1 Tinggwang kemci ngkwa reuga sap bamla; kenret rabedung kakga pane tutiakbe tei bamla.

2 Dai tiege nang masang mene hetutiak lai

nah nnui kenlienme lam kepwa keulia lai? Selah

3 Kegahme nah pepei kegahme de gum beulo;

keherei nah kegahmedung mzeu lam saplu.

4 Kegahme nah mi ngha teumai kesiame de kelibeu lo;

penui de kesiame ba gade keumpet beulo.

5 Kesiame ci luma, mede cet luma;

penui malam ci mene kemui ga rwala di;

kideube bangdwa leune pangpop dida.

6 Ih ranggai, "Nnui herabedung,

nah nnui pelane Hutube Tinggwang namedung.*

7 Iciu liede nnui minadung nzwa tsai dizie

nah kau dizie hegwang na ge nzwa."

8 Cuhlu, Tinggwang, kideu tutiak lo,

kedanemene nang n mapwa heleuh pelane da bamlu.