1 RAMPAUBE dage Ih nsiu gaila;

nang dainzwa a dage,

"Lamlwa ga nruine nzwa lim nghang lu," de eh ranglu lai?

2 Kedanemene pielo! Kesiame pe lakpidung mteilu da.

Penui lakpi ria gage pe lakpitsidung mtei gailu da

makesangme nlung gage tingmuidau kapgai kerane.

3 Kedanemene pe bangdwabe teingkap dicai,

kesamsangme dai teilu lai?

4 RAMPAUBE au pe hegwang bam ga bam;

pe miak le pie bam, mina leuh de pa pe miak le pie ncet bam.

5 RAMPAUBE kesamsangme nah kesiame ai kenana de pieteune bamla,

dede pa kesia ta tei keneume de ngkaula.

6 Pa kemaume reu gage miheutsu nah sulphur heu kebam tei cakkeimie gaila;

pa tingkai kelumle penuide tei keherei la!

7 RAMPAUBE au samsang, nah ma kesamsangbe pesui la;

makesangme pe zu ngau zie.