1 RAMPAUBE au hegwangbe; heleuhdung depeu mbeu lu.

Pa cherubim hegwang bam reuga bam; kideu teumlai di.*

2 RAMPAUBE au Zion ga kengkieng teubam;

pa au heleuhdung pelane reu hetwa kepungbe lie.

3 Penui depeu n zi kedi nah kerüt de twa lulo;

pa au mci.

4 Hegwangpei au ngkieng, nah pa kemzuibe pesui la;

nang samsang eh teicu gaida;

nang Jacob dage petaube nah kemzuibe tei gaida.

5 RAMPAUBE anui Tinggwang de twalu

nah pe pidau bamga de reca lu.

Pa au mci.

6 Moses nah Aaron au pe cingkumedung kakga bam,

nah penui pezi qu kelamedung kakga Samuel bam.

Penui RAMPAUBE de qugai, nah pa penui sam keligaibeu.

7 Pa penuide hemwa tsaidi gade mpau.

Pa ajadung kai ntingring kebeu de penui kai nzeu lu,

nah hezaidung pa penui dage kaibeu.

8 Nang penui sam kelibeu lu, RAMPAUBO anui Tinggwang

nang au penui kemau gikebeu Tinggwang lu,

dede pe kemau tadung dene penuide saja peu.

9 RAMPAUBE anui Tinggwang de twalu,

nah kideutu kemci gade pecu reca lu,

RAMPAUBE anui Tinggwang au mci kecu ziemne.