1 Hegwangpei n kengkieng de pesui la, RAMPAUBO!

Nang kepeu ngkiengkelude ziemne pa pesui yisüt la!

2 Nang pe mlung luu keneude peuda

nah pa kie kegaide peuta dima. Selah

3 Nang pecu samlam kedidung teugwang beu;

nang pe peu gage kecak hegwang peurwa kemci kaibeu.

4 Pa n dage kering kie; nang pecu cide peudi;

nang pecu teilung ketie kelungta peu.

5 Nang ngha kebeune pe kendu au di bam dida;

nang pecu hetwa nah zierang kedi peu da.

6 Kelungta samlamdung nang pecu peu;

nang pe da kelane pa pesuiyi bam dida.

7 Hegwangpei RAMPAUBE de nlum kecune;

Hutube Tinggwang samkakkelu samsang de ziemne pa nlai gailak.

8 N ba le n ngauraume pelane de tui luzie;

n zetle ba le ncu ngkau kelame de tui luzie.

9 Nang n rata kecudau, nang ngauraume de mibung gage keru nzwa ru dizie.

RAMPAUBE pe lunghop gade penuide ngkap dizie,

nah mi le penuide ru dizie.

10 Nang penui leuhme de kideu gade ngkap dizie

nah mina ria gade penui dade lungh gwang kelu leune de ngkap dizie.

11 Kedanemene penui n dage kemau teigai kera cet kedine;

penui teigai kelak mariem ge tei!

12 Nang penuide teu nreu caili dizie;

nang penui dwa gade n lakpi pwampet zie.

13 Hetwa punglu, RAMPAUBO, n kengkieng gade;

anui lei teizie nah n kengkieng de twazie.