

13 Dede, Ih au kwenpangme ge nzwa eh magede siu mah;

Ih au pelet kegahme maranglu la kemakme nzwada.

14 Ih au ma siula kemakme ge nzwada

nah sam keli lula kemakme nzwada.

15 RAMPAUBO, Ih ncu kwabam kesang;

nang a sam keli zie, Rampaubo a Tinggwang.

16 A ngauraume acu nuineu di kelak ziemne Ih aide rangbam.

Magagede Ih a pi reneu gai liecai, ngauraume a dage ngau kehing tadung tei zielu.

17 Kedanemene Ih kaudi lai eh bam kedine,

nah Ih teei bammui bam.

18 Ih Tinggwang dage a mau pet gaila;

Ih a mau ziemne a lungpang bam.

19 Dede a ngauraume au kieesüt bam;

acu ngaurau buikemak gade ngaurau kebamme kieesüt bam.

20 Penui acu makeyi ge ziemne makesia peula;

Ih makeyibe zuila lie de penui acu mmau bam muila.

21 Acu gidi helo, RAMPAUBO;

a Tinggwang, a dade mdei eh la di helo.

22 Acu ngha ra gwang zette lulo,

Rampaube, acu rikelube.