1 RAMPAUBE au hegwangbe, peu kideube de pesuiyi lu;

peu duigwadeudung pelane de pe sui yilu.✝

2 Hemwadung nah kemui le pecu twagwa bam.

Kemzui nah kesamsang au pe hegwangbam bangdwabe.

3 Mi pe dwa gade tetla

nah petai leune ga pe ngauraume de ru nggah dila.✝

4 Pa tingkehepik le kideube de tei mbaa gai;

kideube ngau eh mbeu.

5 RAMPAUBE dwaga lamlwadung maca nzwa sui di,

kideu pelane reu Rampaube.

6 Tinggimdung pe masang rang ndugai,

nah heleuhdung pelane pe kemdu ngau dida.

7 Mamie heri lwe reca kelaleune ngngam zie,

pemi kegah mamie recadung gade ngang kelame,

pe da keumie lulo, nnui rabedung pelane!

8 Zion ga siu lu eh pesui yi lu,

nah Judah namdidung renga lu

n masang zaidung ziemne, RAMPAUBO.

9 Nang, RAMPAUBO, kideu pelane peureu hutube.

Nang au rabedung pelane reu ditube.✝

10 Nnui RAMPAUBE de hung kelame, kesia ngkau lu!

Pa pecu kenlumme ge teilung gum beula,

nah kenlienme ba gade pa penui de keumpet peula.

11 Makesangme ziemne kebaa baa beula

nah lungsang eh kelame ziemne suiyi bamla.

12 RAMPAUBE gade suiyi bamlu, nnui kesamsangmedung,

nah pe kemci nsung keludau ketwa peu lulo.