1 RAMPAUBE de peulo, nnui Tinggwang gwamedung,

RAMPAUBE de kendu nah kengkieng peulo!

2 RAMPAUBE de pe zi ngau kebui kendu peulo.

RAMPAUBE kemci dwaga keumie lu!

3 RAMPAUBE kwa au dui reudung gade siubam;

kemdu Tinggwang tingceu gaizeu,

RAMPAUBE dui reudung pelane de tingceu gaizeu.*

4 RAMPAUBE kwa au ngkieng süt;

RAMPAUBE kwa au hecili eh.

5 RAMPAUBE kwa cedar bangdung de teipang dila;

RAMPAUBE Lebanon* cedarbangdung de tei kecai dila.

6 Pa Lebanon de hetumna nzwa peu nsau

nah Sirion lamlwa de peu hetumseuna nzwa.

7 RAMPAUBE kwa ne miheu tei mpet.

8 RAMPAUBE kwa ne renaamkang de tei mlai di;

RAMPAUBE Kadesh renaamkang de tei mlai.

9 RAMPAUBE* kwa ne mhu bangdung teu kelai dida

nah hegungdung de tei mrwa di.

Kerecaki ga mina pelane, "Ndulo!" De eh rangdi.

10 RAMPAUBE duinai reuga hegwangpei tei eh bam.

RAMPAUBE kelungta hegwang tei eh bam.

11 RAMPAUBE pe minadung de kengkieng peula;

RAMPAUBE pe minadung de lungciep pwa samlam beula.