1 Nnui bapeu lo, nnui mina pelane;

Tinggwang dage kengkieng kwa le sah gailu.

2 Hutube RAMPAUBE au miswagah kecune;

pa kideu pelane reu Hegwang kedi ge.

3 Pa minadung anui kangga kai dila

nah heleuhdung de anui pi kangga kai dila.

4 Anui mapwa pa ne anui ziemne kedet beula,

cide pa hung kela Jacob kemdu. Selah

5 Tinggwang pe hegwang ga nghang dida suiyi kwa sah eh,

RAMPAUBE telui kwa gai eh.

6 Tinggwang da ketwa leidung teigailu, ketwa leidung teilu;

anui Hegwangpei da ketwa leidung teigailu, ketwa leidung teilu.

7 Kideube pelane reu Tinggwang Hegwang kecune;

macet keci teu eh ketwa leidung teilu.

8 Heleuhdung reu Tinggwang hegwang teila;

Tinggwang pe kemci hegwangbam ga bamla.*

9 Heleuhdung reu kedime

Abraham Tinggwang minadung de ngngwa ngkwa luda;

kideube geu hegwangdung pelane Tinggwang gu kecune;

kehei gade pecu hetwa peu sütla.