1 "Ih heriheret kebam dau gade a ngauraume acu renia bam muila,"

peu Israel de ranglo.

2 "Ih heriheret kebam dau gade penui acu kaa bam mui la,

dede penui acu ngam lumah.

3 Penui akia gage tei rejam ncuk süt gai;

nah cide luh puhkedi ge nzwa dida.

4 RAMPAUBE au samsang;

pane kesiame gu heriadung dangdi."

5 Peu penui pelane de ngamdi lu nah nreu caili lu,

Zion de ngkau kelamedung de.

6 Peu penuide kireudung ga cehei lungh cuh kemakne

regui di kela nzwa dilu,

7 cide luhlüt kecume ba ga keu hekwa gailak

mede herei kang ncüt kecume hekakrak ga keu hekwa gailak.

8 Peu tetkah gwang kecumedung de rang so,

"Peu RAMPAUBE samlam nda bam lo;

anui ncu RAMPAUBE zi gade samlam gai la."