1 Anuide ngha lo, RAMPAUBO, kedanemene kesamsangme gah dide kecune;

petau kelame mina leuh gade gah dida.

2 Mileune pe kidame dage kemta sam rangla;

mileune kenret muileu le nah helung kena le marang la.

3 RAMPAUBO, kenret kerang muileudung de kaam dilo,

mleu leune ngang eh rang keladung de.

4 Aidungde au ainzwa eh rang kegaime, "Anui mleu le anui ngkieng luzie.

Anui mui mleu marang kegaidau, anui reu caune ngkieng lu buino?"

5 "Kegame de tei keherei kegai ziemne, ngha teu maisia kelamedung mra kegai ziemne,

Ih cuhlu zie," de eh RAMPAUBE rang.

"Penui luu neu kela kengha de Ih penuide peu zie."

6 RAMPAUBE samdung au nlumlu kebui samdung,

rangkanggeu kideu gade

pia hena mi le ru mcikelu nzwa.

7 Nang au RAMPAUBE! Nang penuide gum beula.

Nang kesiame aidungde dade mina kemcime de kelungta gum beulo.

8 Kemaumedung kehei gade bam

Kesiabe ndu kegai dau mina leuhdung kak gage.