1 Tinggwang pe katei pecu peu Judah de cigai;

pe zi au Israel ga di süt.

2 Pe paiki Salem* ga bam;

pa kelung ni au Zion.

3 Cika de pa lakpi gu tsidung teicum,

hegeu, kingtie, nah hereu nia kedabe dung. Selah

4 Nang ba sütgai eh n kemdu lia gai,

lamlwadung gade kenghung dau, cika de nang ngauraume de ngamlu zie.

5 Reugwa kekuume gunia keugi kapdi;

penui kau eh tsaidi.

Reugwame pelane magede teisi gailak di.

6 Nang herata kegai gade, Jacob Tinggwang,

hekwen teume nah hekwen kau zipdi.

7 Ncu, yeo ncu, hing lu kerabe;

cau n miak ngau ga saplu buino nang n rata kebamdau?

8 Nang Tinggim gade n tutiak de peu siu;

kideube hing nah zing dedi

9 nang, Tinggwang, cuh eh hetutiak kegaidau

nah kideu ga keherei kelame de keli kebeudau. Selah

10 N rata tutiak minadung dage kekai de ncu ketwa teu gwang zie;

hereu gade ring kelume ncu reca zie.

11 RAMPAUBE n Tinggwang dage sampet dung tei lu nah kai nzeu lu.

Pecu twagwa kebamme leune pecu mapeudung teugwang beulu pecu kerüt peulu kebui dage.

12 Tinggwang hegwang ngang kelame de tei henah dida;

nah kideu ga hegwangmedung de keheu dida.