1 Ih nlum cang bam, Tinggwang;

Ih n dage lei teizie, yeo, Ih ketwa lei teizie a nlung pekiene teu eh.

2 Mrak cuhlu, a leibung nah a harp le;

Ih tingnaimiak de nkia luzie.

3 Ih ncu ketwa peu zie, RAMPAUBO, minadung kak gade;

Ih heleuhdung kakgade n dage ketwa lei tei gaizie.

4 Kedanemene n samkakkelu samsang de au tinggimdung reu hangcang bam;

nah n masang de ting tung bam.

5 N kedi pwa ting gage lialo, Tinggwang,

nah n kendu de kideu pelane reu peu hetwa punglo.

6 Ciude nang ku kela minadung de kelilu kerane,

n kengkieng zetle ba le anuide kelilu nah anui kekie keligai beulo.

7 Pe kemci ni gade Tinggwang ranggai da; "Ih a suiyi zie;

Ih Shechem namdi de mzi di zie nah Succoth deu langkie de mzi dizie.

8 Gilead au a gu, nah Manasseh de a gu;

Ephraim de a peurwa;

Judah au a kedituitie.

9 Moab au a gu duipiakwak;

Edom reu gage a picum keliengai zie;

Ih ngkieng kelu kwa sah zie Philistia ziemne.

10 Cau acu kengkieng namdi de ga ngngwa nlwet beu zie no?

Cau acu Edom ga ngngwa gwangbeu zie no?"

11 Tinggwang, nang anuide gi kesang dide ni?

Nang hereu ga anui reugwame de ngngwa lüt lama.

12 Ngauraume dade anuide ngau kerau gade anuide ngha lo,

kedanemene mina ngha au kemta.

13 Anui ngkieng luzie Tinggwang ngha gade;

pa anui ngauraumedung de cai ketet dizie.