1 RAMPAUBE anui Rampaube, kideu pelane ga n zi dai hiage de dino,

nang n kemdu nreule tinggimdung gade keulia gai.

2 Ngienadung nah nepamnadung mui gade nang hetwa ngaulu

kedanemene n ngauraume ziemne,

iciu eh nang ngauraume nah hekum peei kelame hangnana de kaamdi kerane.✝

3 Nang n zurangdung le tei kegai tinggimdung ga pie nghang kegaidau,

hekei de nah hegidung de, nang pe bam gage kai kegaidung de,

4 mina leuh au n ziemne daikenzwa ge nlang no, nang penuide ncet kela,

mede minadung dai no nang penui mapie kela?*

5 Iciude nang penuide tinggimme swade keceunage gwale tei henah di ma

nah penuide kendu nah hetwa peurwa kaibeu.

6 Nang pecu de peu n batadung reu ga kedi tei;

nang maleune de pe pi kangga kaibeu:*

7 meurünna leune nah hetumseu,

nah luh ga makaune leune de,

8 tingkam ruinedung, nah jaaidi ga hekadung, nah makaune jaaididung ga tetkah kebam pelane.

9 RAMPAUBE anui Tinggwang

kideu pelane ga n zi dai hiage de dino!