1 RAMPAUBE de twa.

RAMPAUBE de twa, a rabo.

2 Ih a teilung pelane teu eh RAMPAUBE de hetwa peula;

Ih a Tinggwang dage ketwa lei teigai zie Ih kelungtane.

3 Hegwang namedung dage

mede mina dage, penui da kelikelu kegahme dage n kenlum kai diso.

4 Mige keringcui de ntak kedidau, pa tangdei ga caili gwangdai dila;

cipau nai pa riemteu keladung cang dila.

5 Pe ngha ziemne Jacob Tinggwang da kebam be samlam pungtu,

pe keregui RAMPAUBE Tinggwang da kebambe.

6 RAMPAUBE tinggim nah kideu teilu,

jaaidi, nah cidung ga kebam pelane;

pa nlumlukebui de kelungta ncet bamla.*

7 Pa mine teikeherei kelame ziemne hetu tiakla

nah mzeu kelame de ketyeipok peu la.

RAMPAUBE hebaangmedung de lungmpet beu la;

8 RAMPAUBE miakcetme de peu ma ngaulu;

RAMPAUBE henah kelame dung de teu cuh beu;

RAMPAUBE mina kesamsang medung de ku.

9 RAMPAUBE kideu ga sangmedung de gumbeu;

pa pe pei kegame nah hemipui de teu cu beu,

dede pa kenlienmedung de renia la.

10 RAMPAUBE kelungta hegwang teizie,

nnui Tinggwang, Zion, ceheudung pelane ziemne.

RAMPAUBE de twa.