1 RAMPAUBO, n rata gade acu kesiu so

mede n lunghop gade acu ledeu so.

2 Acu ngaunggia gailo, RAMPAUBO, Ih mnei kecune;

acu teingkei beu, RAMPAUBO, a radung mbeu kebamne.

3 A rabe de keherei süt bam.

Dede nang, RAMPAUBO, daitie ge ainzwa bam laino?✝

4 Caili lo, RAMPAUBO! Acu kelibeu lo.

N samkakkelu samsang de ziemne acu kelibeu lo!

5 Ketsai ga au ncu nsung kecu bam kemakne.

Sheol* ga ncu cau hetwa pwapeu lai?

6 A lungrei ziemne Ih mnei bam dida.

Tingmui ramsangne Ih a miakdui le a zeu tei puidi bam dida;

Ih a miakdui le a zeu hwadi.

7 Lungrei ziemne a miak maimie di;

a ngauraume ziemne a miak mnei süt di.

8 A dade tet mdei di, nnui kemau keteime pelane;

kedanemene RAMPAUBE a kehap kwa siulu delu.*

9 RAMPAUBE Ih ngaugia kie kegaide siu luda;

RAMPAUBE a kekie tei beuda.

10 A ngauraume pelane nggam dizie nah keherei süt dizie.

Penui penui cai nreu gwangzie nah hengam ngau zette zie.