1 Tinggwang dage anui kengkieng teu leitei sahgai lu;

Jacob Tinggwang dage suiyi kwa sahbak gailo.✝

2 Lei tei lu nah tambourine,

misui keyi leibung lyre nah harp pwa dap lu.

3 Anui hengyi tingba kemdeu dau keici,

nah hekei bungri benai telui kwa gai lu.

4 Kedanemene aide Israelme ziemne hezai ge,

Jacob Tinggwang ne aja kepeu zai ge.*

5 Pa hezaidung mzai kera kaibeu Joseph dage,

Pa Egypt deu de mcau kecu dau, Ih makwa cikemak ge siu:

6 "Ih pepüt kerüt de pe hekeutu gade lwak dida; pe ba le nzap teukela rak de keumpet dida.

7 Nang keherei luge nang qugai, nah Ih ncu nghabeu;

Ih nsam kelibeu herahang remangzing kebam gade.

Ih ncu kedak gai Meribah* duidung gade.* Selah

8 Kingneilu, a minadung, kedanemene Ih nnuide mrai rang zie,

Israel, magade nnui a kwa rünne kingnei zie cai!

9 Nnui kakga hera keda peu bam kerabe ma;

nnui hera keda kette reca lak.

10 Ih RAMPAUBE nnui Tinggwang,

nnuide Egypt deu gade ngngwa mpet kebeube.

Nnui mui ngnga mdi gai, nah Ih tei pui beu zie.*

11 Dede a minadung a sam kingneilu tadi;

Israel a samzai teilu tadi.

12 Cine Ih penui de penui zaira lungtak tei kera lampui ga ge kai beu di

iciu eh penui miakngau gade dai petau bi teilu kerane.*

13 Oh, iciu eh a minadung a kwa kingneilu kera;

oh, iciu eh a minadung a lampuidung ga tetlu kera.

14 Iciu lu cai Ih kelwa süt eh nggamlu zie penui ngauraume de

nah a ba penui de teikeherei kelame dage hwa gai zie.

15 Rampaube de ngaurau kelame de peu pe dwa ga kehing le kepui sap ga la di zie!

Peu penuide kelungta hengam teila dilu.

16 Ih Israel pok yitube wheat le tei zie;

Ih nnuide peu nnung lu zie tangtsu gade kepet heliadui dele."